Gudnius abaotem Jisas Kraes wea Jon hemi raetem 6:30 - Pijin Bible

³⁰ Olketa tok olsem moa long hem, “?Watkaen mirakol nao bae yu duim, mekem mifala save lukim an bilivim toktok blong yu? ?Wanem nao bae yu duim?

Pijin Deuterocanon

³⁰ Olketa tok olsem moa long hem, “?Watkaen mirakol nao bae yu duim, mekem mifala save lukim an bilivim toktok blong yu? ?Wanem nao bae yu duim?

Gudnius abaotem Jisas Kraes wea Jon hemi raetem 6:30 Iomraidhean Croise

1 Kings 13:3

Den man blong God hemi talemaot wanfala saen, “Saen fo somaot dat toktok ya hemi blong Yawe, hemi olsem: Disfala olta bae hemi brek, an asis long hem bae i foldaon go long graon.”

1 Kings 13:5

An semtaem nomoa, olta ya hemi brek an asis blong hem hemi foldaon go long graon, barava olsem Mesij blong Yawe wea man ya hemi jes talem.

Eksodas 4:8

Nao Yawe hemi tok olsem long hem, “Sapos olketa no save bilivim yu o luksave long fas mirakol ya, taem yu som mektu mirakol ya, olketa bae bilivim an tanem tingting blong olketa.

Eksodas 7:9

“Mosis, sapos king hemi talem yutufala fo mekem wanfala mirakol, oraet, yu talem Eron fo hemi torowe godaon wokingstik blong hem long graon frant long king, nao bae stik ya hemi kamap snek.”

Aesaea 5:19

Yufala gohed fo mekfan an tok olsem, “Holi God blong yumi long Israel mas duim kuiktaem olketa samting wea hemi promis fo duim mekem yumi save lukim. Ya, hemi mas mekem olketa plan blong hem fo kamtru mekem yumi save long hem.”

Gudnius abaotem Jisas Kraes wea Mak hemi raetem 15:32

?Waswe, hem nao hemi disfala Kraes, King blong Israel? Sapos hemi kamdaon long kros ya distaem, oraet, bae yumi lukim an biliv long hem nao.” An tufala man ya tu wea olketa nilam tufala wetem Jisas, tufala tokspoelem hem fogud.

Gudnius abaotem Jisas Kraes wea Mak hemi raetem 8:11

Samfala Farasi olketa kam long Jisas an olketa stat fo stori wetem hem from olketa wande fo trikim hem. So olketa askem hem fo mekem wanfala saen fo somaot sapos hemi tru wea God nao hemi sendem hem fo kam

Gudnius abaotem Jisas Kraes wea Jon hemi raetem 10:38

Bat mi barava duim olketa waka ya. So nomata yufala no bilivim wanem mi talem, yufala save biliv long olketa waka ya nao. Mekem bae yufala gohed fo savegud moa wea Dadi blong mi hemi stap wetem mi, an mi barava stap wetem hem.”

Gudnius abaotem Jisas Kraes wea Jon hemi raetem 12:37

Nomata Jisas hemi bin mekem olketa mirakol an olketa pipol lukim, olketa nating biliv long hem nomoa ya.

Gudnius abaotem Jisas Kraes wea Jon hemi raetem 2:18

Nao olketa bikman blong olketa Jiu olketa kam long Jisas an olketa tok olsem, “?Waswe, watkaen mirakol nao yu save mekem fo som long mifala wea God nao hemi givim yu paoa fo duim diswan?”

Gudnius abaotem Jisas Kraes wea Jon hemi raetem 6:14

Nao taem olketa pipol ya i lukim disfala mirakol wea Jisas hemi mekem ya, olketa sei nao, “!Disfala man ya, hemi mas disfala Profet wea Buktambu hemi sei bae hemi kam long disfala wol ya!”

Gudnius abaotem Jisas Kraes wea Jon hemi raetem 6:2

Plande pipol tumas nao olketa go wetem hem oltaem, bikos olketa lukim olketa mirakol wea hemi duim taem hemi mekem olketa pipol hu i sik fo gudbaek moa.

Gudnius abaotem Jisas Kraes wea Jon hemi raetem 6:36

Bat mi talem long yufala finis, nomata yufala bin lukim mi ya yufala nating biliv nomoa.

Aposol 4:30

Yu mas somaot kam paoa blong yu an mekem olketa sikman fo kamap gudbaek moa, an yu mas mekem olketa mirakol an olketa saen tu fo hapen long nem blong Jisas, disfala Holi Wakaman blong yu.”

1 Korin 1:22

Olketa pipol blong Jiu olketa wande tumas fo lukim nomoa olketa mirakol, an olketa pipol blong Grik olketa wande fo herem nomoa waes tingting.

Hibrus 2:4

An God tu hemi somaot dat disfala toktok hemi tru tumas, long wei wea hemi mekem enikaen samting fo hapen, olsem olketa saen an mirakol wea olketa pipol sapraes long hem. An hemi somaot diswan tu long wei wea hemi givimaot olketa spesol paoa blong Holi Spirit long olketa pipol, falom tingting blong hem seleva.