Gudnius abaotem Jisas Kraes wea Jon hemi raetem 6:32 - Pijin Bible

³² Nao Jisas hemi sei long olketa, “Mi talem yufala tru samting nao, disfala kaikai wea Dadi blong mi hemi givim long yufala, hem nao barava kaikai wea hemi kamdaon long heven, an hemi no diswan wea Mosis hemi bin givim ya.

Pijin Deuterocanon

³² Nao Jisas hemi sei long olketa, “Mi talem yufala tru samting nao, disfala kaikai wea Dadi blong mi hemi givim long yufala, hem nao barava kaikai wea hemi kamdaon long heven, an hemi no diswan wea Mosis hemi bin givim ya.

Gudnius abaotem Jisas Kraes wea Jon hemi raetem 6:32 Iomraidhean Croise

Sams 78:23

Nomata olketa i olsem, hemi mekem skae fo open olsem wanfala doa,

Eksodas 16:4

Yawe hemi tok long Mosis olsem, “Bae mi mekem kaikai fo foldaon kam from skae olsem ren, mekem yufala save kaikaim. An evri de, bae yufala evriwan mas go an pikimap kaikai fo yufala wea hemi naf fo wanfala de nomoa. Long wei ya nao, bae mi save luksave long olketa hu i falom toktok blong mi, an olketa hu i no falom.

Eksodas 16:8

Tude long ivining, bae Yawe hemi givim mit long yufala, an tumoro long moning, bae hemi givim staka bred long yufala fitim wanem yufala laekem. Bae Yawe hemi duim olsem bikos hemi herem finis, wea yufala gohed fo komplen agensim hem. ?Mitufala hu ya? Yufala save, taem yufala komplen agensim mitufala, yufala barava komplen agensim Yawe nomoa ya.”

Gudnius abaotem Jisas Kraes wea Jon hemi raetem 1:9

Disfala laet hemi barava tru laet wea hemi kam long disfala wol an saen long evriwan.

Gudnius abaotem Jisas Kraes wea Jon hemi raetem 15:1

Jisas hemi toktok moa olsem, “Mi nao disfala tru grep tri, an Dadi blong mi nao hemi lukaftarem disfala grep tri ya.

Gudnius abaotem Jisas Kraes wea Jon hemi raetem 6:31

Olketa olo blong yumi bifoa, taem olketa stap long drae eria ya, olketa kaikaim olowe diskaen kaikai wea olketa kolem mana, olsem Buktambu hemi talem taem hemi sei, ‘Kaikai wea hemi kamdaon long heven, hem nao hemi givim long olketa fo kaikaim.’”

Gudnius abaotem Jisas Kraes wea Jon hemi raetem 6:33

Disfala kaikai wea God hemi givim ya, hemi kamdaon long heven fo givim laef long evriwan long disfala wol.”

Gudnius abaotem Jisas Kraes wea Jon hemi raetem 6:35

So Jisas hemi talem long olketa olsem, “Mi nao mi disfala kaikai wea hemi givim tru laef. Eniwan hu hemi kam long mi, bae hemi no hanggre moa. An eniwan hu i biliv long mi, bae hemi no nidim moa enisamting fo dringim.

Gudnius abaotem Jisas Kraes wea Jon hemi raetem 6:41

Long taem ya, olketa Jiu i stat fo toktokhaed agensim hem nao, bikos hemi bin talem hem nao kaikai wea hemi kamdaon long heven.

Gudnius abaotem Jisas Kraes wea Jon hemi raetem 6:50

Bat disfala kaikai wea hemi kamdaon long heven ya, sapos eniwan hemi kaikaim, bae hemi no save dae.

Gudnius abaotem Jisas Kraes wea Jon hemi raetem 6:55

Bodi blong mi hemi barava truwan fo kaikaim, an blad blong mi hemi barava truwan fo dringim.

Gudnius abaotem Jisas Kraes wea Jon hemi raetem 6:58

So diswan nao kaikai wea hemi barava kamdaon finis long heven. Hemi no olsem disfala mana wea olketa olo blong yufala olketa bin kaikaim. Olketa ya olketa dae nomoa, bat eniwan hu hemi kaikaim disfala kaikai, bae hemi laef olowe.”

Galesia 4:4

Bat long barava raet taem, God hemi sendem kam San blong hem nao. Hemi bon kam long wanfala woman an hemi stap falom Lo blong Mosis.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.