Gudnius abaotem Jisas Kraes wea Jon hemi raetem 2:5 - Pijin Bible

⁵ Nao mami blong Jisas hemi tok olsem long olketa pipol wea olketa waka long marit ya, “Enisamting wea hemi talem long yufala fo duim, yufala mas duim.”

Pijin Deuterocanon

⁵ Nao mami blong Jisas hemi tok olsem long olketa pipol wea olketa waka long marit ya, “Enisamting wea hemi talem long yufala fo duim, yufala mas duim.”

Gudnius abaotem Jisas Kraes wea Jon hemi raetem 2:5 Iomraidhean Croise

Jenesis 41:55

Nao taem olketa pipol long Ijip i stat fo sot long kaikai, olketa hanggre nao, so olketa kam an askem king fo hemi givim kaikai long olketa. So king hemi talem olketa fo go lukim Josef, an olketa mas duim wanem hemi talem.

Jenesis 6:22

Nao Noa hemi duim evrisamting ya nao olsem wea God hemi bin talem hem.

Esikiel 12:7

So, mi duim nao olsem wea Yawe bin talem long mi. Long datfala de, mi fulumapem basket blong mi olsem man wea olketa fosim hem fo lusim lan blong hem an go stap long narafala kantri. Long ivining, mi bin brekem wanfala hol long wol long han blong mi nomoa, an mi gotru long hol ya. Taem olketa gohed fo lukluk nomoa, mi karim basket ya antap long solda blong mi an mi wakabaot go nao.

Matiu 12:46

Taem Jisas hemi go-gohed fo toktok yet long olketa pipol ya, mami blong hem an olketa brata blong hem olketa kam nao. Olketa stanap nomoa long aotsaet, an olketa laekem tumas fo toktok wetem hem.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.

Aposol 9:6

Bat yu getap nao an yu go kasem taon ya. Bae wanfala man hemi talem yu wanem yu mas duim bihaen.”

Hibrus 11:8

Ebraham hemi biliv long God, an dastawe hemi obeim God taem hemi kolem hem. Hemi lusim ples blong hem fo go long nara ples wea bae God hemi givim long hem. Hemi go, nomata hemi no save nomoa long ples wea hemi go-go long hem ya.

Hibrus 5:9

An taem waka blong hem hemi finis nao, Jisas hemi sevem olketa pipol hu i falom hem, fo olketa laef olowe nao.

Jajis 13:14

Hemi mas no kaikaim eni frut blong grep tri. An hemi mas no dringim waen o bia an hemi mas no kaikaim enisamting wea hemi tambu long lo. Hemi mas duim evrisamting wea mi bin talem long hem.”

Stori abaotem Rut 3:6

So Rut hemi godaon long ples ya wea olketa klinimaot skin blong bali an hemi duim evrisamting wea Neomi bin talem long hem.