Gudnius abaotem Jisas Kraes wea Jon hemi raetem 17:3 - Pijin Bible

³ An disfala tru laef wea hemi no save finis ya, hemi minim wea olketa pipol mas save long yu wea yu wanfala tru God nomoa, an wea olketa mas save tu long mi Jisas Kraes wea yu sendem mi kam.

Pijin Deuterocanon

³ An disfala tru laef wea hemi no save finis ya, hemi minim wea olketa pipol mas save long yu wea yu wanfala tru God nomoa, an wea olketa mas save tu long mi Jisas Kraes wea yu sendem mi kam.

Gudnius abaotem Jisas Kraes wea Jon hemi raetem 17:3 Iomraidhean Croise

1 Kronikols 28:9

King Deved hemi tok olsem long Solomon, “San blong mi, tinghevi long Yawe hu hemi God blong mi. Yu mas barava obeim hem, an yu mas wiling tumas fo duim waka blong hem. Yawe nao hemi save long olketa tingting blong yumi, an hemi save tumas long evrisamting wea yumi laekem. Sapos yu lukaotem hem, bae yu save faendem hem, bat sapos yu lusim hem, bae hemi barava les long yu olowe.

2 Kronikols 15:3

Yawe hemi God blong yumi pipol blong Israel. Hem nomoa hemi tru God, bat fo longtaem nao olketa olfala grani blong yumi i no wosipim hem. Olketa no garem prist fo tisim olketa, an olketa no save long evri lo blong God tu.

Sams 9:10

Bae olketa wea i save long yu nao, i trastem yu. An no save lusim eniwan long olketa ya wea i kam long yu.

Provebs 8:35

Man hu hemi faendem mi, hemi faendem gudfala laef, an Yawe hemi hapi long hem olowe.

Aesaea 48:16

“Yufala kam kolsap long mi, an lisin gudfala long wanem mi talem. Stat kam long bifoa yet, mi nating save tokhaed. Oltaem nomoa mi save mekem olketa toktok blong mi fo kamap tru.” (Profet) Lod Yawe hemi givim finis paoa blong hem long mi, an hemi sendem mi nao fo talemaot olketa toktok blong hem.

Aesaea 53:11

Bihaen taem wea hemi safa, bae hemi hapi moa, bikos hemi save tu wea hemi no safa fo nating. Disfala Wakaman blong mi wea wei blong hem hemi stret fogud, bae hemi mekem staka pipol fo kamap stret tu, an hemi tekem panis fo evri sin blong olketa.

Aesaea 61:1

Wakaman blong Yawe hemi tok olsem, “Spirit blong Lod Yawe hemi stap wetem mi, bikos hemi siusim mi finis fo talemaot gudnius long olketa pua pipol. Hemi sendem mi fo finisim sore wea hemi save stap insaet long haat blong pipol. Hemi sendem mi fo talemaot long olketa hu i stap long prisin an olketa hu i waka olsem slev, dat bae olketa fri nao.

Jeremaea 10:10

Bat yu Yawe, yu nomoa yu tru God. Yu God wea yu laef, an yu King wea yu stap fo evritaem olowe. Taem yu kros, evri ples long wol hemi seksek, an no eniwan long olketa narafala kantri hemi fitim fo stanap strong.

Hosia 6:3

Distaem yumi mas traehad fo save gudfala long Yawe. Hemi tru nao, bae hemi kam long yumi olsem wea san hemi kamap long eli moning. An bae hemi mekem laef blong yumi fo kamap gud moa, barava olsem taem ren hemi kam fo watarem olketa gaden, an hemi mekem graon fo tuwet gudfala.”

Gudnius abaotem Jisas Kraes wea Mak hemi raetem 9:37

“Eniwan wea hemi kaen long wanfala pikinini olsem ya long nem blong mi, hemi kaen long mi nao ya. An eniwan hu hemi kaen long mi, hemi no kaen long mi seleva nomoa bat hemi kaen long man hu hemi sendem mi kam tu.”

Gudnius abaotem Jisas Kraes wea Luk hemi raetem 9:48

Bihaen, hemi tok olsem long olketa disaepol, “Eniwan hu hemi kaen long disfala pikinini ya long nem blong mi, hemi kaen long mi nao ya. An eniwan wea hemi kaen long mi, hemi kaen long man hu hemi sendem mi kam tu ya. So hemi olsem tu, eni man long yufala wea hemi mekem hem seleva fo lou, hem nao hemi nambawan man long yufala evriwan.”

