Gudnius abaotem Jisas Kraes wea Jon hemi raetem 18:20 - Pijin Bible

²⁰ Jisas hemi ansarem hem olsem, “Mi bin toktok klia abaotem olketa samting ya nomoa long evriwan. Mi tis olowe insaet long olketa preahaos an insaet long eria long Tambuhaos wea olketa pipol save hipap tugeta long hem. Mi nating talemhaed enisamting ya.

Pijin Deuterocanon

²⁰ Jisas hemi ansarem hem olsem, “Mi bin toktok klia abaotem olketa samting ya nomoa long evriwan. Mi tis olowe insaet long olketa preahaos an insaet long eria long Tambuhaos wea olketa pipol save hipap tugeta long hem. Mi nating talemhaed enisamting ya.

Gudnius abaotem Jisas Kraes wea Jon hemi raetem 18:20 Iomraidhean Croise

Sams 22:22

Nao bae mi talem olketa wantok blong mi abaotem wanem yu bin duim long mi. Ya, bae mi preisim yu taem olketa hipap fo wosipim yu.

Sams 40:9

Lod Yawe, long ae blong olketa pipol hu i hipap fo wosipim yu, mi talemaot gudnius ya wea yu bin sevem mifala. An yu save dat bae mi gohed fo talemaot samting ya olowe nao, an mi no save res.

Aesaea 45:19

Mi nating haedem toktok blong mi, o haedem plan blong mi from yufala. An mi no talem yufala fo lukaotem mi fo nating. Mi nao Yawe, an mi talem nomoa toktok wea hemi tru. Ya, oltaem mi talemaot nomoa wanem hemi stret.”

Aesaea 48:16

“Yufala kam kolsap long mi, an lisin gudfala long wanem mi talem. Stat kam long bifoa yet, mi nating save tokhaed. Oltaem nomoa mi save mekem olketa toktok blong mi fo kamap tru.” (Profet) Lod Yawe hemi givim finis paoa blong hem long mi, an hemi sendem mi nao fo talemaot olketa toktok blong hem.

Matiu 24:26

“So sapos olketa pipol i sei long yufala, ‘!Lukim, hemi stap long drae eria ya!’ yufala mas no go long ples ya. O sapos olketa sei, ‘!Lukim, hemi stap long disfala haos ya!’ yufala mas no bilivim toktok ya tu.

Matiu 26:55

Nao long taem ya, Jisas hemi toktok olsem moa long olketa pipol, “?Waswe, yufala tingse mi man fo mekem trabol ya, mekem yufala kam fo kasholem mi wetem olketa naef an stik fo faet? Long evri de nao mi bin sidaon fo tisim olketa pipol insaet long Tambuhaos ya, bat yufala nating kasholem mi nomoa.

Matiu 26:65

Long taem ya, Haeprist hemi barava kros tumas, so hemi brekem kaleko blong hem nao, an hemi sei, “!Hemi tokspoelem God nao ya! Hemi naf nao. Yumi no lukaotem eni man moa fo tok agensim hem. Yufala seleva herem finis wea hemi tokspoelem God nao ya.

Matiu 4:23

Jisas hemi goraon long evri ples insaet long provins long Galili, an hemi gohed fo tis insaet long olketa preahaos blong olketa. An hemi gohed fo talemaot Gudnius abaotem kingdom long Heven. An evri pipol wea olketa garem enikaen siknis an olketa wea bodi blong olketa hemi wik tumas, Jisas hemi mekem olketa gudbaek moa.

Matiu 9:35

Jisas hemi go-goraon long evri taon an long evri vilij. Hemi go insaet long olketa preahaos fo tisim olketa pipol an fo talemaot Gudnius abaotem kingdom long Heven. An olketa pipol hu olketa garem enikaen sik an olketa hu i wik tumas, hemi mekem olketa gudbaek moa.

Gudnius abaotem Jisas Kraes wea Mak hemi raetem 8:32

Wanem Jisas hemi talemaot ya hemi barava klia tumas long olketa nao. So Pita hemi tekem Jisas go seleva nomoa an tokstrong agensim tingting blong hem ya.

Gudnius abaotem Jisas Kraes wea Luk hemi raetem 21:37

Nao long evri de, Jisas hemi gohed fo tisim olketa pipol long disfala Tambuhaos blong God. An long olketa ivining, Jisas hemi goaot fo stap long disfala hil wea olketa kolem “Hil blong Oliv tri”.

Gudnius abaotem Jisas Kraes wea Luk hemi raetem 4:15

An Jisas hemi tisim olketa pipol long olketa preahaos blong olketa, an evriwan i stat fo mekhae long hem nao.

Gudnius abaotem Jisas Kraes wea Jon hemi raetem 18:21

?Waswe nao yu askem kuestin long mi? Yu askem olketa pipol hu i herem wanem mi talem long olketa. Olketa nao i save long wanem mi talem.”

Gudnius abaotem Jisas Kraes wea Jon hemi raetem 6:59

Jisas hemi talemaot olketa tising ya insaet long preahaos long taon long Kapaneam.

Gudnius abaotem Jisas Kraes wea Jon hemi raetem 7:14

Taem hemi kasem long midol long olketa bikde ya, Jisas hemi go insaet long eria blong disfala Tambuhaos ya an hemi stat fo tisim olketa pipol nao.

Gudnius abaotem Jisas Kraes wea Jon hemi raetem 7:26

!Ei, yufala lukim! Man ya hemi gohed fo toktok long evriwan nao, bat olketa bikman ya i nating talem enisamting agensim hem nomoa. Maet olketa tingse disfala man nao hemi disfala Mesaea ya.

Gudnius abaotem Jisas Kraes wea Jon hemi raetem 7:28

Jisas hemi gohed fo tisim olketa pipol insaet long Tambuhaos ya, an hemi toktok bikfala olsem, “Yufala tingse yufala save long mi an ples wea mi stap kam long hem ya. Bat mi no kam falom tingting blong mi seleva ya. Dadi ya wea toktok blong hem hemi tru tumas, hem nao hemi sendem mi kam. Bat yufala ya, yufala no save long hem ya.

Gudnius abaotem Jisas Kraes wea Jon hemi raetem 7:4

Sapos wanfala man hemi laekem olketa pipol fo luksave long hem, bae hemi mas no duim waka blong hem long ples wea hemi haed. An bikos yu nao yu duim olketa bik samting ya, yu mas go an duim klia nao long ae blong evriwan long disfala wol.”

Gudnius abaotem Jisas Kraes wea Jon hemi raetem 8:2

Taem hemi kasem barava moning long neks de, Jisas hemi kambaek moa long eria blong Tambuhaos ya. An evriwan i hipap raonem Jisas, so hemi sidaon an hemi stat fo tisim olketa.

Gudnius abaotem Jisas Kraes wea Jon hemi raetem 8:26

Mi garem plande samting tumas wea mi save talem abaotem yufala, an fo jajem yufala long hem. Bat bae mi talemaot nomoa long evriwan long disfala wol wanem mi herem long disfala man hu hemi sendem mi kam. Bikos hem nao yumi save trastem hem finis.”

Aposol 26:26

King Agripa, yu save finis abaotem olketa samting ya. Dastawe nao mi save gohed strong fo toktok long yu olsem. An mi save dat yu heremsave finis olketa samting ya taem hemi hapen, bikos evrisamting olsem hemi no hapen long ples hemi haed ya.