Gudnius abaotem Jisas Kraes wea Jon hemi raetem 1:51 - Pijin Bible

⁵¹ An Jisas hemi sei moa long olketa, “Mi talem yufala tru samting nao, bae yufala lukim dat skae hemi open an wea olketa enjel blong God olketa go-goap long heven an kamdaon moa antap long mi San Blong Man.”

Pijin Deuterocanon

⁵¹ An Jisas hemi sei moa long olketa, “Mi talem yufala tru samting nao, bae yufala lukim dat skae hemi open an wea olketa enjel blong God olketa go-goap long heven an kamdaon moa antap long mi San Blong Man.”

Gudnius abaotem Jisas Kraes wea Jon hemi raetem 1:51 Iomraidhean Croise

Jenesis 28:12

Jekob hemi garem wanfala drim, hemi lukim wanfala lada hemi stanap, wea botom blong hem hemi stap long graon, bat narafala en blong hem hemi goap kasem heven. An hemi lukim olketa enjel wea olketa gohed fo kamdaon, an olketa gohed fo goap long lada ya.

Esikiel 1:1

Mi nao Esikiel, san blong Busi, an mi wanfala prist. Long mekfaev de long mekfoa mans long mekteti yia, God nao hemi openem skae an som long mi samfala samting long spesol drim. Long datfala taem, mi bin stap saet long Keba Riva long lan long Babilonia wetem olketa narafala pipol wea olketa blong Babilonia bin fosim olketa fo lusim lan blong olketa an kam stap long Babilonia.

Sekaraea 13:7

Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.

Matiu 25:31

Nao Jisas hemi sei moa, “Taem mi San Blong Man, mi kambaek wetem saen blong paoa blong God an wetem evri enjel blong mi, bae mi sidaon fo rul long paoa blong God.

Matiu 26:24

Mi San Blong Man, bae mi mas dae olsem Buktambu hemi talem. !Bat disfala man wea bae hemi givim mi San Blong Man, go long olketa enemi blong mi, hemi mas lukaot! !Moabeta sapos disfala man hemi no bon!”

Matiu 3:16

Taem Jisas hemi baptaes finis nomoa, hemi kam stanap long saet wata moa. An long semtaem nomoa, skae hemi open nao an hemi lukim dat Spirit blong God hemi kamdaon long Jisas olsem wanfala kurukuru an hemi kam sidaon antap long hem.

Matiu 4:11

So distaem nomoa, Seitan hemi goawe from Jisas nao. An long semtaem ya tu, olketa enjel olketa kam long Jisas fo helpem hem.

Matiu 8:20

Bat Jisas hemi sei long hem, “Olketa wael animol olketa garem ples blong olketa seleva fo slip, an olketa bed tu olketa garem ples blong olketa seleva. Bat mi San Blong Man, mi no garem eni ples fo slip long hem.”

Matiu 9:6

Bat distaem bae mi barava somaot long yufala wea mi San Blong Man, mi garem paoa long disfala wol fo fogivim olketa sin.” So Jisas hemi sei long disfala man ya nao, “!Yu stanap, tekem bed blong yu an wakabaot gobaek long haos blong yu!”

Gudnius abaotem Jisas Kraes wea Mak hemi raetem 1:10

Taem Jisas hemi kamaot long wata nomoa, hemi lukim skae hemi open nao, an Holi Spirit hemi kamdaon long hem olsem wanfala kurukuru.

Gudnius abaotem Jisas Kraes wea Mak hemi raetem 14:62

Nao Jisas hemi sei, “!Mi nao ya! An bae yufala save lukim dat mi San Blong Man, bae mi sidaon long raetsaet blong God hu hemi garem evri paoa, an bae mi kambaek antap long olketa klaod long skae.”

Gudnius abaotem Jisas Kraes wea Luk hemi raetem 2:13

Seknomoa, bikfala seksin long olketa enjel long heven, olketa kam an joen wetem disfala enjel ya nao, an olketa evriwan gohed fo singsing an mekhae long God olsem,

Gudnius abaotem Jisas Kraes wea Luk hemi raetem 2:9

Nao wanfala enjel blong God hemi kam long olketa an bikfala paoa blong God hemi saen kam raonem olketa. So olketa barava fraet fogud nao,

Gudnius abaotem Jisas Kraes wea Luk hemi raetem 22:43

An wanfala enjel long heven hemi kam long Jisas an hemi helpem hem fo strong moa.

