Gudnius abaotem Jisas Kraes wea Jon hemi raetem 7:7 - Pijin Bible

⁷ Olketa pipol blong disfala wol olketa no agensim yufala, bat mi nao olketa agensim mi, bikos mi talemaot dat wei blong olketa hemi ravis.

Pijin Deuterocanon

⁷ Olketa pipol blong disfala wol olketa no agensim yufala, bat mi nao olketa agensim mi, bikos mi talemaot dat wei blong olketa hemi ravis.

Gudnius abaotem Jisas Kraes wea Jon hemi raetem 7:7 Iomraidhean Croise

1 Kings 21:20

Nao taem king hemi lukim Elaeja, hemi tok olsem, “Sei, enemi blong mi, hemi faendem mi finis.” An Profet hemi ansa olsem, “Ya, mi faendem yu nao, bikos yu gohed nomoa fo duim olketa samting wea hemi barava nogud tumas long ae blong Yawe.

1 Kings 22:8

Den King Ehab hemi tok olsem, “Ya, wanfala man hemi stap, wea nem blong hem Maekaea, san blong Imla. Yumitufala save askem hem fo herem tingting blong Yawe. Bat mi les long hem bikos hemi no save talem eni gudfala samting long mi. Oltaem olketa samting wea hemi talem i nogud.” Bat King Jehosafat hemi sei, “Yu no tok olsem.”

Sams 109:5

An nomata mi bin duim olketa gudfala samting fo olketa, olketa ya i duim nomoa olketa nogud samting fo mi. Mi lavem olketa, bat olketa heitem mi nomoa. Olketa nogud pipol i tok olsem agensim mi,

Provebs 15:12

Bikhed man hemi les fo lisin, hemi no laek fo herem waes advaes.

Provebs 8:36

Bat man hu hemi no faendem mi, hemi spoelem hem seleva nomoa. An eniwan hu hemi heitem mi, hemi laekem tumas fo dae.”

Aesaea 29:21

olsem olketa hu i talem laea toktok agensim olketa narafala pipol long kot, an olketa hu i laea mekem stretfala man save lus long kot, olketa ya nao bae Yawe hemi barava panisim olketa.

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Jeremaea 20:8

Evritaem mi talemaot Mesij blong Yawe, an singaotem woning blong yu long olketa abaotem wei wea bae yu panisim olketa, oltaem nomoa olketa jes mekfan long mi, an tokspoelem mi.

Levitikas 13:10

mekem prist hemi lukluk long hem. Sapos soa blong hem hemi waet bat olketa save lukim mit, an hemi gohed fo mekem olketa hea long ples ya fo kamap waet,

Sekaraea 11:8

Trifala narafala man fo lukaftarem sipsip wea mifala waka tugeta i nating laekem mi, trifala agensim mi go-go mi taet long trifala. From samting ya nao, insaet long wanfala mans mi ronemaot trifala.

Malakae 3:5

Yawe hu hemi garem evri paoa, hemi tok olsem, ?Bae mi kam fo jajem yufala, an kuiktaem nomoa mi talemaot hu long yufala nao hemi duim olketa ravis samting. Hem nao olketa hu i mekem majik, an olketa hu i brekem lo blong marit, an olketa hu i laea long kot, an olketa masta hu i ravem pei blong wakaman, an olketa hu i mekful long olketa wido an olketa pikinini wea mami an dadi blong olketa i dae finis, an mekful long olketa strensa. Evriwan hu i duim olketa nogud samting olsem i nating tinghae long mi.?

Gudnius abaotem Jisas Kraes wea Luk hemi raetem 6:26

“!An yufala wea olketa pipol i sei yufala olketa gudfala pipol, yufala lukaot! Yufala ya, yufala wankaen wetem olketa laea profet long bifoa kam, bikos semsamting nao hemi hapen long olketa.”

Gudnius abaotem Jisas Kraes wea Jon hemi raetem 17:14

“Mi talem long olketa finis evri toktok wea yu talem kam long mi. Olketa pipol long disfala wol ya olketa heitem olketa pipol blong mi bikos olketa no blong disfala wol, olsem mi tu mi no blong disfala wol.

Gudnius abaotem Jisas Kraes wea Jon hemi raetem 3:19

Hao God hemi jajem man hemi olsem, disfala laet hemi kam finis long disfala wol nao, bat olketa pipol nao i no laekem. Olketa laekem nomoa samting insaet long dak ples, bikos evrisamting wea olketa duim hemi ravis tumas.

Leta wea Pol hemi raetem go long sios long Rom 8:7

Bikos man hu hemi tingting tumas long nogud wei blong sin, hemi enemi blong God. Hemi no save obeim Lo blong God, an hemi had tumas fo hemi duim diswan.

Galesia 4:16

?Waswe, yufala kamap enemi blong mi nao bikos mi talem tru samting long yufala?

Jemes 4:4

Yufala lusim finis wei blong God. ?Waswe, yufala no save dat disfala wei fo falom wol hemi agensim God? So eniwan hu hemi laek fo falom wei blong wol, hemi enemi blong God nao.

1 Jon 4:5

Olketa laea tisa i blong disfala wol nomoa. Dastawe nao toktok blong olketa hemi abaotem wei blong disfala wol nomoa, an olketa pipol blong wol i laekem tumas fo herem toktok blong olketa.