Gudnius abaotem Jisas Kraes wea Jon hemi raetem 10:36

?So waswe nao yufala sei mi tokspoelem God taem mi sei mi San blong hem nomoa? Bikos mi ya, Dadi blong mi hemi siusim mi an hemi sendem mi kam long disfala wol nao ya.

Gudnius abaotem Jisas Kraes wea Jon hemi raetem 11:42

Mi save dat yu herem prea blong mi olowe, bat mi talem diswan long yu, mekem olketa pipol hu i stanap raon long hia ya olketa save bilivim wea yu nao yu sendem mi kam.”

Gudnius abaotem Jisas Kraes wea Jon hemi raetem 14:26

Bat Holi Spirit wea hem nao hemi fo helpem yufala, bae Dadi ya hemi sendem hem kam long yufala long nem blong mi. An taem hemi kam, bae hemi tisim yufala evrisamting nomoa an bae hemi mekem yufala tingim moa wanem mi talem finis long yufala.

Gudnius abaotem Jisas Kraes wea Jon hemi raetem 17:18

Mi sendem olketa go long disfala wol ya nao, olsem yu sendem mi kam long disfala wol bifoa.

Gudnius abaotem Jisas Kraes wea Jon hemi raetem 17:21

Mi prea fo olketa mas kamap wan nomoa, olsem yu Dadi yu stap wetem mi an mi stap wetem yu. Olketa mas stap tugeta wetem yumitufala, mekem olketa pipol long disfala wol i save biliv wea yu nao yu sendem mi kam.

Gudnius abaotem Jisas Kraes wea Jon hemi raetem 17:23

Mi stap wetem olketa an yu stap wetem mi, mekem olketa barava kamap wan nao. Long wei ya, bae olketa pipol long disfala wol i luksave dat yu nao yu sendem mi kam, an wea yu lavem olketa pipol blong mi long semkaen wei wea yu lavem mi.

Gudnius abaotem Jisas Kraes wea Jon hemi raetem 17:25

Dadi, yu stret tumas ya. Nomata olketa pipol blong disfala wol olketa nating save long yu, mi nao mi save long yu. An olketa hu i blong mi, olketa save dat yu nao yu sendem mi kam.

Gudnius abaotem Jisas Kraes wea Jon hemi raetem 17:8

Olketa toktok wea yu talem kam long mi ya, mi talem go long olketa finis nao an olketa herem. Olketa barava save nao dat mi stap kam long yu ya, an olketa biliv wea yu nao yu sendem mi kam.

Gudnius abaotem Jisas Kraes wea Jon hemi raetem 3:17

God hemi no sendem kam San blong hem long disfala wol fo jajem evriwan, bat hemi kam fo sevem olketa pipol long wol ya.

Gudnius abaotem Jisas Kraes wea Jon hemi raetem 3:34

Disfala man wea God hemi sendem hem kam, hemi talemaot toktok blong God bikos God hemi barava givim kam Holi Spirit fo helpem hem.

Gudnius abaotem Jisas Kraes wea Jon hemi raetem 5:44

Yufala laekem tumas fo olketa pipol i tinghae long yufala, bat God hu hem nomoa hemi God, yufala nating wari fo duim enisamting fo mekem hem tinghae long yufala. So hemi had tumas fo yufala bilivim mi tu ya.

Gudnius abaotem Jisas Kraes wea Jon hemi raetem 6:57

Dadi ya hu hemi givim tru laef, hem nao hemi sendem mi kam, an mi garem laef bikos hem nao hemi givim kam long mi. Long sem wei tu, eniwan hu hemi kaikaim mi, bae hemi garem laef bikos mi nao mi givim long hem.

Gudnius abaotem Jisas Kraes wea Jon hemi raetem 7:29

Mi nao mi save long hem, bikos mi bin stap wetem hem an hemi sendem mi kam.”

Gudnius abaotem Jisas Kraes wea Jon hemi raetem 8:19

Nao olketa askem Jisas olsem, “?Wea nao dadi blong yu?” Bat Jisas hemi ansarem olketa olsem, “Yufala nating save long mi, an yufala nating save long Dadi blong mi tu. Bat sapos yufala save long mi, yufala save long Dadi blong mi tu ya.”

