Gudnius abaotem Jisas Kraes wea Jon hemi raetem 4:41 - Pijin Bible

⁴¹ Plande pipol moa olketa biliv long Jisas bikos olketa seleva olketa herem toktok blong hem.

Pijin Deuterocanon

⁴¹ Plande pipol moa olketa biliv long Jisas bikos olketa seleva olketa herem toktok blong hem.

Gudnius abaotem Jisas Kraes wea Jon hemi raetem 4:41 Iomraidhean Croise

Jenesis 49:10

Wanfala long olketa wea bae hemi bon kam bihaen long yu bae hemi kamap king, an olketa wea bae i bon kam bihaen long hem, oltaem bae olketa holem paoa fo king. An olketa ya nomoa bae olketa gohed fo kamap king, go-go paoa ya hemi go long wanfala man wea hemi garem raet fo holem disfala paoa ya, nao evri pipol bae i obeim hem.

Gudnius abaotem Jisas Kraes wea Luk hemi raetem 4:32

An olketa pipol barava sapraes tumas long tising blong hem, bikos wei wea hemi toktok ya hemi somaot klia dat hemi garem paoa ya.

Gudnius abaotem Jisas Kraes wea Jon hemi raetem 4:40

Nao taem olketa pipol blong Samaria olketa kasem Jisas finis, olketa go-gohed fo askem hem fo stap wetem olketa nao. So Jisas hemi stap long taon ya fo tufala de.

Gudnius abaotem Jisas Kraes wea Jon hemi raetem 4:42

So olketa pipol ya olketa sei olsem long woman ya nao, “Distaem, mifala biliv nao bikos mifala seleva herem toktok blong hem. I no bikos long wanem yu talem long mifala. Distaem, mifala jes save nao dat hemi disfala barava man fo sevem evriwan long disfala wol nao ya.”

Gudnius abaotem Jisas Kraes wea Jon hemi raetem 6:63

Holi Spirit nomoa hemi givim laef, bat man seleva hemi no save duim diswan. An toktok blong mi, hem nao hemi mekem yufala garem Holi Spirit hu hemi givim laef.

Gudnius abaotem Jisas Kraes wea Jon hemi raetem 7:46

Nao olketa tok olsem, “!Ei, disfala man ya, taem hemi toktok, no eniwan hemi fitim hem nao!”

Aposol 1:8

Bat taem Holi Spirit hemi kamdaon fo stap wetem yufala, bae yufala garem paoa fo talemaot olketa samting abaotem mi long Jerusalem an long olketa nara ples long Jiudia an long provins long Samaria an go-go kasem evri ples long disfala wol.”

Aposol 15:3

Olketa long sios i helpem olketa long gogo blong olketa, an olketa wakabaot gopas long provins long Fonisia an long provins long Samaria. An olketa talemaot hao plande pipol hu i no Jiu olketa bin stat fo biliv long Jisas. An olketa Kristin long olketa ples ya olketa barava hapi fogud fo herem diswan.

Aposol 8:12

Bat taem Filip hemi talemaot Gudnius abaotem Jisas Kraes an abaotem kingdom blong God, olketa man an olketa woman olketa bilivim Gudnius ya nao an olketa gohed fo baptaes.

Aposol 8:25

Taem Pita an Jon tufala talemaot toktok blong tufala finis an tufala bin tokabaotem olketa toktok blong Masta nomoa, tufala stat fo gobaek moa long Jerusalem. An long plande vilij long Samaria wea tufala kasem, olketa gohed fo talemaot Gudnius long olketa pipol.

Hibrus 4:13

Long evrisamting wea God hemi mekem, no enisamting nao i save haed long hem. Hemi lukim evrisamting barava klia tumas. An wanfala de, bae yumi stanap frant long God fo hemi jajem yumi long evrisamting yumi bin duim.