Jeremaea 52:18 - Pijin Bible

¹⁸ Olketa tekem tu olketa baket fo holem asis, an olketa smolfala savol, an olketa samting fo kilim dae faea long lam, an olketa besin, an olketa plet, wetem evri narafala samting wea olketa bin wakem long bras fo yusim long Tambuhaos.

Pijin Deuterocanon

¹⁸ Olketa tekem tu olketa baket fo holem asis, an olketa smolfala savol, an olketa samting fo kilim dae faea long lam, an olketa besin, an olketa plet, wetem evri narafala samting wea olketa bin wakem long bras fo yusim long Tambuhaos.

Jeremaea 52:18 Iomraidhean Croise

1 Kings 7:40

An Huram hemi wakem finis tu olketa dis, an olketa savol, an olketa besin. So hemi finisim evri waka wea King Solomon hemi kolem hem fo kam duim long Tambuhaos blong Yawe.

1 Kings 7:45

Olketa baket fo holem asis, an olketa savol, an olketa besin. Hem nao evrisamting blong Tambuhaos wea Huram hemi wakem long bras fo King Solomon.

1 Kings 7:50

an olketa dis, an olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa hins blong tufala doa blong Barava Tambu Rum, an blong tufala doa blong bikfala rum blong Tambuhaos.

1 Kronikols 28:17

An hem nao haomas nambawan gol fo wakem olketa fok, an olketa smolfala baol, an olketa kontena. An hem nao haomas gol an silva fo wakem olketa plet.

2 Kronikols 4:11

An olketa wakem finis tu olketa baket fo holem asis, an olketa savol, an olketa besin. So Huram hemi finisim evri waka wea King Solomon hemi kolem hem kam fo duim long Tambuhaos blong God.

2 Kronikols 4:16

Olketa baket fo holem asis, an olketa savol, an olketa fok blong mit. Hem nao evrisamting blong Tambuhaos wea Huram hemi wakem long bras fo King Solomon.

2 Kronikols 4:22

An olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa gol wea i kavarem tufala doa blong Barava Tambu Rum, an tufala doa blong bikfala rum blong Tambuhaos.

Esra 1:10

an 30 gol baol, an 410 silva baol wea i semkaen olsem olketa gol baol, an 1,000 narafala samting.

Eksodas 25:29

An yu mas wakem evrisamting fo yusim long tebol ya long barava nambawan gol. Hem nao olketa plet an besin, wetem olketa kap an botol wea bae yu yusim fo putum waen wea yu ofarem kam long mi.

Eksodas 25:38

Yu mas mekem olketa sisis fo holem faea an olketa plet long nambawan gol.

Eksodas 27:3

Yu mas wakem olketa baket fo holem asis. An yu mas wakem olketa smolfala savol, an olketa besin, an olketa fok, an olketa baket fo karim hot sakol o asis blong faea wea hemi laet yet. Yu mas wakem evrisamting ya long bras.

Eksodas 37:16

Olketa wakem evrisamting fo yusim long tebol ya, long barava nambawan gol. Hem nao olketa plet an besin, wetem olketa kap an botol fo putum waen wea olketa ofarem kam long Yawe.

Eksodas 37:23

Olketa mekem sevenfala oel lam fo disfala Spesol Frem, an olketa sisis fo holem faea, an olketa plet long barava nambawan gol.

Eksodas 38:3

Olketa wakem olketa baket fo holem asis. An olketa wakem olketa smolfala savol, an olketa besin, an olketa fok an olketa baket fo karim hot sakol o asis blong faea wea hemi laet yet. Evrisamting ya, olketa wakem long bras.

Nambas 4:14

Oraet, trifala mas putum evrisamting wea olketa yusim fo waka long disfala olta antap long hem. Hem nao olketa tul fo mekem faea, an olketa huk, an savol, an besin. Nao trifala mas tekem wanfala skin blong jiukong an kavaremap disfala olta moa. An bihaen, trifala mas putumbaek tufala spesol stik fo karim disfala olta.

Nambas 4:7

“An trifala mas tekem narafala blu kaleko, an kavaremap Tebol fo Tambu Bred. Nao trifala mas tekem olketa plet an besin, an olketa kap, an olketa botol waen, an trifala mas putum long Tebol, antap long datfala blu kaleko. An Tambu Bred hemi mas stap long disfala Tebol olowe.