Gudnius abaotem Jisas Kraes wea Jon hemi raetem 4:9 - Pijin Bible

⁹ Long taem ya, disfala woman blong Samaria hemi tok olsem long Jisas, “!Ei, yu man blong Jiu ya! !An mi woman blong Samaria! ?So hao nao yu save askem mi fo wata fo dring?” Olketa Jiu ya olketa nating save yusim enisamting wea eniwan blong Samaria hemi yusim finis.

Pijin Deuterocanon

⁹ Long taem ya, disfala woman blong Samaria hemi tok olsem long Jisas, “!Ei, yu man blong Jiu ya! !An mi woman blong Samaria! ?So hao nao yu save askem mi fo wata fo dring?” Olketa Jiu ya olketa nating save yusim enisamting wea eniwan blong Samaria hemi yusim finis.

Gudnius abaotem Jisas Kraes wea Jon hemi raetem 4:9 Iomraidhean Croise

Matiu 10:5

Taem Jisas hemi sendemaot tuelfala aposol ya fo waka, hemi tokstrong long olketa olsem, “Taem yufala goaot, yufala mas no go long olketa pipol long Samaria an long olketa pipol hu i no Jiu.

Gudnius abaotem Jisas Kraes wea Luk hemi raetem 10:33

Bat bihaen, wanfala man blong Samaria hemi kam kasem man ya wea hemi leidaon long saet long rod. Taem hemi lukim man ya nomoa, hemi barava sore tumas long hem nao.

Gudnius abaotem Jisas Kraes wea Jon hemi raetem 4:27

Long taem ya, olketa disaepol blong Jisas olketa kambaek nao. An olketa sapraes fo lukim dat Jisas hemi toktok long disfala woman blong Samaria ya. Bat nomata olsem, no eniwan long olketa hemi askem hem abaotem wanem nao hemi laekem o waswe nao hemi toktok long woman ya.

Gudnius abaotem Jisas Kraes wea Jon hemi raetem 8:48

Nao olketa bikman blong olketa Jiu ya olketa talem Jisas olsem, “Oo, mifala talem tru ya, taem mifala sei yu man blong Samaria an wanfala devol hemi stap long yu.”

Aposol 1:8

Bat taem Holi Spirit hemi kamdaon fo stap wetem yufala, bae yufala garem paoa fo talemaot olketa samting abaotem mi long Jerusalem an long olketa nara ples long Jiudia an long provins long Samaria an go-go kasem evri ples long disfala wol.”

Aposol 10:28

an hemi tok olsem long olketa, “Yufala save finis wea hemi agensim lo blong mifala olketa Jiu, fo mifala visitim o frengud wetem eniwan hu hemi no blong Jiu ya. Bat God hemi som mi finis wea mi mas no talem eniwan hemi no klin an hemi no fit fo frengud wetem.

Aposol 10:32

Yu sendem go samwan long Jopa fo askem Saemon wea nara nem blong hem Pita, fo hemi kam. Hemi stap long haos blong Saemon, wanfala man hu waka blong hem hemi fo klinim olketa skin blong enikaen animol. Haos blong hem, hemi kolsap long saet si.’