Gudnius abaotem Jisas Kraes wea Jon hemi raetem 7:4 - Pijin Bible

⁴ Sapos wanfala man hemi laekem olketa pipol fo luksave long hem, bae hemi mas no duim waka blong hem long ples wea hemi haed. An bikos yu nao yu duim olketa bik samting ya, yu mas go an duim klia nao long ae blong evriwan long disfala wol.”

Pijin Deuterocanon

⁴ Sapos wanfala man hemi laekem olketa pipol fo luksave long hem, bae hemi mas no duim waka blong hem long ples wea hemi haed. An bikos yu nao yu duim olketa bik samting ya, yu mas go an duim klia nao long ae blong evriwan long disfala wol.”

Gudnius abaotem Jisas Kraes wea Jon hemi raetem 7:4 Iomraidhean Croise

1 Kings 22:13

Nao bikman wea hemi kolem kam Profet Maekaea, hemi tok olsem long hem, “Olketa narafala profet ya i talem toktok blong olketa long king olsem, sapos hemi go fo faet long Ramot, bae hemi win. An hemi gud fo yu tu yu talem sem toktok.”

Matiu 23:5

Olketa duim nomoa olketa gudfala samting, mekem olketa pipol lukim nomoa ya. An strap fo taengem Lo long bodi blong olketa, olketa mekem hem bik tumas. An olketa rop wea i hangdaon long en blong kaleko blong olketa, olketa mekem bikfala tu.

Matiu 4:6

An Seitan hemi sei, “Sapos hemi tru wea yu San Blong God, yu jam go long daon. Bikos Buktambu hemi sei olsem, ‘God bae hemi talem go long olketa enjel blong hem, fo olketa mas karim yu go wetem han blong olketa, mekem yu no bangam lek blong yu long olketa ston ya.’”

Matiu 6:16

An Jisas hemi sei moa, “Taem yufala stop fo no kaikai, yufala mas no duim olsem olketa pipol hu i save laea tumas, wea olketa save mekem fes blong olketa fo luk sore taem olketa stop fo no kaikai. Olketa duim olsem fo mekem olketa pipol i save lukim nomoa ya. Bat mi talem yufala tru samting nao, olketa tekem blesing blong olketa finis taem olketa pipol i tinghae long olketa ya.

Matiu 6:5

An Jisas hemi sei moa, “Taem yufala prea, yufala mas no duim olsem olketa pipol hu i save laea tumas, wea olketa laekem tumas fo go stanap long preahaos an long olketa bikrod long midol long taon, taem olketa prea. Olketa duim olsem fo mekem olketa pipol save lukim olketa nomoa ya. Mi talem yufala tru samting nao, olketa tekem blesing blong olketa finis ya.

Gudnius abaotem Jisas Kraes wea Luk hemi raetem 6:45

Gudfala man hu hemi garem gudfala tingting long maen blong hem, hemi save duim olketa gudfala samting. Bat nogud man hu hemi garem olketa ravis tingting long maen blong hem, hemi save duim nomoa olketa ravis samting. Bikos wanem hemi fulap long maen blong wanfala man nao, hemi save kamaot long toktok blong hem.

Gudnius abaotem Jisas Kraes wea Jon hemi raetem 18:20

Jisas hemi ansarem hem olsem, “Mi bin toktok klia abaotem olketa samting ya nomoa long evriwan. Mi tis olowe insaet long olketa preahaos an insaet long eria long Tambuhaos wea olketa pipol save hipap tugeta long hem. Mi nating talemhaed enisamting ya.

Gudnius abaotem Jisas Kraes wea Jon hemi raetem 7:3

An olketa brata blong Jisas olketa sei long hem, “!Ei, yu go long Jiudia nao, mekem olketa pipol wea i falom yu, olketa save lukim olketa mirakol wea yu duim!

Gudnius abaotem Jisas Kraes wea Jon hemi raetem 7:5

Olketa talem olsem bikos nomata olketa brata blong Jisas, olketa nating biliv long hem nomoa.