Gudnius abaotem Jisas Kraes wea Jon hemi raetem 2:11 - Pijin Bible

¹¹ Disfala fas mirakol blong Jisas, hemi mekem long provins long Galili long taon long Kena. Diswan hemi somaot dat hemi garem saen blong bikfala paoa blong God, an olketa disaepol blong hem olketa biliv long hem nao.

Pijin Deuterocanon

¹¹ Disfala fas mirakol blong Jisas, hemi mekem long provins long Galili long taon long Kena. Diswan hemi somaot dat hemi garem saen blong bikfala paoa blong God, an olketa disaepol blong hem olketa biliv long hem nao.

Gudnius abaotem Jisas Kraes wea Jon hemi raetem 2:11 Iomraidhean Croise

1 Kings 17:24

Nao woman ya hemi tok olsem, “Distaem, mi save gudfala wea yu wanfala man blong God. An wanem yu talem hemi tru Mesij blong Yawe.”

Sams 72:19

Preisim hae nem blong hem olowe an olowe. Saen blong bikfala paoa blong God hemi mas kasem evri ples long disfala wol ya. !Ya! !Hem nao!

Sams 96:3

Bae yufala mas talemaot paoa blong hem long olketa pipol blong olketa narafala kantri. Ya, bae yufala mas talemaot olketa bikfala waka blong hem long evriwan.

Eksodas 14:31

An taem olketa pipol blong Israel i lukim bikfala paoa ya blong Yawe, wea hemi yusim agensim olketa blong Ijip, olketa barava tinghae long hem. Olketa stat fo trastem Yawe, an olketa trastem tu Mosis hu hemi wakaman blong hem.

Eksodas 4:9

Bat sapos yu mekem tufala mirakol ya, an olketa gohed fo no bilivim an fo no herem toktok blong yu, bae yu tekem lelebet wata long Nael Riva, an kapsaetem go long graon. Bae wata ya hemi kamap blad taem hemi kasem graon.”

Eklesiastes 9:7

So yu save hapi tumas taem yu kaikai gudfala an dringim waen blong yu. Disfala samting hemi stret nomoa long ae blong God. Disfala samting hemi stret nomoa long ae blong God.

Aesaea 40:5

An long datfala taem, bikfala paoa blong Yawe bae hemi saen kamdaon, an evri pipol long wol bae i lukim. Yawe nao bin promisim diswan, an bae hemi duim.”

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Gudnius abaotem Jisas Kraes wea Jon hemi raetem 1:14

Nao Toktok ya hemi kamap man an hemi barava somaot klia dat God hemi kaen tumas. Hemi somaot klia evri tru samting abaotem God. Hemi bin stap wetem mifala an mifala bin lukim saen blong bikfala paoa blong hem. Bikfala paoa wea hemi tekem finis bikos hem seleva nomoa hemi San Blong God.

Gudnius abaotem Jisas Kraes wea Jon hemi raetem 1:17

Lo blong God, Mosis nao hemi raetem. Bat hao God hemi kaen tumas an evri tru samting abaotem hem moa, Jisas Kraes nao hemi somaot klia long yumi.

Gudnius abaotem Jisas Kraes wea Jon hemi raetem 1:43

Long neks de moa, Jisas hemi tingting fo go long provins long Galili nao. Taem hemi lukim Filip, hemi sei long hem, “Yu kam falom mi.”

Gudnius abaotem Jisas Kraes wea Jon hemi raetem 1:50

Bat Jisas hemi tok olsem long hem, “Yu biliv long mi nomoa bikos mi talem yu dat mi bin lukim yu taem yu stap andanit long fig tri ya. Bat olketa nambawan samting moa winim diswan nao, bae yu lukim ya.”

Gudnius abaotem Jisas Kraes wea Jon hemi raetem 10:41

An plande pipol nao olketa kam long Jisas an olketa sei, “!Maewat, Jon hemi no mekem eni mirakol nomoa, bat evrisamting wea hemi talem abaotem disfala man ya hemi barava tru nao!”

