Gudnius abaotem Jisas Kraes wea Jon hemi raetem 16:8 - Pijin Bible

⁸ An taem hemi kam, bae hemi somaot klia long olketa pipol long disfala wol wea olketa garem rong tingting abaotem hu nao hemi mekem sin an abaotem hu nao hemi stret long ae blong God an abaotem hu nao bae God hemi jajem.

Pijin Deuterocanon

⁸ An taem hemi kam, bae hemi somaot klia long olketa pipol long disfala wol wea olketa garem rong tingting abaotem hu nao hemi mekem sin an abaotem hu nao hemi stret long ae blong God an abaotem hu nao bae God hemi jajem.

Gudnius abaotem Jisas Kraes wea Jon hemi raetem 16:8 Iomraidhean Croise

Levitikas 13:12

“Bat sapos eni sik long skin hemi kamap evriwea long skin blong wanfala man, stat long hed go kasem lek blong hem,

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Gudnius abaotem Jisas Kraes wea Jon hemi raetem 16:7

Bat mi talem yufala tru samting nao, hemi gud samting nao fo mi lusim yufala ya. Bikos sapos mi no go, bae Holi Spirit wea hem nao fo helpem yufala, bae hemi no kam nao long yufala ya. Bat taem mi go, bae mi sendem hem kam long yufala nao.

Gudnius abaotem Jisas Kraes wea Jon hemi raetem 16:9

Olketa garem rong tingting abaotem hu nao hemi mekem sin, bikos olketa nating wiling fo biliv long mi.

Gudnius abaotem Jisas Kraes wea Jon hemi raetem 8:46

?Waswe, eniwan long yufala i save somaot enisamting wea mi bin duim rong? ?Bat sapos mi talem olketa tru samting nomoa, waswe nao yufala no bilivim mi?

Gudnius abaotem Jisas Kraes wea Jon hemi raetem 8:9

Taem olketa herem toktok blong hem ya nomoa, olketa stat fo go-goaot nao, an olketa oloman nao olketa stat fo go-goaot fastaem. Olketa go olsem, go-go Jisas nomoa hemi stap, an disfala woman tu hemi stanap yet.

Aposol 2:37

Nao taem olketa pipol i herem disfala toktok, olketa filnogud tumas an olketa tok olsem long Pita an olketa nara aposol, “?Olketa wantok, wanem nao bae mifala duim?”

1 Korin 14:24

Bat sapos yangfala Kristin o eniwan hu i no biliv yet hemi kam taem yufala evriwan i talemaot olketa mesij blong God, bae olketa toktok ya nao i mekem man ya fo luksave long sin blong hem. Olketa toktok ya, bae olketa jajem hem

Jiud 1:15

Bae hemi jajem evri pipol, an bae hemi panisim evriwan long olketa ravis man wea olketa no obei long hem, bikos olketa nao duim olketa ravis samting an olketa talem olketa ravis toktok agensim hem.”