Gudnius abaotem Jisas Kraes wea Jon hemi raetem 5:39 - Pijin Bible

³⁹ Yufala ya, yufala tingse bae yufala kasem tru laef wea hemi no save finis bikos yufala save lukluk gud long olketa toktok insaet long Buktambu. !Olketa toktok ya, mi nao olketa tokabaotem ya!

Pijin Deuterocanon

³⁹ Yufala ya, yufala tingse bae yufala kasem tru laef wea hemi no save finis bikos yufala save lukluk gud long olketa toktok insaet long Buktambu. !Olketa toktok ya, mi nao olketa tokabaotem ya!

Gudnius abaotem Jisas Kraes wea Jon hemi raetem 5:39 Iomraidhean Croise

Sams 1:2

Olketa pipol ya i hapi bikos olketa falom Lo blong Yawe, an oltaem olketa gohed fo ridim an tingting long hem evri de an evri naet.

Sams 119:11

Mi mas tingim olketa tru toktok blong yu olowe, mekem mi no save sin agensim yu.

Sams 133:3

Hemi olsem wea pipol i hapi taem staka ren hemi foldaon long drae eria long Saeon. Long sem wei tu long Saeon, Yawe hemi gohed fo blesim laef blong olketa olowe nao. (Olketa pipol i singim disfala singsing ya taem olketa wakabaot goap fo fist long Jerusalem.)

Sams 16:11

Yu bin som mi olketa wei fo kasem tru laef, an taem yu stap wetem mi, bae yu mekem mi hapi fogud. (Prea blong Deved.)

Sams 21:4

Hemi askem yu fo givim hem gudfala laef, nao yu givim long hem. An laef ya wea yu givim, bae hemi stap olowe nao.

Sams 36:9

Yu nao yu mekem evri laef samting, an laet blong yu ya nao, hemi mekem mifala laef.

Provebs 6:23

Evri strongfala toktok ya nao laet, an disfala tising nao hemi laet. Hem save stretem yu, mekem yu kasem laef.

Aesaea 34:16

Yufala luk insaet long disfala buk blong Yawe an ridim toktok blong hem. Evri animol an bed wea mi bin talem bae hemi stap long Idom olsem wea Yawe bin talem finis an hem nao bae hemi mekem olketa fo kam tugeta.

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Jeremaea 8:9

Olketa waesman blong yufala bae i sem fogud an lusim rod blong olketa, bikos olketa les long Mesij blong mi Yawe finis. Disfala waes blong olketa hemi nogud, hemi kanduit helpem olketa.

Daniel 12:2

An plande long olketa pipol hu i dae finis, bae i laefbaek moa. Samfala long olketa bae i hapi long laef ya wea hemi stap olowe, bat samfala long olketa bae i sem fogud an safa fo evritaem olowe nao.

Matiu 22:29

Nao Jisas hemi ansarem olketa olsem, “Yufala ya, yufala nating save long Buktambu an yufala nating save long paoa blong God ya, dastawe nao yufala garem rong tingting olsem.

Gudnius abaotem Jisas Kraes wea Mak hemi raetem 10:3

Nao Jisas hemi ansarem olketa olsem moa, “?Watkaen lo nao Mosis hemi givim long yufala bifoa kam?”

Gudnius abaotem Jisas Kraes wea Mak hemi raetem 12:10

?Waswe, yufala nating ridim nomoa wanem Buktambu hemi sei? ‘Disfala ston wea olketa man fo wakem haos olketa no laekem, hemi kamap barava nambawan ston long haos nao.

Gudnius abaotem Jisas Kraes wea Luk hemi raetem 16:29

“Bat Ebraham hemi sei, ‘Olketa brata blong yu olketa garem wanem Mosis an olketa profet olketa bin raetem ya, so letem olketa seleva nao herem olketa toktok ya.’

Gudnius abaotem Jisas Kraes wea Luk hemi raetem 16:31

Bat Ebraham hemi sei, ‘Sapos olketa no save bilivim wanem Mosis an olketa profet olketa talem, nomata wanfala man hemi laefbaek moa from dae, bae hemi had tumas fo olketa bilivim toktok blong hem tu ya.’”

Gudnius abaotem Jisas Kraes wea Luk hemi raetem 24:25

Nao Jisas hemi tok olsem long tufala, “Man, yutufala no save tingting gud ya, an yutufala slou tumas fo bilivim evrisamting wea olketa profet bin talemaot bifoa.

Gudnius abaotem Jisas Kraes wea Luk hemi raetem 24:27

An Jisas hemi stat fo talemaot klia nao long tufala ya wanem nao olketa bin raetem abaotem hem insaet long Buktambu, stat kam long olketa buk blong Mosis an olketa buk blong olketa profet.

Gudnius abaotem Jisas Kraes wea Luk hemi raetem 24:44

Nao hemi tok olsem long olketa, “Disfala samting wea hemi hapen long mi ya, mi bin talem long yufala finis taem mi stap yet wetem yufala ya. Mi bin sei evrisamting hemi mas kamtru olsem wanem olketa bin raetem abaotem mi long Lo blong Mosis, an long olketa buk blong olketa profet, an long olketa buk blong olketa singsing.”

Gudnius abaotem Jisas Kraes wea Jon hemi raetem 1:45

Long bihaen, Filip hemi kasem Nataniel an hemi sei, “Disfala man wea Mosis hemi bin raetem abaotem long buk blong Lo, an olketa profet tu bin raetem abaotem, mifala lukim hem nao. Man ya, nem blong hem Jisas, hemi san blong Josef hu hemi kam from taon long Nasaret.”