Gudnius abaotem Jisas Kraes wea Jon hemi raetem 11:15

An from mi tingim yufala nao, mi hapi nomoa wea mi no stap wetem hem ya. Bikos diswan bae hemi mekem yufala fo biliv ya. Bat yumi mas go fo lukim hem nao.”

Gudnius abaotem Jisas Kraes wea Jon hemi raetem 11:47

So olketa Farasi ya wetem olketa hedprist, olketa miting long Kansol blong olketa nao. An olketa tok olsem insaet long miting blong olketa, “?Wanem nao bae yumi duim? Enikaen mirakol nao disfala man hemi go-gohed fo mekem ya.

Gudnius abaotem Jisas Kraes wea Jon hemi raetem 12:18

So taem olketa pipol i herem dat Jisas hemi bin mekem disfala mirakol ya, olketa kam fo lukim hem nao.

Gudnius abaotem Jisas Kraes wea Jon hemi raetem 12:37

Nomata Jisas hemi bin mekem olketa mirakol an olketa pipol lukim, olketa nating biliv long hem nomoa ya.

Gudnius abaotem Jisas Kraes wea Jon hemi raetem 12:41

Aesaea hemi talem olketa samting ya bikos hemi lukim finis saen blong bikfala paoa blong Jisas nao.

Gudnius abaotem Jisas Kraes wea Jon hemi raetem 14:13

An bae mi duim enisamting wea yufala askem long nem blong mi. Long wei ya nao, bae olketa luksave long saen blong bikfala paoa blong God bikos long San blong hem.

Gudnius abaotem Jisas Kraes wea Jon hemi raetem 16:27

bikos Dadi ya hemi lavem yufala finis. Hemi lavem yufala bikos yufala lavem mi an yufala biliv wea mi stap kam long God.

Gudnius abaotem Jisas Kraes wea Jon hemi raetem 16:30

Long distaem mifala save dat yu nao yu save long evrisamting, an nomata man hemi no bin askem yu enisamting, yu save finis long wanem hemi tingim. Diswan nao hemi mekem mifala fo biliv wea God nao hemi sendem yu kam.”

Gudnius abaotem Jisas Kraes wea Jon hemi raetem 2:1

Long mektri de, wanfala marit hemi gohed long provins long Galili long wanfala vilij nem blong hem Kena. Mami blong Jisas hemi kam long marit ya.

Gudnius abaotem Jisas Kraes wea Jon hemi raetem 2:23

Taem Jisas hemi stap yet long Jerusalem long disfala Fist blong Pasova, plande pipol i biliv long hem bikos olketa lukim olketa mirakol wea hemi mekem ya.

Gudnius abaotem Jisas Kraes wea Jon hemi raetem 3:2

Hemi kam long Jisas long wanfala naet, an hemi sei, “Tisa, mifala save dat yu wanfala tisa ya wea God nao hemi sendem yu kam. Bikos no eniwan i save mekem olketa mirakol olsem yu, sapos God hemi no helpem hem.”

Gudnius abaotem Jisas Kraes wea Jon hemi raetem 4:3

Taem Jisas hemi save dat olketa Farasi i bin herem diskaen toktok, hemi lusim provins long Jiudia nao, an hemi gobaek moa long provins long Galili.

Gudnius abaotem Jisas Kraes wea Jon hemi raetem 4:46

Nao Jisas hemi wakabaot kambaek moa long vilij long Kena long Galili wea hemi bin mekem wata fo kamap waen long hem bifoa. Taem hemi stap long ples ya, wanfala bikman long taon long Kapaneam wea hemi waka long gavman, boe blong hem hemi sik tumas.

Gudnius abaotem Jisas Kraes wea Jon hemi raetem 4:54

Disfala mirakol ya Jisas hemi mekem taem hemi bin lusim Jiudia an hemi kasembaek long Galili. An diswan hemi mektu mirakol wea Jisas hemi mekem long Galili nao ya.

