Jeremaea 51:64 - Pijin Bible

⁶⁴ Den yu talemaot olsem, ‘Long wei ya nao, bae Babilonia wetem olketa pipol blong hem i singdaon olsem buk ya, an bae i no save kamap moa, bikos bae mi mekem bikfala trabol fo kam kasem olketa.’” Hem nao en long olketa mesij blong Profet Jeremaea.

Pijin Deuterocanon

⁶⁴ Den yu talemaot olsem, ‘Long wei ya nao, bae Babilonia wetem olketa pipol blong hem i singdaon olsem buk ya, an bae i no save kamap moa, bikos bae mi mekem bikfala trabol fo kam kasem olketa.’” Hem nao en long olketa mesij blong Profet Jeremaea.

Jeremaea 51:64 Iomraidhean Croise

Stori abaotem Job 31:40

oraet, letem olketa nilagras an olketa ravis tri nomoa i grou long gaden ya. Olketa toktok blong Job hemi finis nao.

Sams 72:20

Hem nao en blong olketa prea blong King Deved, pikinini blong Jese.

Sams 76:12

Hemi daonem tingting blong olketa bikman hu i praod tumas. Ya, hemi mekem olketa king fo fraetem hem. (Singsing blong Asaf. Hemi wakem fo Jedutun hu hemi lida blong kuaea.)

Aesaea 47:13

Nomata yu falom advaes blong olketa waes man hu i stadim olketa sta, an makem olketa niu samting long skae, an evri mans nomoa, olketa trae fo talemaot olketa samting wea bae hemi hapen. Nomata olsem, yu no garem eni paoa nao. Olketa ya tu i no save kam an sevem yu.

Jeremaea 13:4

“Yu tekem lavalava ya go long Para, an haedem long wanfala hol long ston kolsap long riva ya.”

Jeremaea 19:10

“Oraet. Jeremaea, taem yu talemaot finis disfala mesij an olketa pipol ya i gohed fo lukim yu, torowem go disfala pot long graon fo brekem long pisis.

Jeremaea 25:27

Yawe hemi tok moa long mi olsem, “Talem olketa olsem: Yawe hu hemi garem evri paoa an hu hemi God blong Israel, hemi tok olsem, ‘Olketa. Yufala mas dring long disfala kap go-go yufala i fuldrang, an yufala toraot, an yufala foldaon wea yufala no save stanap moa. Olketa samting mas hapen olsem, bikos mi bae mi sendem kam bikfala faet ya long yufala.’

Jeremaea 51:42

Bae hemi olsem bikfala solwata hemi kavarem hem, an rafsi hemi gohed fo brek antap long hem.

Jeremaea 51:58

Yawe hu hemi garem evri paoa, hemi gohed fo tok olsem, “Bikfala wolston blong taon, wea hemi strongfala tumas, bae mi brekem hem finis, mekem hemi foldaon. An olketa tolfala geit blong hem, bae mi bonem long faea. Olketa pipol blong evri kantri wea yufala winim, i bin wakahad tumas go-go olketa wik fogud, bat olketa no winim nomoa enisamting fo olketa seleva. Bat evrisamting wea olketa bin bildim fo Babilonia, bae hemi barava bone long faea.”

Jeremaea 9:5

Oltaem olketa gohed fo laea long olketa fren blong olketa, an no eniwan save talem tru toktok. Maos blong olketa i fulap long olketa laea toktok nomoa, an olketa gohed fo sin go-go kasem wea olketa wikdaon.

Esikiel 28:19

Olketa pipol hu i save long yu i barava fraet tumas an seke fogud. Yu barava lus finis nao, an yu kanduit gudbaek moa.”

Habakuk 2:13

Olketa pipol blong evri kantri wea yufala winim, i bin wakahad tumas go-go olketa wik fogud, bat olketa nating winim nomoa enisamting fo olketa seleva. Bat evrisamting wea olketa bin bildim, bae hemi barava bone long faea. !Yawe nao hemi mekem disfala samting fo hapen!

Revelesin 14:8

Nao mi lukim moa mektu enjel wea hemi kam bihaen long fas enjel ya, an hemi tok olsem, “Bikfala taon Babilon ya wea hemi garem paoa, hemi foldaon nao. !Hemi foldaon finis! Olketa pipol long evri kantri long wol olketa bin kamap olsem drang bikos olketa falom disfala nogud wei blong hem fo durong wetem eniwan.”

Revelesin 18:2

Hemi singaot bikfala olsem, “Biktaon long Babilon wea hemi garem paoa tumas, hemi foldaon finis. Hemi barava nogud nao, an distaem hemi kamap ples blong olketa devol. Hemi ples blong olketa ravis devol an olketa ravis bed wea i nogud tumas.

Revelesin 18:21

Den wanfala maeti enjel hemi tekem wanfala bikfala ston an hemi torowem godaon long si, an hemi sei, “Babilon, yu biktaon, long diskaen wei tu, bae olketa torowem yu godaon, mekem yu lus olowe nao.