Gudnius abaotem Jisas Kraes wea Luk hemi raetem 22:69

Bat mi San Blong Man, stat long distaem, bae mi sidaon long raetsaet blong God hu hemi garem evri paoa.”

Gudnius abaotem Jisas Kraes wea Luk hemi raetem 24:4

An taem olketa trae fo tingting abaotem diswan, seknomoa, tufala man i stanap long saet long olketa woman ya nao. Kaleko blong tufala i barava saen fogud.

Gudnius abaotem Jisas Kraes wea Luk hemi raetem 3:21

Taem olketa no putum Jon long prisin yet, wanfala de nao hemi baptaesim olketa pipol, an bihaen ya, hemi baptaesim Jisas tu. An taem Jisas hemi gohed fo prea, skae hemi open nao,

Gudnius abaotem Jisas Kraes wea Jon hemi raetem 1:50

Bat Jisas hemi tok olsem long hem, “Yu biliv long mi nomoa bikos mi talem yu dat mi bin lukim yu taem yu stap andanit long fig tri ya. Bat olketa nambawan samting moa winim diswan nao, bae yu lukim ya.”

Gudnius abaotem Jisas Kraes wea Jon hemi raetem 10:1

Jisas hemi sei moa, “Mi talem yufala tru samting nao, man hu hemi no kam insaet long barava geit blong fens blong sipsip bat hemi klaem kam long deferen ples, hemi man fo stil an man fo spoelem olketa sipsip ya.

Gudnius abaotem Jisas Kraes wea Jon hemi raetem 10:7

So Jisas hemi sei moa long olketa, “Mi talem yufala tru samting nao, mi nao mi olsem geit blong sipsip.

Gudnius abaotem Jisas Kraes wea Jon hemi raetem 13:16

Mi talem yufala tru samting nao, no eni wakaman hemi hae winim bos blong hem ya, an no eni niusman hemi hae winim man hu hemi sendem hem go.

Gudnius abaotem Jisas Kraes wea Jon hemi raetem 13:38

Jisas hemi ansarem hem olsem, “?Waswe, bae yu barava wiling fo dae fo helpem mi? Mi talem yu tru samting nao, long taem kokorako hemi no krae yet, bae trifala taem nao yu sei yu nating save long mi.”

Gudnius abaotem Jisas Kraes wea Jon hemi raetem 14:12

Mi talem yufala tru samting nao, man hu hemi biliv long mi, bae hemi duim tu olketa waka wea mi duim ya. An bae hemi duim olketa bikfala waka moa winim olketa waka blong mi ya, bikos bae mi go an stap wetem Dadi ya.

Gudnius abaotem Jisas Kraes wea Jon hemi raetem 16:20

Mi talem yufala tru samting nao, bae yufala sore an krae bikfala, bat olketa pipol long disfala wol bae olketa hapi nomoa. Bae yufala sore, bat bihaen, bae sore blong yufala hemi finis an bae yufala hapi moa.

Gudnius abaotem Jisas Kraes wea Jon hemi raetem 16:23

An long taem ya, bae yufala no askem mi moa abaotem enisamting. “Mi talem yufala tru samting nao, sapos yufala askem Dadi ya fo enisamting long nem blong mi, bae hemi givim long yufala.

Gudnius abaotem Jisas Kraes wea Jon hemi raetem 21:18

Mi talem yu tru samting nao, taem yu yangfala man yet, yu seleva nao yu taengem strap raonem yu, an yu seleva nao yu save go long eni ples wea yu wande fo go long hem. Bat taem yu olo, bae yu givim go han blong yu long nara man, an bae hemi taengem yu an tekem yu go long ples wea yu no laek fo go long hem.”

Gudnius abaotem Jisas Kraes wea Jon hemi raetem 3:3

Nao Jisas hemi talem hem olsem, “Mi talem yu tru samting nao, sapos man hemi no bon moa long mektu taem, bae hemi no save faendem kingdom blong God.”

Gudnius abaotem Jisas Kraes wea Jon hemi raetem 3:5

Nao Jisas hemi sei long hem, “Mi talem yu tru samting nao, sapos man hemi no bon moa long wata an long Holi Spirit, hemi no save fo go insaet long kingdom blong God.

