Jeremaea 6:4 - Pijin Bible

⁴ Bae olketa tok olsem, ‘!Kam, yumi mekredi fo faet! Hemi gud fo yumi go fo faet long delaet. !Bat maekrangge! San hemi stat fo godaon finis, an sado blong ivining hemi stat fo kamap.

Pijin Deuterocanon

⁴ Bae olketa tok olsem, ‘!Kam, yumi mekredi fo faet! Hemi gud fo yumi go fo faet long delaet. !Bat maekrangge! San hemi stat fo godaon finis, an sado blong ivining hemi stat fo kamap.

Jeremaea 6:4 Iomraidhean Croise

Stori abaotem Job 7:2

Laef ya hemi olsem wanfala slev wea hemi taet tumas an hemi laek fo go res long sado wea hemi kol. Ya, laef hemi olsem wakaman wea hemi gohed weit fo tekem pei blong hem.

Nambawan Singsing 2:17

Daling blong mi, taem kol win long moning hemi blou kam an delaet hemi jes stat fo kamap, yu mas go kuiktaem olsem animol ya gasele, an spid go olsem yangfala dia long olketa maonten an olketa vali.

Jeremaea 15:8

Bae mi mekem plande woman moa fo kamap wido, mekem namba blong olketa ya i winim nao sanbis long solwata. Long midol long de, bae mi sendem olketa enemi fo spoelem olketa yangman blong yufala, an seknomoa olketa mami blong olketa i sore tumas an fraet fogud.

Jeremaea 15:9

Woman hu bin garem sevenfala pikinini, bae hemi kamap wik go-go hemi no save tekwin. Hemi olsem san long skae hemi godaon long midol long de. Bae woman ya hemi filsem tumas bikos hemi no garem eni pikinini moa. An eniwan long yufala wea hemi stap laef yet, bae mi letem olketa enemi kam fo kilim dae.” Hem nao mesij blong Yawe.

Jeremaea 5:10

“!Goap long olketa plantesin long grep tri blong olketa pipol ya, an spoelem olketa! Bat no spoelem olketa finis. !Katemaot evri branis blong olketa grep tri ya, bikos olketa pipol ya no blong mi Yawe!

Jeremaea 6:23

Olketa redim finis olketa bou an olketa spia, an olketa i raf tumas an no garem sore long eniwan. Taem olketa resis kam long olketa hos blong olketa, noes blong olketa i olsem noes blong bikfala solwata wea hemi gohed fo brek long rif. !O Jerusalem! Distaem olketa kam nao fo faetem yufala.

Jeremaea 8:20

Olketa pipol kraeaot moa olsem, “Taem fo tekemaot kaikai long gaden hemi gopas, an taem fo tekemaot frut long tri hemi finis, bat yumi no garem enisamting, an Yawe hemi no sevem yumi.”

Joel 3:9

(Profet) !Yufala long evri kantri! !Redim yufala seleva fo faet! Kolem evri soldia blong yufala fo kam tugeta an redi fo faet.

Obadaea 1:1

Olketa toktok ya, hemi profesi wea Yawe hemi talem long Profet Obadaea. (Profet) Yawe hemi sendem wanfala man fo tekem mesij blong hem go long olketa kantri, an yumi herem finis toktok blong hem. Hemi tok olsem long olketa, “Distaem yufala mas redim yufala seleva, mekem yumi go fo faetem olketa pipol blong Idom.” Yawe hu hemi Masta hemi tok olsem long olketa pipol blong Idom,

Maeka 3:5

!Yufala laea profet! Yufala gohed fo laea long olketa pipol blong yumi, an yufala gohed fo mekem olketa evriwan fo gorong. Taem eniwan hemi peim yufala, yufala promis olsem wea bae hemi garem piis. Bat taem eniwan hemi no peim yufala, yufala tok olsem bae no longtaem enemi hemi kam fo faetem olketa. Nao from samting ya, Yawe hemi tok olsem long yufala,

Sefenaea 2:4

?Taon long Gasa bae hemi emti, an no eniwan bae stap long taon long Askelon. An pipol blong taon long Asdod, olketa bae ranawe long midol long de. An pipol blong taon long Ekron bae olketa lusim taon ya tu.