Gudnius abaotem Jisas Kraes wea Jon hemi raetem 11:44 - Pijin Bible

⁴⁴ !Seknomoa, man hu hemi dae finis ya hemi kamaot nao! Bat olketa kaleko, wea olketa paselem long olketa han an lek blong hem an raonem fes blong hem, olketa stap yet. So Jisas hemi talem olketa olsem, “Yufala tekemaot olketa kaleko ya, mekem hemi save wakabaot go.”

Pijin Deuterocanon

⁴⁴ !Seknomoa, man hu hemi dae finis ya hemi kamaot nao! Bat olketa kaleko, wea olketa paselem long olketa han an lek blong hem an raonem fes blong hem, olketa stap yet. So Jisas hemi talem olketa olsem, “Yufala tekemaot olketa kaleko ya, mekem hemi save wakabaot go.”

Gudnius abaotem Jisas Kraes wea Jon hemi raetem 11:44 Iomraidhean Croise

Jenesis 1:3

An God hemi tok olsem, “Laet mas kamaot.” So laet hemi kamap olsem wea hemi bin talem.

Sams 33:9

Taem hemi tok nomoa, wol ya hemi kamap nao. Toktok blong hem hemi mekem evrisamting fo kamaot.

Hosia 13:14

“Bae mi peim olketa aot from paoa blong Grev. Ya, bae mi tekem olketa aot from paoa blong Dae. !Dae! ?Wea nao paoa blong yu fo kilim pipol dae? !Grev! ?Wea nao paoa blong yu fo spoelem pipol? Ya, bae mi sevem olketa pipol blong mi, an mi no save sensim tingting blong mi.

Gudnius abaotem Jisas Kraes wea Mak hemi raetem 5:43

Bat Jisas hemi tokstrong long olketa olsem, “!Yufala no stori abaotem diswan long eniwan moa!” An bihaen hemi sei moa, “Yufala givim samfala kaikai long hem.”

Gudnius abaotem Jisas Kraes wea Luk hemi raetem 19:20

“Bihaen, nara wakaman moa hemi kam an hemi sei, ‘Bos, seleni blong yu nao long hia. Mi haedem nomoa insaet long wanfala pis kaleko.

Gudnius abaotem Jisas Kraes wea Luk hemi raetem 7:15

Seknomoa, boe wea hemi dae ya hemi getap nao, an hemi stat fo toktok moa. So Jisas hemi givim boe ya go long mami blong hem nao.

Gudnius abaotem Jisas Kraes wea Jon hemi raetem 10:30

Mitufala Dadi blong mi, mitufala wanfala nomoa.”

Gudnius abaotem Jisas Kraes wea Jon hemi raetem 11:39

Jisas hemi talem long olketa olsem, “!Yufala tekemaot ston ya!” Bat Mata, sista blong disfala man hu hemi dae ya, hemi tok olsem long Jisas, “!Ei Masta, hemi smel nogud tumas ya, bikos fofala de nao hemi bin stap insaet ya!”

Gudnius abaotem Jisas Kraes wea Jon hemi raetem 11:43

Taem hemi tok olsem finis, hemi singaot bikfala nao, “!Lasaros, yu kamaot!”

Gudnius abaotem Jisas Kraes wea Jon hemi raetem 19:40

Tufala man ya, tufala tekem go bodi blong Jisas an tufala paselem long olketa gudfala waet kaleko wetem tufala kaen insens ya. Diswan hemi falom kastom blong olketa Jiu fo mekredi long bodi blong man i dae bifoa olketa putum hem insaet long kev.

Gudnius abaotem Jisas Kraes wea Jon hemi raetem 20:5

Hemi bendaon fo luk go insaet, an hemi lukim go olketa kaleko wea olketa paselem Jisas long hem, bat hemi nating go insaet nomoa.

Gudnius abaotem Jisas Kraes wea Jon hemi raetem 20:7

Hemi lukim tu disfala smolfala kaleko wea olketa bin paselem hed blong Jisas wetem, bat disfala kaleko hemi no stap tugeta wetem olketa nara kaleko ya. Hemi stap seleva nomoa an hemi luk olsem olketa rolem hem gudfala.

Gudnius abaotem Jisas Kraes wea Jon hemi raetem 5:21

Dadi ya hemi save mekem olketa hu i dae finis fo laefbaek moa. So semsamting long San blong hem, bae hemi givim laef long evriwan wea hemi siusim.

Gudnius abaotem Jisas Kraes wea Jon hemi raetem 5:25

Mi talem yufala tru samting nao, bae wanfala taem hemi kam, an taem ya hemi kam finis nao, wea olketa hu i dae finis bae olketa herem San Blong God. An olketa hu i herem an obeim hem, bae olketa kasem laef.

Filipae 3:21

An bae hemi mekem olketa wik bodi blong yumi fo sens an kamap nambawan tumas olsem bodi blong hem seleva. Bae hemi duim diswan long disfala bikfala paoa blong hem wea hemi save yusim fo kontrolem evrisamting.

Revelesin 1:18

!Mi man wea mi barava laef! Long bifoa, mi dae finis bat mi laefbaek moa an mi no save dae enitaem. Mi nao mi garem paoa ovarem Dae an mi garem paoa ovarem ples blong olketa pipol hu i dae finis.

1 Samuel 2:6

“Yawe hemi save mekem man fo dae, an hemi save mekem man fo laef moa. Hemi save sendem man fo go long ples blong man dae, an hemi save tekem kambaek man from ples ya.