Gudnius abaotem Jisas Kraes wea Jon hemi raetem 5:19

Nao Jisas hemi tok olsem long olketa, “Mi talem yufala tru samting nao, San Blong God, hemi no save duim enisamting falom tingting blong hem seleva. Hemi save duim nomoa samting wea hemi lukim Dadi blong hem hemi duim. An wanem Dadi blong hem hemi duim, hem tu hemi duim.

Gudnius abaotem Jisas Kraes wea Jon hemi raetem 5:27

An hemi givim paoa long San blong hem, mekem hem nao bae hemi save jajem evriwan, bikos hem nao disfala San Blong Man.

Gudnius abaotem Jisas Kraes wea Jon hemi raetem 6:26

Nao Jisas hemi ansarem olketa olsem, “Mi talem yufala tru samting nao, yufala lukaotem mi bikos yufala kaikai go-go yufala barava fulap long olketa bred nomoa ya. An i no bikos yufala savegud long mining blong olketa mirakol wea mi mekem ya.

Gudnius abaotem Jisas Kraes wea Jon hemi raetem 6:32

Nao Jisas hemi sei long olketa, “Mi talem yufala tru samting nao, disfala kaikai wea Dadi blong mi hemi givim long yufala, hem nao barava kaikai wea hemi kamdaon long heven, an hemi no diswan wea Mosis hemi bin givim ya.

Gudnius abaotem Jisas Kraes wea Jon hemi raetem 6:47

Mi talem yufala tru samting nao, man hu hemi biliv long mi, hemi garem tru laef wea hemi no save finis.

Gudnius abaotem Jisas Kraes wea Jon hemi raetem 6:53

So Jisas hemi tok olsem long olketa, “Mi talem yufala tru samting nao, sapos yufala no kaikaim bodi blong mi an yufala no dringim blad blong mi San Blong Man, bae yufala nating garem tru laef.

Gudnius abaotem Jisas Kraes wea Jon hemi raetem 8:34

Jisas hemi tok olsem long olketa moa, “Mi talem yufala tru samting nao, evriwan hu i falom rong wei, hemi barava slev blong disfala rong wei blong hem ya.

Gudnius abaotem Jisas Kraes wea Jon hemi raetem 8:51

Mi talem yufala tru samting nao, man hu hemi obeim tising blong mi, bae hemi nating save dae nao.”

Gudnius abaotem Jisas Kraes wea Jon hemi raetem 8:58

Bat Jisas hemi tok olsem, “Mi talem yufala tru samting nao, taem Ebraham hemi no bon yet, Mi nao Mi Stap Olowe.”

Aposol 10:11

Hemi lukim skae hemi open an wanfala samting olsem bikfala sitbed hemi ka-kamdaon long graon. Hemi luk olsem samwan i holem fofala kona blong hem an mekem hem fo kamdaon.

Aposol 7:56

So Stivin hemi tok olsem, “!Lisin fastaem, mi lukim heven hemi open an disfala San Blong Man hemi stanap long raetsaet blong God!”

2 Tesalonaeka 1:7

An fo yufala wea yufala barava safa tumas an fo mifala tu, bae God hemi finisim trabol blong yumi evriwan. Diswan bae hemi hapen long taem wea Jisas Masta blong yumi, bae hemi kamdaon from heven wetem olketa enjel blong hem hu i garem strongfala paoa.

2 Tesalonaeka 1:9

An panis wea God bae hemi givim olketa hemi barava nogud tumas an hemi no save finis. An Masta bae hemi torowem olketa from ples blong hem an from saen blong bikfala paoa blong hem long heven.

1 Timoti 3:16

An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

Jiud 1:14

Inok hemi mekseven man hu hemi bon kam long laen blong Adam, an hemi talemaot tru toktok abaotem olketa tu ya. Hemi sei, “Yufala lukim, Masta bae hemi kam wetem plande taosen long olketa holi enjel blong hem ya.

Revelesin 19:11

Den mi lukim moa heven hemi open, an mi lukim wanfala waet hos. An man hu hemi sidaon antap long hos ya, nem blong hem: “Kipim Promis an Tru Toktok.” Taem hemi jajem pipol an go long faet tu, wei blong hem hemi barava stret.

Revelesin 4:1

Bihaen long olketa samting ya, mi lukim moa wanfala doa long heven hemi open. Nao disfala toktok wea hemi tok kam long mi fastaem an hemi here olsem wanfala trampet, hemi talem mi olsem moa, “Yu kamap long hia, an bae mi som yu olketa samting wea bae olketa mas hapen.”