Gudnius abaotem Jisas Kraes wea Jon hemi raetem 1:9 - Pijin Bible

⁹ Disfala laet hemi barava tru laet wea hemi kam long disfala wol an saen long evriwan.

Pijin Deuterocanon

⁹ Disfala laet hemi barava tru laet wea hemi kam long disfala wol an saen long evriwan.

Gudnius abaotem Jisas Kraes wea Jon hemi raetem 1:9 Iomraidhean Croise

Aesaea 49:6

an hemi tok olsem long mi, ‘Bae yu mekem olketa laen blong Israel wea i laef yet, fo kamap strong moa olsem fastaem. Bat mi garem waka fo yu wea hemi bikfala moa. Bae mi mekem yu fo kamap olsem laet fo olketa narafala kantri, mekem paoa blong mi fo sevem pipol, hemi kasem evri pat long wol.’”

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Matiu 6:23

Bat sapos ae blong yu hemi nogud, bae bodi blong yu hemi tudak tu. So sapos no eni laet hemi stap long yu bat hemi tudak nomoa, bae yu barava tudak nao ya.”

Gudnius abaotem Jisas Kraes wea Luk hemi raetem 11:36

Sapos bodi blong yu hemi laet, an no eni ples long bodi hemi tudak, hemi olsem taem wanfala lam hemi saen kam long yu, mekem yu barava laet nao ya.”

Gudnius abaotem Jisas Kraes wea Jon hemi raetem 1:4

Tru laef hemi stat kam long hem. An disfala tru laef ya hemi olsem laet wea hemi saen go long olketa pipol.

Gudnius abaotem Jisas Kraes wea Jon hemi raetem 1:7

Hemi kam fo talem evriwan abaotem disfala laet ya, mekem olketa pipol i biliv long hem.

Gudnius abaotem Jisas Kraes wea Jon hemi raetem 12:46

Mi kam insaet long disfala wol olsem laet, mekem evriwan hu i biliv long mi bae hemi no stap long tudak.

Gudnius abaotem Jisas Kraes wea Jon hemi raetem 14:6

Nao Jisas hemi talem hem olsem, “Mi nao mi disfala rod an mi save talem evri tru samting an mi save givim laef. No eniwan save go long Dadi ya long eni nara rod, mi nomoa mi rod fo go long hem.

Gudnius abaotem Jisas Kraes wea Jon hemi raetem 15:1

Jisas hemi toktok moa olsem, “Mi nao disfala tru grep tri, an Dadi blong mi nao hemi lukaftarem disfala grep tri ya.

Gudnius abaotem Jisas Kraes wea Jon hemi raetem 6:32

Nao Jisas hemi sei long olketa, “Mi talem yufala tru samting nao, disfala kaikai wea Dadi blong mi hemi givim long yufala, hem nao barava kaikai wea hemi kamdaon long heven, an hemi no diswan wea Mosis hemi bin givim ya.

Gudnius abaotem Jisas Kraes wea Jon hemi raetem 7:12

Plande pipol tumas olketa toktokhaed abaotem hem. Samfala pipol olketa sei, “Hemi gudfala man ya,” bat samfala pipol moa olketa sei, “Nomoa, hemi mekem pipol fo falom laea blong hem nomoa ya.”

1 Jon 1:8

An sapos yumi talem dat yumi no garem eni sin, yumi laea long yumi seleva, an no eni tru toktok hemi stap long yumi.

1 Jon 2:8

Bat nomata olsem, disfala lo wea mi raet go long yufala abaotem, hemi niuwan. Wei blong Jisas Kraes an wei blong yufala distaem hemi somaot diswan, bikos disfala tru laet hemi saen kam nao an hemi gohed fo mekem tudak fo finis.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.