Jeremaea 9:22 - Pijin Bible

²² Yawe nao hemi tokstrong long mi fo talemaot mesij blong hem olsem, “Olketa bodi bae i stap olobaot long olketa open ples, olsem hip blong ravis nomoa. Bae olketa ya i stap olobaot, olsem pasel wit wea man hemi livim long gaden, an no eniwan hemi stap fo karim go.”

Pijin Deuterocanon

²² Yawe nao hemi tokstrong long mi fo talemaot mesij blong hem olsem, “Olketa bodi bae i stap olobaot long olketa open ples, olsem hip blong ravis nomoa. Bae olketa ya i stap olobaot, olsem pasel wit wea man hemi livim long gaden, an no eniwan hemi stap fo karim go.”

Jeremaea 9:22 Iomraidhean Croise

2 Kings 20:13

King Hesekaea hemi hapi tumas fo lukim olketa pipol ya, an hemi som olketa evri gudfala samting wea hemi garem. Hemi tekem olketa fo lukim olketa silva an gol blong hem, an olketa lif fo putum long kaikai mekem hemi smel gud, an olketa nambawan oel, an evri wepon blong hem. Olketa lukim evrisamting wea hemi stap long haos blong hem an lukim tu evrisamting wea hemi stap insaet long kingdom blong hem.

2 Kings 20:15

An profet hemi askem hem moa olsem, “?Bat wanem nao olketa lukim insaet long haos blong yu?” King hemi tok olsem, “Evrisamting nao. No enisamting nao hemi stap wea mi no som long olketa yet.”

2 Kings 9:37

Bae bodi blong hem hemi stap olobaot long graon olsem ravis nomoa, mekem pipol no luksave long bodi blong Jesebel.’ ”

Stori abaotem Job 5:13

Hemi mekem olketa trik blong pipol hu i tingse i save, fo spoelem olketa seleva. An hemi spoelem olketa ravis plan blong olketa ya.

Sams 49:7

No eniwan save peimbaek laef blong hem seleva fo hemi no dae. Man no save peim laef blong hem long God fo hemi laef olowe, bikos praes long laef blong man hemi barava hae tumas. Evrisamting wea man save givim, hemi nating naf fo laef blong hem seleva.

Sams 83:10

Yu bin kilim dae tufala ya long taon long Endoa, an bodi blong tufala hemi roten long ples ya nao.

Provebs 18:11

Seleni blong risman hemi olsem wolston blong taon, risman hemi tingse hem barava sef long hem.

Provebs 23:4

Nogud yu hadwaka tumas fo kamap risman. Sapos yu waes bae yu no save waka olsem.

Aesaea 5:25

Yufala nao olketa pipol blong Yawe, bat bikos yufala mekem hem kros tumas, bae hemi kilim yufala dae. Bae hemi mekem olketa maonten fo seksek an plande pipol nao i dae wea bodi blong olketa i stap olobaot nomoa falom olketa rod olsem ravis. Bat nomata Yawe hemi panisim olketa olsem, hemi gohed fo kros nomoa long olketa. An bae hemi redi fo panisim olketa moa.

Jeremaea 16:4

“Samfala ya bae olketa dae long bikfala sik, an bae no eniwan hemi sore an krae fo olketa. Bae no eniwan hemi berem olketa bodi ya, an bae olketa i olsem ravis wea hemi stap nomoa long graon. An bae samfala long olketa ya i dae long taem blong faet an long taem blong hanggre, an bae olketa bed wetem olketa wael animol i kaikaim nao olketa bodi ya.”

Jeremaea 25:33

Long datfala taem, olketa bodi blong olketa wea Yawe hemi kilim dae, bae i stap olobaot long evri ples long wol. Bae no eniwan hemi sore an krae fo olketa. Bae no eniwan hemi hipimap olketa bodi ya fo berem, an bae olketa bodi ya i olsem ravis wea hemi stap nomoa long graon.

Jeremaea 6:21

Dastawe nao Yawe hemi tok olsem, “Bae mi putum bikfala samting long rod blong olketa fo stopem olketa. Bae olketa dadi wetem olketa pikinini evriwan i bangam lek long hem an foldaon, an olketa wantok an olketa fren, bae olketa evriwan i dae.”

Jeremaea 7:33

Den olketa bodi wea i no save berem, bae olketa bed wetem olketa wael animol i kaikaim, an bae no eniwan hemi stap fo ronem olketa.

Jeremaea 8:2

Bae olketa bon ya i stap olobaot nomoa antap long graon andanit long san, an long mun, an long olketa sta wea olketa pipol ya i aftarem, an lavem tumas, an mekem wosip long olketa. Bae no eniwan hemi hipimap olketa bon ya fo berem, an bae olketa i olsem ravis wea hemi stap nomoa long graon.

Habakuk 1:11

Taem olketa go pas, olketa spoelem evrisamting olsem saekloun. Olketa pipol ya i nogud tumas, bikos olketa trastem nomoa paoa blong olketa seleva, olsem hem nao god blong olketa.?

Sefenaea 1:17

Yawe hemi tok olsem, ?Bikos olketa sin agensim mi Yawe, bae mi mekem bikfala trabol fo kasem olketa pipol, an trabol ya bae hemi mekem olketa evriwan fo wakabaot olsem blaen pipol. Blad blong olketa bae hemi kamaot olsem wata nating. An bele blong olketa bae hemi kamaot olsem ravis samting nomoa.?

Diutronomi 8:17

“So yufala mas lukaot, nogud yufala tingse strong blong yufala nomoa hemi mekem yufala kamap olsem risman.