1 Korin 15:34

Yufala mas stat tingting gudfala moa, an yufala mas finis from disfala wei blong sin. Samfala long yufala, olketa nating save long God, an mi talem diswan mekem yufala filsem long hem.

1 Korin 8:4

Nao long wei fo kaikaim mit wea olketa bin sakrifaesim go long olketa laea god ya, yumi save dat olketa laea god i piksa nating nomoa. Olketa no stap tru, wanfala God nomoa hemi stap.

2 Korin 4:6

Bikos God hu hemi bin sei, “!Laet mas saen kamaot long tudak!” hem tu hemi mekem laet blong hem fo saen kam long maen blong yumi. An hemi mekem yumi fo savegud long bikfala paoa blong God wea hemi saen kamaot long fes blong Kraes.

Filipae 3:10

Nao wanem mi laekem nomoa, fo savegud long Kraes an long disfala paoa wea hemi mekem hem laefbaek moa. Mi wande safa olsem hemi safa, an mi wande kamap olsem hem long wei hemi go kasem dae blong hem.

Filipae 3:8

An evri narasamting moa long laef blong mi, mi tingim olsem samting nating nomoa. Hem olsem bikos mi savegud long Jisas Kraes Masta blong mi, wea hemi barava nambawan samting tumas moa. Bikos mi falom hem, mi lusim go evrisamting finis. Mi tingim evrisamting ya i olsem ravis nomoa, fo mi save kasem Kraes

1 Tesalonaeka 1:9

bikos olketa pipol ya i tokabaotem finis olketa samting wea hemi hapen taem mifala kasem yufala bifoa. Olketa tokabaotem hao yufala lusim olketa laea god fo falom tru God, an hao yufala kamap wakaman blong God hu hemi laef.

2 Tesalonaeka 1:8

Bae hemi kam wetem bikfala faea fo panisim olketa pipol hu i agensim God an no obeim Gudnius abaotem Jisas Masta blong yumi.

Hibrus 3:1

Olketa Kristin fren blong mi wea God hemi siusim yufala finis, yufala mas putum tingting blong yufala strong long Jisas, wea God hemi sendem kam olsem Haeprist blong yumi. An hem nao wanem yumi bilivim.

2 Pita 1:2

Yufala savegud long God an Jisas Masta blong yumi finis, so letem plande kaenfala lav blong God an piis hemi stap wetem yufala olowe.

2 Pita 1:3

Long paoa blong God, Kraes hemi givim yumi evrisamting wea yumi nidim, mekem yumi save stap long stretfala laef wea God hemi laekem. An evrisamting ya hemi blong yumi, from yumi barava savegud long Jisas Kraes hu hemi kolem yumi fo tekpat long bikfala paoa blong hem an gudfala laef blong hem.

2 Pita 1:8

Sapos olketa wei olsem olketa stap long laef blong yufala an olketa gohed fo grou strong, bae laef blong yufala save gohed gud. An save blong yufala abaotem Jisas Kraes Masta blong yumi, bae hem save garem frut long laef blong yufala.

1 Jon 1:2

Disfala Laef bin kam finis long disfala wol, an mifala bin lukim hem tru nao. So distaem, mifala raet go long yufala fo talem yufala abaotem disfala Laef wea hemi no save finis. Long bifoa, hemi bin stap wetem God Dadi blong yumi, bat distaem hemi somaot hem seleva long mifala. An mifala talemaot nao, dat olketa samting ya i tru tumas.

1 Jon 1:3

So wanem mifala barava lukim an barava herem, hem nao mifala talemaot long yufala ya. Long disfala wei nao, bae yufala save stapgud wetem mifala olsem wea mifala stapgud wetem God Dadi an tugeta wetem San blong hem Jisas Kraes.

1 Jon 2:23

Bikos eniwan hu hemi agensim San Blong God, hemi agensim Dadi tu. Bat eniwan hu hemi biliv long San Blong God, hemi biliv long Dadi tu.

1 Jon 4:6

Bat yumi blong God nao. Eniwan hu hemi savegud long God, hem nao hemi save lisin long toktok blong yumi. Bat eniwan hu hemi no blong God, hemi nating save lisin long toktok blong yumi tu. So long disfala wei ya nao yumi save luksave sapos eniwan hemi garem Holi Spirit wea hemi barava tru, o sapos hemi garem enemi blong Kraes wea hemi save laea tumas.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.