Gudnius abaotem Jisas Kraes wea Jon hemi raetem 10:1 - Pijin Bible

¹ Jisas hemi sei moa, “Mi talem yufala tru samting nao, man hu hemi no kam insaet long barava geit blong fens blong sipsip bat hemi klaem kam long deferen ples, hemi man fo stil an man fo spoelem olketa sipsip ya.

Pijin Deuterocanon

¹ Jisas hemi sei moa, “Mi talem yufala tru samting nao, man hu hemi no kam insaet long barava geit blong fens blong sipsip bat hemi klaem kam long deferen ples, hemi man fo stil an man fo spoelem olketa sipsip ya.

Gudnius abaotem Jisas Kraes wea Jon hemi raetem 10:1 Iomraidhean Croise

Jeremaea 14:15

Dastawe nao mi Yawe, mi tok olsem abaotem olketa profet hu gohed fo talemaot laea long nem blong mi: Mi no sendem olketa, bat olketa gohed fo talemaot dat taem blong faet an taem blong hanggre i kanduit kam long lan blong yufala. Bat mi talemaot long yu dat samfala long olketa profet ya bae i dae long taem blong faet, an bae olketa narawan i dae long taem blong hanggre.

Jeremaea 23:21

“Mi no sendem olketa profet ya, bat nomata olsem, olketa gohed nomoa fo talemaot mesij blong olketa seleva. Mi no givim eni toktok long olketa fo talemaot, bat olketa gohed nomoa fo talemaot laea profesi blong olketa seleva.

Jeremaea 23:32

An mi agensim tu olketa hu i talemaot olketa spesol drim wea i fulap long laea nomoa. Olketa gohed fo talemaot plande bikfala laea ya, an lidim pipol blong mi fo gorong. Mi no sendem olketa ya an mi no siusim olketa olsem profet. Olketa laea profet ya no save helpem olketa pipol blong mi.” Hem nao mesij blong Yawe.

Joel 2:9

Olketa kam kuiktaem an klaem long wolston blong taon ya, an kam insaet fo spoelem ples ya. Olketa klaem long olketa haos, an gotru long olketa windo olsem olketa man fo stil.

Matiu 7:15

An Jisas hemi sei moa, “Yufala mas lukaot long olketa laea profet. Long aotsaet, olketa luk olsem gudfala sipsip, bat long insaet long tingting blong olketa, olketa barava olsem wael dog nomoa.

Gudnius abaotem Jisas Kraes wea Jon hemi raetem 10:7

So Jisas hemi sei moa long olketa, “Mi talem yufala tru samting nao, mi nao mi olsem geit blong sipsip.

Gudnius abaotem Jisas Kraes wea Jon hemi raetem 3:3

Nao Jisas hemi talem hem olsem, “Mi talem yu tru samting nao, sapos man hemi no bon moa long mektu taem, bae hemi no save faendem kingdom blong God.”

Leta wea Pol hemi raetem go long sios long Rom 10:15

?An hao nao eniwan i save talemaot nius, sapos olketa no sendem eniwan fo talemaot? Olsem olketa raetem long Buktambu, “!Hemi gudfala samting tumas, taem olketa pipol kam fo talemaot Gudnius!”

Leta wea Pol hemi raetem go long sios long Rom 16:18

Olketa pipol olsem, olketa no waka wetem Kraes Masta blong yumi, bat olketa falom nomoa ravis tingting blong olketa seleva. Olketa save yusim suit toktok an olketa save laea nomoa fo trikim olketa pipol hu i no savegud long wei blong olketa.

Taetas 1:11

Yu mas stopem olketa laea tisa olsem bikos olketa gohed fo spoelem finis biliv blong samfala famili. Olketa gohed fo tisim pipol long diskaen rong tising, mekem olketa save tekem plande seleni fo olketa seleva nomoa.

Hibrus 5:4

No eniwan save haemapem hem seleva fo tekem disfala waka olsem haeprist. God nomoa hemi save siusim man fo haeprist, olsem hemi siusim Eron bifoa.

1 Pita 1:10

Olketa profet blong bifoa, i talemaot finis wea bae God hemi helpem yufala olsem. An olketa traehad fo faendaot gud abaotem disfala wei wea bae God hemi sevem yufala.

2 Pita 2:1

Bifoa, plande laea profet nao olketa kamap long olketa pipol blong Israel. An long sem wei tu, bae olketa laea tisa kamap long yufala. Bae olketa talemaot olketa laea tising wea i save spoelem biliv blong yufala. An nomata Masta hemi sevem olketa from sin, bae olketa tanem baeksaet blong olketa moa long hem. An from olketa samting ya nao, bae olketa spoelem olketa seleva kuiktaem nomoa.

2 Pita 2:3

An bikos olketa laea tisa laekem seleni tumas, bae olketa mekem enikaen laea tising fo tekem seleni blong yufala. Bat God hemi jajem olketa wei olsem finis, ya longtaem nao hemi jajem finis olketa laea tisa ya. Hemi redi olowe nomoa fo panisim olketa.

1 Jon 4:1

Olketa gudfala fren, plande laea profet nao i goraon long evri ples. So yufala mas no bilivim evriwan hu hemi talem dat hemi garem Holi Spirit. Fastaem, yufala mas faendemaot gud sapos hemi barava garem Spirit blong God o nomoa.