Gudnius abaotem Jisas Kraes wea Jon hemi raetem 14:21 - Pijin Bible

²¹ “Man hu hemi herem an obeim olketa lo blong mi, hem nao man hu hemi lavem mi. An man hu hemi lavem mi, Dadi blong mi bae hemi lavem hem. An bae mi lavem hem tu, an bae mi somaot mi seleva long hem.”

Pijin Deuterocanon

²¹ “Man hu hemi herem an obeim olketa lo blong mi, hem nao man hu hemi lavem mi. An man hu hemi lavem mi, Dadi blong mi bae hemi lavem hem. An bae mi lavem hem tu, an bae mi somaot mi seleva long hem.”

Gudnius abaotem Jisas Kraes wea Jon hemi raetem 14:21 Iomraidhean Croise

2 Kings 18:6

Hemi tinghevi nomoa long Yawe, an hemi obeim hem, an hemi falom olowe olketa lo wea hemi bin givim long Mosis bifoa.

Sams 35:27

Olketa wea i laekem tumas fo yu talem dat mi wanfala stretfala man, letem olketa hapi an singaot bikfala. Ya, hemi gud fo olketa singaot olsem olowe, “!Yawe, hemi barava hae fogud, an hemi hapi tumas taem wakaman blong hem hemi stap gudfala nomoa!”

Eksodas 33:18

Nao Mosis hemi askem moa Yawe olsem, “Plis mi laekem tumas fo yu letem mi lukim saen long bikfala paoa blong yu.”

Provebs 8:17

Lavem mi, bae mi lavem yu. Lukaotem mi, bae yu faendem mi.

Jeremaea 31:31

“Mi Yawe mi talem yufala tru nao. Bae taem hemi kam wea mi mekem wanfala niufala spesol agrimen wetem olketa blong Israel an olketa blong Jiuda.

Sefenaea 3:17

Yawe God blong yufala, hemi stap wetem yufala, an paoa blong hem hemi save sevem yufala. Bae hemi hapi tumas long yufala. Lav blong hem bae hemi mekem yufala fo stap kuaet. Bae hemi hapi fogud long yufala, go-go hemi singsing long yufala.?

Gudnius abaotem Jisas Kraes wea Luk hemi raetem 11:28

Bat Jisas hemi sei, “Nomoa, olketa hu i herem toktok blong God an duim wanem hemi talem, olketa ya nao save hapi tumas ya.”

Gudnius abaotem Jisas Kraes wea Jon hemi raetem 14:15

“Sapos yufala lavem mi, bae yufala obeim olketa lo blong mi.

Gudnius abaotem Jisas Kraes wea Jon hemi raetem 14:18

“Taem mi go, bae yufala no stap seleva ya bikos bae mi kambaek long yufala.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.

Gudnius abaotem Jisas Kraes wea Jon hemi raetem 16:14

Bae hemi herem olketa samting long mi an bae hemi talemaot long yufala. Long wei ya nao hemi mekem saen blong bikfala paoa blong mi fo soaot long olketa pipol.

Gudnius abaotem Jisas Kraes wea Jon hemi raetem 16:27

bikos Dadi ya hemi lavem yufala finis. Hemi lavem yufala bikos yufala lavem mi an yufala biliv wea mi stap kam long God.

Gudnius abaotem Jisas Kraes wea Jon hemi raetem 17:23

Mi stap wetem olketa an yu stap wetem mi, mekem olketa barava kamap wan nao. Long wei ya, bae olketa pipol long disfala wol i luksave dat yu nao yu sendem mi kam, an wea yu lavem olketa pipol blong mi long semkaen wei wea yu lavem mi.

Aposol 22:18

wea mi lukim Masta hu hemi talem mi olsem, ‘!Yu kuiktaem! Yu mas hariap an lusim Jerusalem distaem nao, bikos olketa pipol bae i nating wiling fo herem wanem yu talemaot abaotem mi ya.’

2 Korin 12:8

Trifala taem nao mi bin prea long Masta fo tekemaot disfala nogud samting from mi.

2 Korin 3:18

Yumi evriwan hu i no garem enisamting wea hemi kavarem fes blong yumi, yumi somaot disfala saen blong bikfala paoa blong Masta. An oltaem nomoa, disfala saen blong paoa blong Masta hu hemi Holi Spirit, hemi grou bikfala moa, an hemi mekem yumi sens go-go yumi kamap olsem hem.

2 Korin 4:6

Bikos God hu hemi bin sei, “!Laet mas saen kamaot long tudak!” hem tu hemi mekem laet blong hem fo saen kam long maen blong yumi. An hemi mekem yumi fo savegud long bikfala paoa blong God wea hemi saen kamaot long fes blong Kraes.

Diutronomi 11:13

“Yufala mas barava obeim olketa lo wea mi givim long yufala distaem, an yufala mas lavem Yawe, God blong yufala, an yufala mas yusim evri tingting blong yufala an evri save blong yufala fo tinghevi long hem.

Diutronomi 7:13

An taem yufala obeim olketa lo ya, bae hemi lavem yufala an blesim yufala olsem, bae hemi mekem yufala garem plande pikinini, an bae olketa gaden blong yufala garem staka kaikai, an bae yufala garem plande waen, an plande oel fo kuki. An bae hemi blesim olketa buluka an olketa sipsip blong yufala, mekem olketa bonem plande pikinini. Long wei olsem bae hemi save blesim yufala taem yufala stap long lan wea hemi promisim finis long olketa olo blong yufala.

2 Tesalonaeka 2:16

Masta blong yumi Jisas Kraes wetem God Dadi blong yumi, hemi lavem yumi tumas ya. An hemi helpem yumi tumas tu long kaenfala lav blong hem, wea oltaem hemi mekem yumi trastem hem an oltaem tu hemi strongim tingting blong yumi.

2 Timoti 4:22

Letem Masta hemi stap long laef blong yu. An letem kaenfala lav blong God hemi stap wetem yufala.

1 Jon 2:5

Bat eniwan hu hemi obeim toktok blong God, hem nao hemi barava garem lav blong God. An diswan hemi mekem klia long yumi wea yumi joen tugeta nao wetem God.

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.

1 Jon 5:3

Sapos yumi lavem God, diswan hemi minim wea yumi obeim olketa lo blong hem. An olketa lo blong hem i no had tumas fo obeim,

2 Jon 1:6

An disfala lav, hemi minim wea yumi mas gohed olowe fo obeim olketa lo blong God. An disfala lo blong hem, hemi olsem yufala herem finis taem yufala stat fo biliv, wea yufala mas stap long wei blong lav.

Revelesin 2:17

‘Eniwan hu hemi garem ia, hemi mas heremgud olketa toktok wea Holi Spirit hemi talem long olketa sios. Eniwan wea hemi winim faet, bae mi givim hem mana fo kaikaim. Hemi disfala mana blong bifoa, wea hemi staphaed. An bae mi givim hem tu wanfala waet ston wea wanfala niu nem hemi stap long hem. Niu nem ya, no eni man nao hemi save long hem, bat man hemi garem ston ya nomoa hemi save long nem ya.’”

Revelesin 22:14

Olketa pipol hu i wasim kaleko blong olketa, olketa save hapi tumas. Bikos olketa nao i fit fo kaikaim frut blong tri blong laef, an olketa fit tu fo go insaet long olketa geit blong biktaon ya.

Revelesin 3:20

Yufala save, mi stanap aotsaet long doa, an mi gohed fo noknok. Nao sapos wanfala man hemi herem toktok blong mi an hemi openem doa fo mi, bae mi kam insaet long haos blong hem, an bae mitufala kaikai tugeta.