Gudnius abaotem Jisas Kraes wea Jon hemi raetem 14:23 - Pijin Bible

²³ Jisas hemi ansarem hem olsem, “Sapos eniwan hemi lavem mi, bae hemi obeim toktok blong mi ya. An Dadi blong mi bae hemi lavem hem, an bae mitufala kam an stap wetem hem.

Pijin Deuterocanon

²³ Jisas hemi ansarem hem olsem, “Sapos eniwan hemi lavem mi, bae hemi obeim toktok blong mi ya. An Dadi blong mi bae hemi lavem hem, an bae mitufala kam an stap wetem hem.

Gudnius abaotem Jisas Kraes wea Jon hemi raetem 14:23 Iomraidhean Croise

Jenesis 1:26

Nao God hemi tok moa olsem, “Hemi gud fo yumi mekem man, an hemi gud yumi mekem fo hemi tekem wei blong yumi, an hemi olsem yumi. Bae hemi rul ovarem olketa fis, an olketa bed, an olketa animol blong vilij an long olketa animol blong bus, stat long olketa wea i bikfala go kasem olketa wea i smolfala. Olketa evriwan bae olketa stap andanit long han blong hem.”

Jenesis 11:7

Moabeta yumi godaon fo miksimap langguis blong olketa, mekem olketa no save fo heresave long toktok blong olketa narawan.”

Sams 90:1

Masta, stat kam long bifoa ka-kam kasem tude, yu nao yu olsem hom blong mifala.

Sams 91:1

Yawe hemi hae tumas, an hemi garem evri paoa. Eniwan wea God hemi gadem, an hemi trastem God fo lukaftarem hem gudfala, hemi save tok olsem, “Yu nao yu God blong mi wea mi trastem. Yu nao yu lukaftarem mi, an yu gadem mi.”

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Gudnius abaotem Jisas Kraes wea Jon hemi raetem 10:30

Mitufala Dadi blong mi, mitufala wanfala nomoa.”

Gudnius abaotem Jisas Kraes wea Jon hemi raetem 14:15

“Sapos yufala lavem mi, bae yufala obeim olketa lo blong mi.

Gudnius abaotem Jisas Kraes wea Jon hemi raetem 14:17

Hem nao Holi Spirit hu hemi somaot evri tru samting. Pipol long disfala wol, olketa no letem Holi Spirit fo kam long olketa bikos olketa no savegud long hem an olketa no luksave long hem tu. Bat yufala save long hem bikos hemi stap wetem yufala an hemi stap insaet long yufala.

Gudnius abaotem Jisas Kraes wea Jon hemi raetem 14:21

“Man hu hemi herem an obeim olketa lo blong mi, hem nao man hu hemi lavem mi. An man hu hemi lavem mi, Dadi blong mi bae hemi lavem hem. An bae mi lavem hem tu, an bae mi somaot mi seleva long hem.”

Gudnius abaotem Jisas Kraes wea Jon hemi raetem 14:24

Bat man hu hemi no lavem mi, hemi no obeim toktok blong mi nao. An disfala toktok wea yufala herem mi talem ya, hemi no falom tingting blong mi seleva ya, bat hemi falom tingting blong Dadi hu hemi sendem mi kam ya.

Gudnius abaotem Jisas Kraes wea Jon hemi raetem 15:10

Sapos yufala obeim olketa lo blong mi bae mi lavem yufala olowe, olsem mi obeim olketa lo blong Dadi blong mi an hemi lavem mi olowe tu.

Gudnius abaotem Jisas Kraes wea Jon hemi raetem 16:27

bikos Dadi ya hemi lavem yufala finis. Hemi lavem yufala bikos yufala lavem mi an yufala biliv wea mi stap kam long God.

Gudnius abaotem Jisas Kraes wea Jon hemi raetem 6:56

Man hu hemi kaikaim bodi blong mi an hemi dringim blad blong mi, hemi gohed fo stap wetem mi an mi gohed fo stap wetem hem.

Gudnius abaotem Jisas Kraes wea Jon hemi raetem 8:51

Mi talem yufala tru samting nao, man hu hemi obeim tising blong mi, bae hemi nating save dae nao.”

Gudnius abaotem Jisas Kraes wea Jon hemi raetem 8:52

Olketa bikman i tok olsem moa long Jisas, “!Distaem mifala barava save dat wanfala devol hemi stap long yu ya! Bikos Ebraham hemi dae, an olketa profet tu olketa dae, bat yu sei man hu hemi obeim tising blong yu bae hemi nating save dae ya.

2 Korin 6:16

?Hao nao Tambuhaos blong God hemi save garem olketa laea god insaet? !Yumi nao tambuhaos blong God hu hemi laef! Bikos God hemi bin tok olsem, “Mi bae mi go stap wetem olketa pipol blong mi an bae mi wakabaot wetem olketa. Mi nao bae mi God blong olketa, an bae olketa nao pipol blong mi.”

Efesas 3:17

An mi prea dat Kraes bae hemi stap long laef blong yufala hu i biliv long hem. Mi prea wea evrisamting yufala duim hemi mas kamaot long lav blong God,

1 Jon 2:24

Olketa toktok wea yufala bin herem fastaem, yufala mas mekem fo stap strong olowe long tingting blong yufala. Sapos yufala duim diswan, bae yufala joen tugeta tu wetem God Dadi an San blong hem.

1 Jon 2:5

Bat eniwan hu hemi obeim toktok blong God, hem nao hemi barava garem lav blong God. An diswan hemi mekem klia long yumi wea yumi joen tugeta nao wetem God.

1 Jon 4:4

Olketa pikinini blong mi, yufala blong God an yufala winim finis olketa laea tisa olsem. Bikos Holi Spirit hu hemi stap long yufala, hemi garem paoa winim disfala enemi blong Kraes wea hemi stap long olketa pipol blong disfala wol.

1 Jon 5:3

Sapos yumi lavem God, diswan hemi minim wea yumi obeim olketa lo blong hem. An olketa lo blong hem i no had tumas fo obeim,

2 Jon 1:6

An disfala lav, hemi minim wea yumi mas gohed olowe fo obeim olketa lo blong God. An disfala lo blong hem, hemi olsem yufala herem finis taem yufala stat fo biliv, wea yufala mas stap long wei blong lav.

Revelesin 21:22

Bat mi no lukim eni tambuhaos insaet long biktaon ya, bikos God Masta hu hemi garem evri paoa wetem Smolfala Sipsip ya, tufala nao i olsem tambuhaos blong hem.

Revelesin 21:3

Nao mi herem wanfala voes from tron, wea hemi singaot olsem, “Lukim, ples blong God hemi stap wetem olketa pipol nao. An bae hemi stap oltaem wetem olketa, an olketa nao i barava pipol blong hem. God seleva nao bae hemi stap wetem olketa, an bae hemi barava God blong olketa.

Revelesin 22:3

Bat olketa samting wea God hemi no laekem, hemi no save stap insaet long biktaon ya. Tron blong God an blong Smolfala Sipsip ya nao hemi stap insaet long biktaon ya. An olketa wakaman blong God bae olketa gohed fo wosipim hem.