Jeremaea 9:25 - Pijin Bible

²⁵ Yawe hemi gohed fo tok olsem, “Bae taem hemi kolsap kam wea mi panisim evri pipol hu i kate nomoa long bodi:

Pijin Deuterocanon

²⁵ Yawe hemi gohed fo tok olsem, “Bae taem hemi kolsap kam wea mi panisim evri pipol hu i kate nomoa long bodi:

Jeremaea 9:25 Iomraidhean Croise

Jeremaea 25:23

an olketa pipol blong trifala taon long Dedan, an Tema, an Bus, an olketa pipol wea i katemsot hea long saet blong hed blong olketa,

Jeremaea 4:4

!Olketa blong Jiuda an Jerusalem! Olsem wea man hemi mekem kate long san blong hem, yufala tu mas katemaot evri pat long laef blong yufala wea hemi mekem yufala fo no kipim disfala agrimen yufala bin mekem wetem mi Yawe. Bat sapos yufala gohed nomoa fo sin, bae mi kros tumas long yufala, an disfala kros hemi bone olsem faea wea hemi laet bikfala an no eniwan save stopem.”

Jeremaea 49:32

Olketa kamel wetem olketa narafala animol blong olketa bae i blong yufala nao. Olketa ya hu i gohed fo katemsot hea long saet blong hed blong olketa, bae mi mekem bikfala trabol fo kam kasem olketa long evri saet blong olketa, mekem olketa ranawe go olobaot long evri ples.

Esikiel 28:10

Olketa blong narafala kantri nao bae i kilim yu dae nomoa olsem wanfala wael animol. Mi Lod Yawe nao mi tok.”

Esikiel 31:18

“King blong Ijip. Yu wetem pipol blong yu garem paoa, an no eniwan hemi strong olsem yufala. Yufala olsem disfala bik tri ya, an no eni tri long Iden hemi grou hae, o luknaes nomoa olsem yufala. Bat nomata olsem, bae yufala tu godaon nomoa long graon wetem olketa hu i dae olsem wael animol an olketa hu i dae long faet. Olketa semsamting wea hemi kasem Asiria, bae hemi kasem yufala tu. “Hem nao mesij blong mi Lod Yawe.”

Esikiel 44:7

Yufala gohed fo letem nomoa olketa man blong narafala kantri hu i no kate, an no obeim mi, fo go insaet long tambuples blong mi. Long disfala wei, yufala brekem finis spesol agrimen wea mi bin mekem wetem yufala, an yufala mekravis long Tambuhaos blong mi taem olketa tekem olketa gris an blad blong animol fo sakrifaesim kam long mi.

Levitikas 19:27

An sapos eniwan long yufala dae, yufala mas no katem hea blong yufala long saet blong hed blong yufala, an yufala mas no pulumaot hea long biad blong yufala, an yufala mas no tatuim skin blong yufala bikos man hemi dae, an yufala mas no katem bodi blong yufala fo som dat yufala i sore. Mi nao, mi Yawe.

Emos 3:2

Long evri pipol long wol, yufala nomoa mi bin siusim fo kamap olketa pipol blong mi. Bat bikos yufala sin tumas agensim mi, bae mi barava panisim yufala.?

Leta wea Pol hemi raetem go long sios long Rom 2:28

Sapos man hemi Jiu long nem nomoa, hemi no barava man blong Jiu nao. An wei fo kate, hemi no samting blong aotsaet long bodi nomoa.

Leta wea Pol hemi raetem go long sios long Rom 2:29

Barava man blong Jiu nao, hemi mas Jiu insaet long maen blong hem, an hemi minim haat blong man ya hemi sens. Diswan hemi no kamaot long Lo long Buk, bat Spirit blong God nao hemi duim diswan. An God nao hemi tokhae long man olsem, bat olketa pipol no tokhae long man ya.

1 Samuel 14:6

Oraet, Jonatan hemi tok olsem long yangfala soldia wetem hem, “Bae yumitufala gotru long narasaet fo kasem olketa hiden man wea i no kate. Maet Yawe hemi helpem yumi. An sapos hemi help, nomata yumitufala nomoa, o yumi plande, no enisamting save stopem Yawe fo mekem yumitufala winim faet ya.”

1 Samuel 17:26

Oraet, Deved hemi askem olketa soldia kolsap long hem olsem, “?Sapos wanfala man hemi kilim dae disfala soldia blong Filistia fo tekemaot sem from Israel, wanem nao bae hemi garem? Yumi olketa soldia long ami blong God hu hemi laef. Soldia ya hemi hiden man nomoa wea hemi no kate, hem no fit fo hemi toknogud long yumi.”