Gudnius abaotem Jisas Kraes wea Jon hemi raetem 12:29 - Pijin Bible

²⁹ Olketa evriwan hu i stap long ples ya olketa herem diswan, so samfala long olketa i sei hemi noes blong tanda ya, bat samfala sei wanfala enjel nao hemi toktok kam long hem.

Pijin Deuterocanon

²⁹ Olketa evriwan hu i stap long ples ya olketa herem diswan, so samfala long olketa i sei hemi noes blong tanda ya, bat samfala sei wanfala enjel nao hemi toktok kam long hem.

Gudnius abaotem Jisas Kraes wea Jon hemi raetem 12:29 Iomraidhean Croise

Stori abaotem Job 40:9

?Waswe, yu tingse yu strong olsem mi? ?Yu save tok bikfala nomoa olsem mi, wea voes blong mi hemi olsem tanda?

Eksodas 19:16

Long moning blong mektri de ya, olketa lukim bikfala laetning hemi laet, an tanda hemi bosta, an bikfala klaod hemi kavaremap maonten ya. An olketa herem tu bikfala noes blong trampet fo somaot dat God hemi kam fo mitim olketa. An evri pipol hu i stap long ples ya i fraet an seksek fogud long hem.

Eksodas 20:18

Taem olketa pipol herem tanda an bikfala saon blong trampet, an lukim laetning an smok ya wea hemi kavaremap bikfala maonten ya, olketa fraet tumas an seksek fogud. So, olketa no go kolsap long maonten ya nao.

Esikiel 10:5

Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Aposol 9:7

Nao olketa man hu i go-go wetem Sol ya olketa stanap nomoa, bat olketa nating save talem enisamting nao. Olketa herem disfala toktok ya, bat olketa nating lukim eni man nomoa.

Revelesin 11:19

Nao Tambuhaos blong God long heven hemi open, an olketa pipol lukim disfala boks blong spesol agrimen blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.

Revelesin 14:2

An mi herem wanfala saon long heven, wea hemi meknoes tumas olsem olketa bikfala wev an olketa bikfala tanda. An disfala saon ya hemi here olsem plande gita wea olketa gohed fo pleim.

Revelesin 6:1

Nao mi lukim Smolfala Sipsip ya hemi brekem mekwan tambu mak long olketa sevenfala tambu mak long skrol ya. An mi herem wanfala long olketa fofala animol ya hemi singaot bikfala, an voes blong hem hemi here olsem tanda. Hemi sei olsem, “Yu kam.”

Revelesin 8:5

Bihaen nomoa, enjel ya hemi tekem sosa blong insens an hemi fulumapem long faea long olta. Hemi tekem nomoa, an hemi torowem godaon long wol. Taem ya nomoa, bikfala noes nao hemi kam an laetning hemi laet an tanda hemi bosta an wanfala etkuek hemi sekem graon.