Gudnius abaotem Jisas Kraes wea Jon hemi raetem 5:32

Bat nara man tu hemi stap, hu hemi talem yufala long wanem hemi save abaotem mi. An mi save dat wanem hemi talem abaotem mi, hemi barava tru ya.

Gudnius abaotem Jisas Kraes wea Jon hemi raetem 5:36

Bat mi garem narasamting moa wea hemi somaot klia dat Dadi ya hemi sendem mi kam. Diswan ya hemi strong winim wanem Jon hemi talemaot ya, an hem nao olketa waka wea mi duim from Dadi blong mi nao hemi talem mi fo duim olketa.

Gudnius abaotem Jisas Kraes wea Jon hemi raetem 5:40

Nomata olsem, yufala nating wiling nomoa fo kam long mi, mekem mi givim disfala laef long yufala.

Gudnius abaotem Jisas Kraes wea Jon hemi raetem 5:46

Sapos yufala barava bilivim wanem Mosis hemi talem, yufala save bilivim mi tu ya, bikos mi nao hemi raetem abaotem ya.

Gudnius abaotem Jisas Kraes wea Jon hemi raetem 7:52

Nao olketa tok olsem long hem, “?Waswe, yu tu wanfala man from Galili ya? Yu lukluk gud insaet long Buktambu, bae yu no lukim eni profet nao wea hemi kam from Galili ya.”

Aposol 13:27

Olketa pipol long Jerusalem an olketa bikman blong olketa, olketa nating luksave dat Jisas nao hemi save sevem olketa. An olketa nating luksave tu long olketa toktok ya blong olketa profet, wea olketa save ridim nomoa long evri Sabat. Bat olketa seleva nao i mekem olketa toktok ya fo kamtru, taem olketa bin jajem hem fo dae.

Aposol 17:11

Long taon ya, wei blong olketa pipol hemi gud tumas winim olketa long Tesalonaeka. Olketa wiling tumas fo herem toktok blong Pol, an evri de olketa gohed fo sekap long Buktambu sapos olketa samting i barava tru o nomoa.

Aposol 26:27

An King Agripa, mi save tu dat yu bilivim wanem olketa profet i bin raetem.”

Leta wea Pol hemi raetem go long sios long Rom 1:2

Disfala Gudnius ya God hemi promisim kam bifoa, wea olketa profet i raetemdaon insaet long Buktambu.

Leta wea Pol hemi raetem go long sios long Rom 3:2

!Oo plande gudfala samting ya! Nambawan samting nao hemi olsem, God bin givim kam olketa toktok blong hem long olketa Jiu fo lukaftarem.

Diutronomi 18:15

Bae hemi sendem wanfala profet olsem mi fo kam long yufala. Disfala profet hemi wanfala wantok blong yufala, an bae yufala mas obeim hem.

Diutronomi 18:18

So bae mi mekem wanfala profet olsem yu fo kamap, an bae hemi wantok blong olketa. Bae mi talem olketa toktok blong mi long hem, den bae hemi talemaot olketa toktok ya long olketa.

Diutronomi 29:29

“Yawe, God blong yumi, hemi garem samfala tingting blong hem wea hemi haedem, bat hemi talemaot olketa lo blong hem finis long yumi, an long olketa wea bae i kamaot bihaen long yumi, so yumi mas obeim hem olowe nao.”

Diutronomi 32:47

!Yufala mas save! Olketa lo ya i no samting nating nomoa. Laef blong yufala i stap long olketa lo ya. Yufala mas falom, mekem yufala save stap longtaem long lan wea bae yufala go akros long Jodan Riva fo tekova long hem.”

Kolosi 3:16

Yufala mas letem toktok ya blong Kraes wea hemi fulap long olketa gudfala samting, fo hemi stap oltaem insaet long maen blong yufala. An yufala mas gohed fo yusim olketa waes toktok fo stretem yufala an fo tisim yufala evriwan gudfala. An hemi gud fo yufala preisim God long maen blong yufala, an gohed fo singim olketa singsing blong Buktambu an olketa singsing blong lotu an olketa nara singsing wea Holi Spirit hemi save givim kam.

Hibrus 11:16

Bat wanem olketa laekem tumas nao hemi fo stap long wanfala kantri wea hemi gudfala moa, an heven nao hemi disfala kantri ya. Dastawe nao God hemi no filsem taem pipol kolem hem God blong olketa. Bikos hem nao hemi mekredi finis long wanfala bikfala taon fo olketa.

Hibrus 11:35

An olketa woman i biliv long God, an dastawe olketa long famili blong olketa hu i dae finis, olketa i laefbaek moa. Bat samfala nara pipol hu i biliv long God, olketa enemi blong olketa nao i barava hitim olketa go-go olketa dae. Olketa no laek fo helpem olketa enemi, mekem olketa save letem olketa fo go fri, bikos olketa laek fo kasem laef wea hemi gudfala moa.

Josua 1:8

Oltaem, yu mas ridim buk blong Lo an yu mas tisim olketa pipol abaotem olketa toktok wea hemi stap insaet. An long de an naet yu mas tingting gudfala falom olketa toktok ya, mekem yu save duim evrisamting wea Lo hemi talem. Sapos yu duim olsem, olketa waka blong yu bae hemi save gohed gudfala.

Revelesin 19:10

Nao mi nildaon long frant blong enjel ya fo wosipim hem, bat hemi tok olsem long mi, “!Nomoa, yu no wosipim mi! Mi wanfala wakaman olsem yu nomoa ya. Mi olsem olketa Kristin fren blong yu nomoa, wea olketa gohed fo trastem olketa tru toktok wea Jisas hemi talemaot. !Yu mas wosipim God nomoa! Bikos olketa tru toktok wea Jisas hemi talemaot ya, hem nao paoa wea hemi helpem olketa profet fo talemaot profesi.