Gudnius abaotem Jisas Kraes wea Jon hemi raetem 12:6 - Pijin Bible

⁶ Bat Jiudas hemi no talem diswan bikos hemi sore long olketa pua pipol, bat bikos hemi wanfala man fo stil ya. Hem nao man fo lukaftarem seleni blong olketa disaepol, an hemi save yusim nomoa samfala seleni fo hem seleva.

Pijin Deuterocanon

⁶ Bat Jiudas hemi no talem diswan bikos hemi sore long olketa pua pipol, bat bikos hemi wanfala man fo stil ya. Hem nao man fo lukaftarem seleni blong olketa disaepol, an hemi save yusim nomoa samfala seleni fo hem seleva.

Gudnius abaotem Jisas Kraes wea Jon hemi raetem 12:6 Iomraidhean Croise

Sams 14:1

Olketa krangge pipol i tingse, “No eni God nomoa hemi stap.” Evri nogud pipol nomoa i stap, an olketa gohed fo duim evri ravis samting. No eniwan long olketa nao hemi stret.

Provebs 29:7

Stretfala pipol i wari long raet blong pua pipol, bat ravis man hemi no save long disfala raet.

Esikiel 33:31

Oltaem olketa pipol blong mi i hipap kam raonem yu fo herem olketa samting wea bae yu talem, bat olketa nating duim nomoa wanem yu talem long olketa. Maos blong olketa i fulap nomoa long ravis tok, an olketa gohed nomoa fo tingim long wei fo ravem pipol fo winim seleni.

Matiu 21:13

An Jisas hemi tok olsem long olketa, “Toktok blong God insaet long Buktambu hemi sei, ‘Haos blong mi, bae olketa sei hemi haos fo prea long hem ya.’ !Bat yufala ya, yufala mekem haos ya fo kamap olsem ples wea olketa pipol hu i save stil olketa save haed long hem!”

Gudnius abaotem Jisas Kraes wea Luk hemi raetem 8:3

An narawan hemi Joana, hu hemi waef blong Kusa hu hemi save lukaftarem olketa bisnis blong King Herod Antipas. An wanfala moa, nem blong hem Susana, wetem plande woman moa. An olketa woman ya, olketa save helpem Jisas an olketa disaepol blong hem wetem olketa samting wea olketa garem.

Gudnius abaotem Jisas Kraes wea Jon hemi raetem 10:13

Diskaen man hemi save ranawe from olketa sipsip bikos hemi waka fo seleni nomoa ya, an hemi no save wari long olketa sipsip.

Gudnius abaotem Jisas Kraes wea Jon hemi raetem 12:5

“Disfala oel ya sapos hemi salem, bae hemi kasem 300 seleni nao wea hemi save givim long olketa pua pipol.”

Gudnius abaotem Jisas Kraes wea Jon hemi raetem 13:29

Jiudas, hemi man fo lukaftarem seleni blong olketa ya. So diswan hemi mekem samfala disaepol fo tingse Jisas hemi talem Jiudas fo go an baem samfala samting fo olketa yusim long olketa bikde ya, o fo hemi givim samfala samting long olketa pipol hu i pua.

1 Korin 6:10

an olketa hu i stil, an olketa hu i kavetem olketa samting blong nara pipol, an olketa hu i drang olowe, an olketa hu i stori nogud abaotem olketa narawan, an olketa hu i save fosim pipol fo givim samting long olketa. Bikos bae olketa pipol olsem ya olketa no save kasem kingdom blong God.

Galesia 2:10

Olketa askem nomoa fo mitufala mas tingim olketa pua pipol long Jerusalem, an diswan nao mi barava traehad tumas fo duim ya.

1 Tesalonaeka 5:22

an olketa nogud samting yufala mas no falom.

Jemes 2:2

Sapos tufala man i kam long miting blong yufala, wanfala hemi ris an narawan hemi pua. Maet disfala risman hemi werem kam enikaen gol ring an olketa kaleko wea i barava luknaes fogud. An taem yufala lukim hem, yufala tinghae long hem nao, so yufala sei, “Oo, yu kam sidaon gud long hia.” Bat nara man hu hemi pua, hemi werem kam olketa ravis kaleko nomoa. So yufala sei nomoa, “Yu stanap dea, o yu sidaon long bihaen nomoa.”

Jemes 2:6

Bat yufala lukdaon tumas long olketa hu i pua. ?Waswe, hu nao save ravem yufala olowe an tekem yufala go long kot?