Gudnius abaotem Jisas Kraes wea Jon hemi raetem 3:31 - Pijin Bible

³¹ Nao disfala man hu hemi lusim heven an kamdaon ya, hemi bikfala moa winim evriwan. Eni man long disfala wol, hemi blong disfala wol nomoa an hemi save toktok abaotem nomoa olketa samting wea hemi go-gohed long disfala wol. Bat disfala man hu hemi lusim heven an kamdaon hemi bikfala moa winim evriwan.

Pijin Deuterocanon

³¹ Nao disfala man hu hemi lusim heven an kamdaon ya, hemi bikfala moa winim evriwan. Eni man long disfala wol, hemi blong disfala wol nomoa an hemi save toktok abaotem nomoa olketa samting wea hemi go-gohed long disfala wol. Bat disfala man hu hemi lusim heven an kamdaon hemi bikfala moa winim evriwan.

Gudnius abaotem Jisas Kraes wea Jon hemi raetem 3:31 Iomraidhean Croise

Matiu 28:18

Long taem ya, Jisas hemi kam kolsap long olketa an hemi tok olsem, “God hemi givim finis evri paoa long mi ovarem evrisamting long heven an long disfala wol.

Gudnius abaotem Jisas Kraes wea Jon hemi raetem 1:15

Jon Baptaes nao hemi talem pipol abaotem disfala man an hemi singaot bikfala olsem, “Hem ya nao man wea mi toktok abaotem hem, taem mi sei, ‘Disfala man wea hemi kam bihaen long mi, hem nao hemi bikfala moa winim mi bikos hemi stap finis taem mi no bon kam yet.’”

Gudnius abaotem Jisas Kraes wea Jon hemi raetem 1:27

Hemi kam bihaen long mi, bat mi barava nating fitim hem, nomata fo tekemaot sandol blong hem.”

Gudnius abaotem Jisas Kraes wea Jon hemi raetem 1:30

Disfala man nao mi bin toktok abaotem hem taem mi sei, ‘Wanfala man bae hemi kam bihaen long mi, bat hem nao hemi bikfala moa winim mi, bikos hemi stap finis taem mi no bon kam yet.’

Gudnius abaotem Jisas Kraes wea Jon hemi raetem 3:30

Disfala man ya hemi mas go-gohed fo kamap bikfala moa, bat mi ya, mi mas go-gohed fo godaon lou nomoa.”

Gudnius abaotem Jisas Kraes wea Jon hemi raetem 6:33

Disfala kaikai wea God hemi givim ya, hemi kamdaon long heven fo givim laef long evriwan long disfala wol.”

Gudnius abaotem Jisas Kraes wea Jon hemi raetem 6:51

Mi ya, mi nao disfala kaikai wea hemi kamdaon long heven an givim tru laef. Eniwan hu hemi kaikaim, bae hemi gohed fo laef olowe. Disfala kaikai nao hemi bodi blong mi ya, wea bae mi givim go long olketa pipol long disfala wol, mekem evriwan i save laef.”

Gudnius abaotem Jisas Kraes wea Jon hemi raetem 8:23

Nao Jisas hemi sei, “Yufala stap kam long disfala ples long daon nomoa ya, bat mi blong antap. Yufala blong disfala wol, bat mi no blong disfala wol ya.

Aposol 10:36

Yufala save finis wea God hemi sendem toktok blong hem go long olketa pipol blong Israel. Hemi talemaot disfala Gudnius, wea yumi save garem piis wetem hem bikos long Jisas Kraes Masta blong evriwan.

Leta wea Pol hemi raetem go long sios long Rom 9:5

Evriwan i kamaot long laen blong olketa nambawan olo blong bifoa, an Kraes tu hemi bon kam olsem man long laen blong olketa ya. Letem evriwan preisim God olowe, wea hem nao hemi Masta blong evrisamting. Amen.

Hibrus 9:1

Taem God hemi givim Mosis disfala fas spesol agrimen ya, hemi talemaot olketa rul fo wei wea olketa mas wosipim God. An hemi talem olketa tu fo wakem wanfala tambuples, wea hemi stap long disfala wol nomoa.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.

1 Jon 4:5

Olketa laea tisa i blong disfala wol nomoa. Dastawe nao toktok blong olketa hemi abaotem wei blong disfala wol nomoa, an olketa pipol blong wol i laekem tumas fo herem toktok blong olketa.

Revelesin 19:16

Long kaleko blong hem an antap long ni blong hem, olketa raetem wanfala nem olsem: “King ovarem evri king, an Masta ovarem evri masta.”