Jeremaea 52:12 - Pijin Bible

¹² Long meknaentin yia wea king Nebukadnesa hemi king long Babilonia, long mekfaev mans, an long mekten de blong hem, Nebusaradan hu hemi komanda long spesol ami blong king, hemi kasem Jerusalem.

Pijin Deuterocanon

¹² Long meknaentin yia wea king Nebukadnesa hemi king long Babilonia, long mekfaev mans, an long mekten de blong hem, Nebusaradan hu hemi komanda long spesol ami blong king, hemi kasem Jerusalem.

Jeremaea 52:12 Iomraidhean Croise

Jenesis 37:36

Bat long taem ya, olketa man blong Midian, olketa tekem Josef go long Ijip, an salem hem moa fo hemi kamap slev blong wanfala bikman blong king blong kantri ya. Bikman ya, nem blong hem nao Potifa, an hemi komanda blong olketa gad long haos blong king.

2 Kings 24:12

Den King Jehoeakin wetem mami blong hem, an olketa wakaman blong hem, an olketa komanda blong hem, an olketa bikman blong hem i sarenda long king ya. Long mekeit yia wea King Nebukadnesa hemi king long Babilonia, hemi tekem King Jehoeakin an putum hem long prisin.

2 Kings 25:8

Long meknaentin yia wea King Nebukadnesa hemi king long Babilonia, long mekfaev mans, long mekten de blong hem, Nebusaradan hu hemi komanda long spesol ami blong king, hemi kasem Jerusalem.

Esra 5:12

Bat bikos olketa grani blong mifala bifoa i mekem God ya blong heven hemi kros, hemi letem King Nebukadnesa blong Babilonia, hu hemi man blong Kaldia nao, fo winim mifala an tekova long lan blong mifala. Hemi brekemdaon Tambuhaos ya finis, an hemi fosim olketa olo blong mifala fo lusim lan, an fo go stap long Babilonia.

Nehemaea 2:3

bat mi tok olsem long hem, “!O king, yu nao king olowe! Mi filsore fogud bikos mi herem dat homtaon blong mi wea beregraon blong famili blong mi hemi stap long hem, hemi kamap nogud finis, an olketa geit blong bikfala wolston ya, i bone finis long faea.”

Sams 79:1

God, olketa hiden pipol i faetem mifala an kam insaet finis fo tekova long lan ya wea yu bin givim long mifala. Ya, olketa spoelem finis Tambuhaos blong yu, an olketa brekemdaon finis taon ya long Jerusalem.

Jeremaea 1:3

an hemi gohed long taem blong King Jehoeakim, san blong Josaea, hemi rul, go-go kasem en long mekleven yia long taem King Sedekaea hu hemi narafala san blong Josaea hemi king. Long mekfaev mans long disfala las yia blong King Sedekaea, ami blong Babilon i fosim olketa pipol blong Jerusalem fo lusim lan blong olketa an go fo stap long narafala kantri.

Jeremaea 32:29

Bae olketa enemi blong Babilonia i barava bonem disfala taon wetem evrisamting wea hemi stap long hem. Olketa pipol long taon bin mekem mi kros tumas long wei wea olketa bin wakem olta long ruf blong olketa haos fo bonem insens long god Baal, an fo kapsaetem waen fo givim go long olketa narafala god. So olketa blong Babilonia ya bae i bonem evri haos olsem.

Jeremaea 39:11

King Nebukadnesa hemi tok long sif long spesol ami blong hem, Nebusaradan, mekem hemi go tok long olketa bikman blong hem. Hemi tok olsem,

Jeremaea 39:9

An Nebusaradan hu hemi sif long spesol ami blong bikfala king blong Babilonia, hemi tekem olketa hu i stap yet insaet long taon, wetem olketa hu bin ranawe from taon fo go joenem olketa blong Babilonia long aotsaet, nao hemi fosim olketa evriwan fo lusim lan blong olketa an go stap long Babilonia.

Jeremaea 52:14

Olketa soldia blong hem i go brekemdaon bikfala wolston raonem taon.

Jeremaea 52:29

Long mekeitin yia blong hem, 832 pipol from Jerusalem i go.

Daniel 1:1

Long mektri yia wea Jehoeakim hemi king long Jiuda, King Nebukadnesa blong Babilonia hemi kam wetem olketa soldia blong hem an hipap raonem taon long Jerusalem fo faetem olketa.

Daniel 2:14

Ariok nao hemi bos long olketa gad blong king, an hem tu bae hemi kilim dae olketa man ya. Daniel hemi tingting gudfala abaotem watkaen toktok nao bae hemi talem long Ariok. Oraet, Daniel hemi go lukim hem,

Sekaraea 8:19

Hemi tok olsem, ?Olketa pipol blong Jiuda. Evri yia long mekfoa mans, an long mekfaev mans, an long mekseven mans, an long mekten mans, yufala bin mekem bikde wea yufala stop fo no kaikai. Bat distaem, olketa mans ya bae i kamap mans fo mekem fist, mekem yufala i hapi. Yufala mas laekem tumas tru toktok an stap gudfala tugeta long piis.