Gudnius abaotem Jisas Kraes wea Jon hemi raetem 4:15 - Pijin Bible

¹⁵ Disfala woman hemi sei nao, “!Plis bikman, yu givim kam diskaen wata long mi, mekem mi fulap olowe an mekem mi no hadwaka olowe fo kam tekem wata long hia!”

Pijin Deuterocanon

¹⁵ Disfala woman hemi sei nao, “!Plis bikman, yu givim kam diskaen wata long mi, mekem mi fulap olowe an mekem mi no hadwaka olowe fo kam tekem wata long hia!”

Gudnius abaotem Jisas Kraes wea Jon hemi raetem 4:15 Iomraidhean Croise

Sams 4:6

Plande pipol nao i gohed fo prea olsem, “Lod Yawe, plis yu luk kaen kam long mifala, an givim kam plande gudfala samting moa long mifala.”

Gudnius abaotem Jisas Kraes wea Jon hemi raetem 4:16

Nao Jisas hemi sei, “Yu go an talem hasban blong yu, an yutufala kam long hia.”

Gudnius abaotem Jisas Kraes wea Jon hemi raetem 6:26

Nao Jisas hemi ansarem olketa olsem, “Mi talem yufala tru samting nao, yufala lukaotem mi bikos yufala kaikai go-go yufala barava fulap long olketa bred nomoa ya. An i no bikos yufala savegud long mining blong olketa mirakol wea mi mekem ya.

Gudnius abaotem Jisas Kraes wea Jon hemi raetem 6:34

Nao olketa tok olsem long Jisas, “Masta, yu givim kam olowe disfala kaikai long mifala nao.”

Gudnius abaotem Jisas Kraes wea Jon hemi raetem 6:35

So Jisas hemi talem long olketa olsem, “Mi nao mi disfala kaikai wea hemi givim tru laef. Eniwan hu hemi kam long mi, bae hemi no hanggre moa. An eniwan hu i biliv long mi, bae hemi no nidim moa enisamting fo dringim.

Leta wea Pol hemi raetem go long sios long Rom 6:23

Bikos taem eniwan hemi stap long wei blong sin, wejis blong hem nao dae. Bat from yumi joen wetem Jisas Kraes Masta blong yumi, God hemi givim fri nao disfala presen long yumi, wea yumi save garem laef wea hemi no save finis.

Leta wea Pol hemi raetem go long sios long Rom 8:5

Olketa pipol hu i falom nogud wei blong sin, olketa tingting tumas long olketa nogud samting blong wol. Bat olketa pipol hu i falom Holi Spirit, olketa tingting tumas long wanem Holi Spirit hemi laekem.

1 Korin 2:14

Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem.

Jemes 4:3

An taem yufala askem God, hemi no givim wanem yufala laekem, bikos tingting blong yufala hemi nogud. Yufala laekem olketa samting wea hemi mekem yufala seleva filgud nomoa.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.