Gudnius abaotem Jisas Kraes wea Jon hemi raetem 17:15 - Pijin Bible

¹⁵ Mi no askem yu fo tekemaot olketa from disfala wol ya, bat mi askem yu fo lukaftarem olketa gud, mekem Seitan hemi no spoelem olketa.

Pijin Deuterocanon

¹⁵ Mi no askem yu fo tekemaot olketa from disfala wol ya, bat mi askem yu fo lukaftarem olketa gud, mekem Seitan hemi no spoelem olketa.

Gudnius abaotem Jisas Kraes wea Jon hemi raetem 17:15 Iomraidhean Croise

Jenesis 48:16

an enjel blong hem hemi gohed fo sevem mi from olketa samting wea i save spoelem mi. Letem hemi blesim tufala boe ya. Letem nem blong mi, an nem blong dadi blong mi, an nem blong grani blong mi, hemi givim paoa long tufala boe ya olowe nao. An bae tufala save tingim nem ya olowe tu. “Letem wea tufala bae i garem plande pikinini, an bae plande pikinini moa i bon kam bihaen long tufala.”

1 Kronikols 4:10

Wanfala taem, Jabes hemi prea olsem long God blong Israel, “Plis yu blesim mi, an givim kam plande lan long mi. An plis yu stap wetem mi, an no letem eni trabol kam kasem mi, mekem mi no filim eni pein.” An God hemi givim evrisamting wea hemi askem hem.

Sams 121:7

Yawe bae hemi gadem yumi from evri trabol. Ya, bae hemi lukaftarem yumi mekem yumi save stap sef.

Sams 30:9

Mi bin tok olsem, “? Bae wanem nomoa yu winim, sapos mi dae? ?Watkaen gudfala samting nao bae yu garem, sapos mi godaon finis insaet long grev? !Olketa man hu i dae finis i no save preisim yu! An olketa no save talemaot gudfala wei blong yu.

Eklesiastes 9:10

Yumi mas barava wakahad gudfala long evrisamting wea yumi duim. Taem yumi go long ples blong man dae, bae yumi no waka, o tingting, o garem save, o garem waes.

Aesaea 57:1

Long disfala taem, olketa stretfala pipol i dae, bat no eniwan long olketa nogud pipol hemi luksave o wari nomoa. Ya, Yawe hemi tekemaot olketa pipol hu i tinghevi long hem. Bat no eniwan nomoa hemi luksave dat Yawe nao hemi tekemaot olketa ya, mekem no eni bikfala trabol moa save kasem olketa.

Matiu 5:37

So taem yufala mekem promis, yufala mas talem nomoa ‘Ya, bae mi duim,’ o yufala mas talem ‘Nomoa, bae mi no duim.’ Sapos yufala yusim nem blong narasamting moa, oraet, diskaen hemi kam from Seitan nao ya.”

Matiu 6:13

Yu no letem enikaen samting kam fo traem mifala, bat yu sevem mifala from paoa blong Seitan.

Gudnius abaotem Jisas Kraes wea Luk hemi raetem 11:4

Yu fogivim mifala long olketa sin blong mifala, bikos mifala tu fogivim evriwan hu i duim olketa ravis samting long mifala. Plis, yu no letem enikaen samting fo kam traem mifala.’”

Gudnius abaotem Jisas Kraes wea Luk hemi raetem 22:32

Bat mi bin prea fo yu Saemon, mekem yu no lusim biliv blong yu. An taem yu tanebaek kam long mi, yu mas gohed fo helpem olketa brata blong yu fo kamap strong moa.”

Galesia 1:4

Kraes hemi letem hem seleva fo dae fo finisim olketa sin blong yumi, mekem yumi fri from disfala ravis wei blong wol ya. Long wei ya nao, hemi duim wanem God Dadi blong yumi hemi laekem.

2 Tesalonaeka 3:3

Bat yufala save trastem Masta olowe nomoa. Bae hemi mekem yufala strong an bae hemi lukaftarem yufala, mekem paoa blong Seitan hemi no save spoelem yufala.

2 Timoti 4:8

An disfala praes wea bae mi winim hemi redi finis. Ya long Lasde, Masta hu hemi save jajem pipol long stretfala wei, bae hemi mekem mi stanap olsem stretfala man long ae blong God. An bae hemi no duim diswan long mi nomoa, bat bae hemi duim tu long evri pipol hu laekem hem fo kambaek moa.

1 Jon 5:18

Yumi save dat eniwan hu hemi bon kam olsem pikinini blong God, hemi no gohed fo sin. Bikos San blong God hemi lukaftarem hem, hem nao Seitan hemi no save spoelem hem.

1 Jon 5:19

An yumi save dat yumi nao i pipol blong God, bat olketa pipol blong disfala wol i stap andanit long paoa blong Seitan.