Gudnius abaotem Jisas Kraes wea Jon hemi raetem 5:14 - Pijin Bible

¹⁴ Bihaen nao, Jisas hemi jes mitim man ya moa insaet long Tambuhaos ya, so hemi tok olsem long hem, “Yu lukim, long distaem yu gudbaek nao ya. So yu mas no duim moa olketa nogud samting ya, mekem no enisamting hemi kasem yu wea hemi barava nogud moa.”

Pijin Deuterocanon

¹⁴ Bihaen nao, Jisas hemi jes mitim man ya moa insaet long Tambuhaos ya, so hemi tok olsem long hem, “Yu lukim, long distaem yu gudbaek nao ya. So yu mas no duim moa olketa nogud samting ya, mekem no enisamting hemi kasem yu wea hemi barava nogud moa.”

Gudnius abaotem Jisas Kraes wea Jon hemi raetem 5:14 Iomraidhean Croise

2 Kronikols 28:22

Long taem King Ehas hemi garem bikfala trabol, hemi gohed nomoa fo mekem olketa sin agensim Yawe.

Nehemaea 9:28

“Bat evritaem olketa save stap gud moa, olketa stat fo mekem sin moa, an yu letem olketa enemi fo kam winim olketa, an rul ovarem olketa. An evritaem olketa kraeaot moa long yu, yu herem olketa long heven. Bikos yu barava sore long olketa, oltaem yu gohed fo sevem olketa from paoa blong olketa enemi.

Sams 118:18

Hemi barava panisim mi, bat hemi no letem mi dae.

Sams 18:22

Mi gohed fo falom olketa lo blong hem, an mi nating brekem olketa strongfala toktok blong hem.

Sams 27:6

Nao bae mi winim olketa enemi blong mi wea i stap raonem mi. An bae mi go long Tambu Haostent blong Yawe, an taem mi mekem sakrifaes go long hem, bae mi singaot bikfala bikos mi hapi tumas. Ya, bae mi singsing fo preisim hem.

Sams 9:13

Lod Yawe, plis yu sore kam long mi. Olketa enemi blong mi ya i barava mekem mi safa fogud. Plis yu sevem mi from dae.

Aesaea 38:20

Bae Yawe hemi sevem mi. Bae mifala ringim gita, an singsing fo preisim hem. Oltaem long laef blong mifala, bae mifala singsing fo preisim Yawe insaet long Tambuhaos blong hem.

Aesaea 38:22

An King Hesekaea bin askem Profet Aesaea olsem, “?Watkaen saen nao mi save lukim fo somaot dat bae mi save gohed fo laef an goap moa fo wosip long Tambuhaos blong Yawe?”

Levitikas 13:20

Den prist hemi mas lukluk long hem, an sapos hemi lukim dat disfala soa hemi no stap long skin nomoa bat hemi go insaet long mit, an olketa hea long ples hemi waet, hemi mas talemaot dat disfala man hemi no klin long ae blong mi. Soa ya hemi wanfala ravis sik long skin wea hemi kamaot long ples blong boela.

Levitikas 26:27

“Sapos olketa panis ya i no mekem yufala fo tane kambaek long mi, bat yufala gohed nomoa fo agensim mi,

Levitikas 7:12

Sapos eniwan hemi mekem disfala sakrifaes fo talem tengkiu long mi, hemi mas mekem ofaring tu long trifala kaen bred wea i no garem eni yist long hem. Fas kaen bred mas garem flaoa wea hemi miks wetem oliv oel. Mektu kaen hemi olsem bisket wea hemi mas rabem oliv oel long hem. An mektri kaen hemi spesol bred wea man mas wakem long flaoa blong nambawan wit.

Matiu 12:45

So long taem ya, hemi go an hemi tekem kam sevenfala devol moa wea olketa barava nogud moa winim hem seleva. An olketa go stap insaet long man ya nao. An long taem ya, disfala man ya hemi barava nogud tumas winim bifoa. So hem nao wanem bae hemi kasem yufala olketa pipol blong distaem, wea wei blong yufala hemi ravis.”

Gudnius abaotem Jisas Kraes wea Mak hemi raetem 2:5

Taem Jisas hemi luksave long biliv blong olketa, hemi sei olsem long sikman ya, “Fren, mi fogivim nao olketa sin blong yu.”

Gudnius abaotem Jisas Kraes wea Jon hemi raetem 5:13

Bat man wea hemi gudbaek ya, hemi no save hu nao hemi mekem hem fo gudbaek moa. Bikos plande pipol tumas nao i stap long ples ya, an Jisas hemi goawe finis nao.

Gudnius abaotem Jisas Kraes wea Jon hemi raetem 5:5

Nao wanfala man hu hemi leidaon long ples ya, hemi sik fo teti-eit yia finis nao.

Gudnius abaotem Jisas Kraes wea Jon hemi raetem 8:11

Nao woman ya hemi sei, “Masta, no eniwan nao.” Nao Jisas hemi sei, “Mi tu mi no talem enisamting agensim yu. So yu gobaek, bat yu mas no duim eni rong samting moa.”

1 Pita 4:3

Plande taem finis, yufala bin falom wei blong olketa pipol hu i no biliv long God. Olketa ya nao i laek fo durong wetem eniwan nomoa, an olketa laekem tumas olketa nogud samting. An olketa gohed fo drang tumas, an mekem olketa bikfala fist fo kaikai an dring tumas an fo duim olketa samting wea hemi barava nogud. An olketa gohed tu fo wosipim olketa laea god.