Gudnius abaotem Jisas Kraes wea Jon hemi raetem 16:19 - Pijin Bible

¹⁹ Jisas hemi save finis nao wea olketa wande fo askem hem abaotem diswan ya, so hemi sei long olketa nao, “Yufala laek fo save wanem nao mi minim taem mi sei, ‘Bae lelebet taem nomoa, an bae yufala no save lukim mi. An long lelebet taem bihaen, bae yufala lukim mi moa.’

Pijin Deuterocanon

¹⁹ Jisas hemi save finis nao wea olketa wande fo askem hem abaotem diswan ya, so hemi sei long olketa nao, “Yufala laek fo save wanem nao mi minim taem mi sei, ‘Bae lelebet taem nomoa, an bae yufala no save lukim mi. An long lelebet taem bihaen, bae yufala lukim mi moa.’

Gudnius abaotem Jisas Kraes wea Jon hemi raetem 16:19 Iomraidhean Croise

Matiu 6:8

Yufala mas no falom wei blong olketa, bikos Dadi blong yufala hemi save finis wanem yufala laekem, nomata yufala no askem hem yet.

Matiu 9:4

Bat Jisas hemi luksave nomoa long wanem olketa tingim, so hemi sei nao, “?Waswe nao yufala garem ravis tingting olsem long maen blong yufala?

Gudnius abaotem Jisas Kraes wea Mak hemi raetem 9:32

Nomata olsem, olketa disaepol blong hem olketa nating save lelebet nao long mining blong toktok ya, an olketa fraet fo askem hem tu.

Gudnius abaotem Jisas Kraes wea Jon hemi raetem 13:33

Yufala olketa pikinini blong mi, bae mi no stap longtaem wetem yufala ya. An olsem mi talem finis long olketa bikman blong olketa Jiu, mi talem long yufala tu, ‘Bae yufala lukaotem mi, bat bae yufala no save go long ples wea bae mi go long hem.’

Gudnius abaotem Jisas Kraes wea Jon hemi raetem 14:19

Hemi kolsap kasem taem wea olketa pipol long disfala wol, bae olketa no lukim mi nao. Bat bae yufala lukim mi moa, bikos mi nao mi stap laef an bae yufala stap laef tu.

Gudnius abaotem Jisas Kraes wea Jon hemi raetem 16:16

Jisas hemi sei moa, “No longtaem bihaen, bae yufala no save lukim mi. An no longtaem bihaen moa, bae yufala lukim mi moa.”

Gudnius abaotem Jisas Kraes wea Jon hemi raetem 16:18

So olketa sei moa, “?Wanem nao hemi minim taem hemi sei, ‘no longtaem bihaen’? Yumi no save long diswan nao.”

Gudnius abaotem Jisas Kraes wea Jon hemi raetem 16:23

An long taem ya, bae yufala no askem mi moa abaotem enisamting. “Mi talem yufala tru samting nao, sapos yufala askem Dadi ya fo enisamting long nem blong mi, bae hemi givim long yufala.

Gudnius abaotem Jisas Kraes wea Jon hemi raetem 16:26

Long taem ya, bae yufala askem hem long enisamting long nem blong mi. Bat bae mi no askem hem fo helpem yufala ya,

Gudnius abaotem Jisas Kraes wea Jon hemi raetem 16:30

Long distaem mifala save dat yu nao yu save long evrisamting, an nomata man hemi no bin askem yu enisamting, yu save finis long wanem hemi tingim. Diswan nao hemi mekem mifala fo biliv wea God nao hemi sendem yu kam.”

Gudnius abaotem Jisas Kraes wea Jon hemi raetem 21:17

Nao Jisas hemi askem hem moa long mektri taem, “Saemon, san blong Jon. ?Waswe, yu lavem mi?” Long taem ya, Pita hemi barava filnogud nao, bikos Jisas hemi askem hem moa long mektri taem nao, “?Waswe, yu lavem mi?” So Pita hemi sei olsem nao, “Masta, yu save long evrisamting, an yu save dat mi lavem yu.” So Jisas hemi talem long hem nao, “Yu lukaftarem gud olketa sipsip blong mi.

Gudnius abaotem Jisas Kraes wea Jon hemi raetem 6:61

Nomata Jisas hemi no herem, bat hemi save finis wea olketa toktokhaed agensim disfala tising ya. So hemi askem olketa olsem, “?Waswe, disfala tising ya hemi mekem yufala fo no wande fo falom mi nao?

Gudnius abaotem Jisas Kraes wea Jon hemi raetem 7:33

Nao Jisas hemi tok olsem, “Bae mi stap wetem yufala fo lelebet taem nomoa ya, an bihaen ya bae mi gobaek moa long man hu hemi sendem mi kam.

Hibrus 4:13

Long evrisamting wea God hemi mekem, no enisamting nao i save haed long hem. Hemi lukim evrisamting barava klia tumas. An wanfala de, bae yumi stanap frant long God fo hemi jajem yumi long evrisamting yumi bin duim.

Revelesin 2:23

An olketa disaepol blong woman ya tu bae mi kilim olketa dae. Long taem ya, bae olketa sios save lukim dat mi luksave long olketa tingting blong evri pipol. An bae mi sensimbaek long wan-wan long yufala falom wanem hemi duim.