Jeremaea 8:18 - Pijin Bible

¹⁸ !Ooo, mi filsore tumas! Tingting blong mi hemi wikdaon fogud.

Pijin Deuterocanon

¹⁸ !Ooo, mi filsore tumas! Tingting blong mi hemi wikdaon fogud.

Jeremaea 8:18 Iomraidhean Croise

Sams 143:7

!Lod Yawe, plis yu ansarem mi distaem! Mi kolsap fo barava givap nao. Plis yu no lusim mi, nogud nao mi dae.

Aesaea 22:4

Hem nao mi singaot olsem, “!Yufala letem mi stap seleva! Yufala no trae fo strongim tingting blong mi. Yufala letem mi krae bikfala from disfala wei wea olketa enemi i spoelem olketa pipol blong mi.”

Jeremaea 23:9

(Profet) Ooo. Taem mi tingabaotem olketa profet, mi filim bikfala sore insaet long haat blong mi. Yawe an tambu toktok blong hem, hemi mekem wea evri bon blong mi hemi seksek, an hemi olsem mi fuldrang long waen an no save stanap.

Jeremaea 4:19

(Profet) !Ei! !Mi barava sore tumas! Haat blong mi hemi pampam fogud an bele blong mi hemi filnogud tumas. Mi kanduit stap kuaet nao, bikos mi herem bikfala noes blong olketa trampet, an mi herem olketa enemi singaot taem olketa kam fo mekem faet.

Jeremaea 6:24

“Bae yufala tok olsem, ‘Yumi herem nius abaotem olketa, an yumi kamap wik long fraet. Bikfala trabol hemi kasem yumi finis. Distaem yumi filnogud tumas, olsem woman taem hemi bonem pikinini blong hem.

Jeremaea 9:1

Hemi moabeta sapos hed blong mi hemi olsem wanfala wel wea hemi fulap long wata, an hemi moabeta sapos ae blong mi hemi olsem wanfala springwata. Den oltaem long de an long naet, mi save krae fo olketa pipol blong mi, wea olketa enemi kilim olketa dae.

Lamentesin 5:17

From panis ya mifala filnogud tumas, an mifala gohed fo sore an krae go-go mifala no save lukluk nao.

Habakuk 3:16

Taem mi herem evrisamting ya, mi fraet fogud. Bodi blong mi hemi seksek fogud, an lek blong mi hemi wik tumas, an mi no save wakabaot stret nao. Bat bae mi gohed fo stap kuaet, an weit nomoa fo datfala taem wea bae God hemi panisim olketa hu i kam fo faet agensim yumi.