Gudnius abaotem Jisas Kraes wea Jon hemi raetem 3:25 - Pijin Bible

²⁵ Nao samfala long olketa disaepol blong Jon olketa raoa wetem wanfala man blong Jiu abaotem olketa rul fo wasim bodi gudfala.

Pijin Deuterocanon

²⁵ Nao samfala long olketa disaepol blong Jon olketa raoa wetem wanfala man blong Jiu abaotem olketa rul fo wasim bodi gudfala.

Gudnius abaotem Jisas Kraes wea Jon hemi raetem 3:25 Iomraidhean Croise

Matiu 3:11

“Hemi tru, mi save baptaesim yufala long wata fo somaot dat yufala lusim olketa ravis wei blong yufala finis nao. Bat wanfala man wea bae hemi kam bihaen long mi, hem nao man wea hemi bikfala moa winim mi. Nomata fo karim nomoa sandol blong hem, mi nating fit fo duim nao. Disfala man ya nao bae hemi baptaesim yufala long Holi Spirit an long faea.

Gudnius abaotem Jisas Kraes wea Mak hemi raetem 7:8

An Jisas hemi sei moa, “Yufala save, distaem yufala barava bin lusim nao olketa lo blong God, an yufala falom nomoa olketa kastom tising blong olketa man.

Gudnius abaotem Jisas Kraes wea Jon hemi raetem 2:6

Nao olketa Jiu olketa garem plande rul abaotem hao fo wasim olketa seleva an olketa narasamting moa. So from diskaen wei olketa garem siksfala bikfala botol long haos ya. Olketa botol ya olketa wakem long ston an kolsap 100 lita long wata nao hemi save stap insaet long wanfala nomoa.

Hibrus 6:2

an hao yumi mas baptaes, an hao yumi putum han antap long hed blong olketa pipol, an hao yumi evriwan bae i laefbaek moa from dae, an hao God bae hemi jajem yumi long Lasde.

Hibrus 9:10

Bikos olketa samting ya hemi blong aotsaet blong man nomoa, olsem olketa rul abaotem kaikai an dring an wei fo wasim olketa seleva. God hemi givim kam olketa rul ya, mekem olketa stap kasem taem wea God bae hemi sensim evrisamting fo stap long niufala wei moa.

Hibrus 9:23

Olketa samting ya wea i stap olsem piksa blong olketa samting long heven, olketa prist mas splasem blad long olketa olsem fo mekem olketa kamap klin. Bat olketa barava samting wea i stap long heven ya, wanfala sakrifaes wea hemi gudfala winim olketa olfala sakrifaes nao, hem nomoa hemi save mekem olketa kamap klin.

1 Pita 3:21

An disfala wata hemi saen blong baptaes wea God hemi sevem yufala long hem distaem. Baptaes ya, hemi no fo wasimaot olketa doti long bodi blong yufala bat hemi fo som yufala mekem wanfala promis long God dat tingting blong yufala hemi stap tru long hem. An bikos Jisas Kraes hemi laefbaek moa, baptaes ya hemi garem paoa fo sevem yufala.