Gudnius abaotem Jisas Kraes wea Jon hemi raetem 5:23

Hemi givim diswan long San blong hem, mekem evriwan i save mekhae long hem nao, olsem olketa mekhae long Dadi ya tu. Sapos eniwan hemi no mekhae long San blong hem, hemi somaot dat hemi no mekhae long Dadi hu hemi sendem hem kam tu ya.

Gudnius abaotem Jisas Kraes wea Jon hemi raetem 6:14

Nao taem olketa pipol ya i lukim disfala mirakol wea Jisas hemi mekem ya, olketa sei nao, “!Disfala man ya, hemi mas disfala Profet wea Buktambu hemi sei bae hemi kam long disfala wol ya!”

Gudnius abaotem Jisas Kraes wea Jon hemi raetem 6:2

Plande pipol tumas nao olketa go wetem hem oltaem, bikos olketa lukim olketa mirakol wea hemi duim taem hemi mekem olketa pipol hu i sik fo gudbaek moa.

Gudnius abaotem Jisas Kraes wea Jon hemi raetem 6:26

Nao Jisas hemi ansarem olketa olsem, “Mi talem yufala tru samting nao, yufala lukaotem mi bikos yufala kaikai go-go yufala barava fulap long olketa bred nomoa ya. An i no bikos yufala savegud long mining blong olketa mirakol wea mi mekem ya.

Gudnius abaotem Jisas Kraes wea Jon hemi raetem 6:30

Olketa tok olsem moa long hem, “?Watkaen mirakol nao bae yu duim, mekem mifala save lukim an bilivim toktok blong yu? ?Wanem nao bae yu duim?

Gudnius abaotem Jisas Kraes wea Jon hemi raetem 7:31

Bat plande long olketa pipol ya olketa biliv long hem an olketa sei, “Olketa mirakol wea disfala man hemi mekem, hemi barava olsem evrisamting wea olketa sei Mesaea bae hemi duim taem hemi kam ya.”

Gudnius abaotem Jisas Kraes wea Jon hemi raetem 9:16

Samfala Farasi olketa tok olsem, “Disfala man hemi no blong God ya, bikos hemi nating obeim lo blong Sabat.” Bat samfala moa olketa tok olsem, “?Hao nao man hu hemi garem sin hemi save mekem olketa bikfala mirakol olsem ya?” Olketa Farasi i no save wanmaen abaotem Jisas nao,

2 Korin 3:18

Yumi evriwan hu i no garem enisamting wea hemi kavarem fes blong yumi, yumi somaot disfala saen blong bikfala paoa blong Masta. An oltaem nomoa, disfala saen blong paoa blong Masta hu hemi Holi Spirit, hemi grou bikfala moa, an hemi mekem yumi sens go-go yumi kamap olsem hem.

2 Korin 4:17

An wanem hemi kamaot long smol trabol wea mifala safa long hem fo lelebet taem ya, hemi bikfala samting tumas winim disfala trabol ya. Mifala bae kasem nambawan laef long heven, wea hemi no save finis.

2 Korin 4:6

Bikos God hu hemi bin sei, “!Laet mas saen kamaot long tudak!” hem tu hemi mekem laet blong hem fo saen kam long maen blong yumi. An hemi mekem yumi fo savegud long bikfala paoa blong God wea hemi saen kamaot long fes blong Kraes.

Diutronomi 5:24

Olketa tok olsem, ‘Yawe, God blong yumi, tude, hemi somaot saen blong paoa blong hem, an wei wea hemi barava hae fogud. Hemi stap long faea ya, hemi toktok kam an yumi herem hem. Tude nomoa, mifala jes save dat mifala pipol save herem toktok blong God an mifala no dae long hem.

1 Jon 5:13

Mi raetem olketa samting ya long yufala hu i biliv long San blong God, mekem yufala barava save dat yufala garem disfala tru laef wea hemi no save finis.