Gudnius abaotem Jisas Kraes wea Jon hemi raetem 8:17 - Pijin Bible

¹⁷ Lo blong yufala hemi talem finis nao, wea sapos toktok blong tufala man i barava semsem nomoa, wanem tufala talem hemi barava tru nao ya.

Pijin Deuterocanon

¹⁷ Lo blong yufala hemi talem finis nao, wea sapos toktok blong tufala man i barava semsem nomoa, wanem tufala talem hemi barava tru nao ya.

Gudnius abaotem Jisas Kraes wea Jon hemi raetem 8:17 Iomraidhean Croise

1 Kings 21:10

An yufala mas tekem kam tufala man fo mekem trabol, an mekem tufala fo sidaon kolsap long hem. Den tufala mas toktok agensim Nabot long frant long olketa bikman ya. Tufala mas tokaot olsem hemi bin toknogud long God an long king tu. Den yufala mas tekem hem go aotsaet from taon ya, an yufala mas sutim hem long ston go-go hemi dae.”

Nambas 35:30

“Sapos eniwan hemi kilim dae narafala man, datfala man hemi mas dae tu. Bat yufala mas garem olketa witnes fo talemaot olsem samting ya hemi tru o nomoa, mekem yufala jajem man olsem hemi mas dae. Nao sapos wanfala man nomoa hemi witnes agensim datfala man, toktok blong hem hemi no naf fo yufala jajem datfala man olsem hemi mas dae.

Matiu 18:16

Bat sapos hemi no wiling fo herem yu, yu mas gobaek long hem long mektu taem moa, an yu mas askem wanfala o tufala man moa fo go wetem yu, bikos Buktambu hemi sei, ‘Taem eniwan hemi ripotem nara man, tu-tri pipol nao mas stap fo witnes long wanem hemi talem.’

Gudnius abaotem Jisas Kraes wea Jon hemi raetem 10:34

Jisas hemi ansarem olketa olsem, “Olketa raetem insaet long Lo blong yufala wea God hemi tok olsem, ‘Yufala olsem God ya.’

Gudnius abaotem Jisas Kraes wea Jon hemi raetem 15:25

Bat diswan hemi hapen olsem, mekem toktok long Lo blong olketa hemi kamtru, wea hemi sei, ‘Olketa heitem mi nating nomoa ya.’

2 Korin 13:1

Diswan hemi mektri taem wea bae mi go kasem yufala. An Buktambu hemi sei, “Taem eniwan hemi ripotem nara man, tu-tri pipol mas stap fo witnes long wanem hemi talem.”

Galesia 3:24

Lo hemi gohed fo kontrolem yumi, go-go Kraes hemi kam. An bikos yumi biliv long hem nao, yumi kamap stret long ae blong God.

Galesia 4:21

?Waswe long yufala hu i laek fo stap falom Lo, yufala no save long wanem nao Lo hemi barava talem?

Diutronomi 17:6

Bat fastaem, bifoa yufala kilim hem dae, yufala mas garem tufala o trifala witnes long samting ya. Sapos wanfala man nomoa hemi talemaot samting ya, yufala no save kilim hem dae.

Diutronomi 19:15

Nao Mosis hemi gohed fo tok olsem, “Yufala no save mekem kot long man sapos wanfala man nomoa hemi talemaot rong blong hem. Tu-tri man mas witnes long rong wea man hemi duim bifoa yufala kotem hem.

Hibrus 10:28

Long bifoa, sapos eniwan hemi brekem Lo blong Mosis, an tufala o trifala pipol i talemaot rong blong hem, olketa kilim hem dae, an no eniwan hemi filsore long hem.

1 Jon 5:9

Yumi save bilivim nomoa wanem wanfala man hemi talemaot, bat wanem God hemi talemaot, hemi bikfala moa. God nao hemi talemaot finis toktok abaotem disfala San blong hem.

Revelesin 11:3

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”