Gudnius abaotem Jisas Kraes wea Jon hemi raetem 12:20 - Pijin Bible

²⁰ Nao samfala long olketa Grik tu olketa go long Jerusalem fo prea long taem blong olketa bikde ya.

Pijin Deuterocanon

²⁰ Nao samfala long olketa Grik tu olketa go long Jerusalem fo prea long taem blong olketa bikde ya.

Gudnius abaotem Jisas Kraes wea Jon hemi raetem 12:20 Iomraidhean Croise

Aesaea 11:10

Long taem ya, disfala king hu hemi olsem rut long laen blong King Deved, bae hemi olsem wanfala flag, mekem olketa pipol long olketa narafala kantri save kam long hem. An evriwan bae i barava tinghae long ples blong hem.

Gudnius abaotem Jisas Kraes wea Mak hemi raetem 7:26

Woman ya, hemi no Jiu bat hemi bon long Fonisia long kantri blong Siria. An hemi krae long Jisas fo mekem hem raosim devol ya from gele blong hem.

Gudnius abaotem Jisas Kraes wea Jon hemi raetem 12:1

Taem siksfala de hemi stap yet bifoa hemi kasem Fist blong Pasova, Jisas hemi gobaek moa long vilij long Betani wea Lasaros hemi stap, disfala man hu Jisas hemi bin mekem hem fo laefbaek moa.

Gudnius abaotem Jisas Kraes wea Jon hemi raetem 12:19

Bat olketa Farasi olketa go-gohed fo tok olsem tugeta long olketa seleva nao, “!Yufala lukim, nomata yumi tingim enikaen, yumi no save duim enisamting nao! !Lukim, evriwan i go-go falom man ya nao!”

Gudnius abaotem Jisas Kraes wea Jon hemi raetem 7:35

Nao olketa bikman blong olketa Jiu ya, olketa stat fo tok olsem nao long olketa seleva, “?Wea nao man ya bae hemi go long hem, mekem yumi no save faendem hem ya? ?Waswe, bae hemi go stap wetem olketa wantok blong yumi wea olketa stap olobaot long kantri long Grik, mekem hemi tisim olketa Grik ya?

Aposol 14:1

Long taon long Aekoniam tu Pol an Banabas tufala go insaet long preahaos blong olketa Jiu fastaem. An tufala talemaot mesij ya long wei wea plande long olketa Jiu an olketa hu i no Jiu olketa stat fo biliv nao.

Aposol 16:1

Pol an Saelas tufala go kasem taon long Debe, an bihaen, tufala go moa long taon long Listra, wea wanfala Kristin, nem blong hem Timoti nao, hemi stap. Mami blong man ya hemi wanfala Jiu hu hemi Kristin, bat dadi blong hem hemi man blong Grik.

Aposol 17:4

Nao samfala long olketa Jiu olketa biliv long toktok ya, an olketa joen wetem Pol an Saelas nao. An plande pipol blong Grik hu i wosipim God, wetem plande long olketa bik woman long ples ya, olketa joen wetem Pol an Saelas tu.

Aposol 20:21

Mi bin tokstrong long olketa pipol, nomata olketa i Jiu o olketa i no Jiu, wea olketa mas lusim olketa ravis wei blong olketa, an olketa mas tane kam long God an biliv long Jisas Masta blong yumi.

Aposol 21:28

Olketa singaot bikfala olsem, “!Olketa man blong Israel, yufala helpem mifala! Disfala man ya hemi save tisim olketa pipol long evri ples fo agensim pipol blong yumi an agensim Lo blong Mosis an agensim moa disfala Tambuhaos ya. !An distaem hemi tekem kam samfala pipol hu i no Jiu tu fo kam insaet long Tambuhaos an mekem disfala tambuples fo no klin nao!”

Aposol 8:27

Semtaem nomoa, Filip hemi godaon long rod ya, an go-go hemi lukim wanfala man blong kantri long Itiopia. Man ya hemi wanfala bikman wea hemi lukaftarem evri seleni blong disfala Kuin blong olketa long Itiopia. Man ya hemi bin kam long Jerusalem fo wosipim God,

Leta wea Pol hemi raetem go long sios long Rom 1:16

Mi nating filsem long disfala Gudnius, bikos hem ya nao paoa blong God fo sevem evriwan hu i biliv long hem. Fastaem, olketa Jiu nao i herem, an bihaen nao, olketa pipol hu i no Jiu herem tu.

Leta wea Pol hemi raetem go long sios long Rom 10:12

Olketa Jiu olketa i no deferen long olketa pipol hu i no Jiu. Evriwan nao i garem wanfala Masta nomoa, hu hemi save givim olketa gudfala samting long evriwan hu i prea go long hem.

Galesia 2:3

An Taetas hu hemi stap wetem mi, hemi man blong Grik ya. Bat olketa lida long sios ya, olketa no fosim hem fo kate nomoa.

Galesia 3:28

So no enisamting hemi deferen long olketa pipol hu i stap joen wetem Jisas Kraes, nomata olketa Jiu o olketa i no Jiu, nomata olketa slev o olketa i stap fri nomoa, nomata olketa man o olketa woman. Yufala evriwan i kamap wanfala nomoa.

Kolosi 3:11

An falom diswan, evri pipol olketa semsem nomoa. Nomata yumi man blong Jiu o nomoa, nomata yumi mekem olketa boe fo kate o nomoa, nomata yumi no skul o yumi blong bus o yumi slev o yumi stap fri man nomoa, Kraes nao hemi nambawan samting long laef blong yumi, an Kraes nao hemi stap insaet long yumi evriwan.