Gudnius abaotem Jisas Kraes wea Jon hemi raetem 19:20 - Pijin Bible

²⁰ Plande long olketa Jiu nao i ridim disfala toktok ya, bikos ples wea olketa nilam Jisas antap long kros long hem ya, hemi kolsap nomoa long Jerusalem. An toktok ya olketa raetem long langguis long Hibru an long langguis long Rom an long langguis long Grik.

Pijin Deuterocanon

²⁰ Plande long olketa Jiu nao i ridim disfala toktok ya, bikos ples wea olketa nilam Jisas antap long kros long hem ya, hemi kolsap nomoa long Jerusalem. An toktok ya olketa raetem long langguis long Hibru an long langguis long Rom an long langguis long Grik.

Gudnius abaotem Jisas Kraes wea Jon hemi raetem 19:20 Iomraidhean Croise

Gudnius abaotem Jisas Kraes wea Luk hemi raetem 23:38

An olketa raetem wanfala notis an putum antap long kros blong Jisas wea hemi sei olsem, “Hem nao King blong olketa Jiu.”

Gudnius abaotem Jisas Kraes wea Jon hemi raetem 19:13

Taem Paelat hemi herem olketa toktok ya nomoa, hemi lidim Jisas go aotsaet nao. An Paelat hemi sidaon long sea fo jajem pipol long kot nao. Disfala ples olketa kolem “Floa blong ston,” an long langguis long Hibru olketa kolem “Gabata.”

Gudnius abaotem Jisas Kraes wea Jon hemi raetem 19:42

Long taem ya, hemi de blong olketa Jiu fo mekredi long olketa samting fo Sabat de nao, an bikos kev ya hemi kolsap nomoa, tufala go an putum bodi blong Jisas insaet long hem.

Gudnius abaotem Jisas Kraes wea Jon hemi raetem 5:2

Nao long Jerusalem, wanfala pul long wata hemi stap kolsap long disfala geit wea olketa kolem “Geit blong Sipsip.” Pul ya, nem blong hem long langguis long Hibru hemi Betsata, an hemi garem faefala longfala varanda long saet long hem.

Aposol 21:37

Taem olketa soldia kolsap tekem Pol go insaet long haos blong ami, Pol hemi askem kapten olsem, “?Waswe, mi save talem wanfala samting fo yu?” An kapten hemi sei, “!Maewat, yu save tok long Grik ya!

Aposol 21:40

Kapten hemi letem hem nao. So Pol hemi stanap antap long olketa step long haos ya, an hemi mekem saen fo mekem olketa pipol lisin gudfala. Nao taem olketa stap kuaet nomoa, hemi gohed nao fo toktok long olketa long langguis long Hibru, an hemi sei,

Aposol 22:2

Taem olketa herem dat hemi toktok long langguis long Hibru, evriwan barava stap kuaet fogud nao. An Pol hemi tok olsem,

Aposol 26:14

Mifala evriwan i foldaon long graon an mi herem wanfala toktok hemi tok kam long langguis long Hibru, wea hemi sei, ‘?Sol, Sol, waswe nao yu gohed fo meksave long mi? Yu spoelem yu seleva nomoa ya taem yu traehad fo go agensim tingting blong mi olsem.’

Hibrus 13:12

Long sem wei tu, Jisas hemi safa an dae aotsaet long taon ya, mekem blad blong hem seleva hemi save mekem olketa pipol i kamap holi.

Revelesin 16:16

Den trifala ravis devol ya olketa mekem olketa king fo hipap long wanfala ples, wea long langguis long Hibru olketa kolem Amagedon.

Revelesin 9:11

Olketa garem tu wanfala king hu hemi rul ovarem olketa, wea hemi wanfala enjel hu hemi bos long disfala hol wea hemi barava dip tumas. An long langguis long Hibru, nem blong enjel ya “Abadon”, an long langguis long Grik, hemi “Apolion” wea hemi minim “Man fo spoelem evrisamting.”