Jeremaea 51:43 - Pijin Bible

⁴³ Olketa taon blong hem bae i kamap nogud tumas, olsem drae eria wea hemi no garem wata long hem, an wea no eniwan save stap long hem, an no eniwan laek fo gotru long hem.

Pijin Deuterocanon

⁴³ Olketa taon blong hem bae i kamap nogud tumas, olsem drae eria wea hemi no garem wata long hem, an wea no eniwan save stap long hem, an no eniwan laek fo gotru long hem.

Jeremaea 51:43 Iomraidhean Croise

Sams 46:8

Yufala kam an lukim olketa samting wea Yawe hemi duim finis. An yufala lukim olketa bikfala samting wea yumi save fraetem wea hemi mekem kamap long wol.

Aesaea 13:20

Bae no eniwan hemi stap moa long ples ya. Nomata olketa blong Arab i nating save putumap haostent long dea nao. An bae olketa pipol fo lukaftarem sipsip i no save tekem moa olketa sipsip blong olketa long dea.

Aesaea 34:13

Olketa nilagras an ropnila nomoa bae hemi grou insaet long haos blong king an insaet long olketa strongfala sefples. Olketa wael dog an olketa aol nomoa bae i kam fo stap insaet long olketa taon ya.

Aesaea 47:11

Bat bikfala trabol bae hemi kasem yu, an olketa majik blong yu ya no save stopem. Wantaem nomoa, bae wanfala barava nogud samting hemi kasem yu, an yu no save peim kaon blong yu. Disfala samting ya, bae hemi barava nogud tumas, winim evri nogud samting wea hemi kasem yu long laef blong yu.

Jeremaea 18:16

Bae lan blong olketa hemi kamap nogud tumas, an evri pipol hu i lukim bae olketa tokspoelem hem. Olketa hu i gotru long hem, bae i seke fogud an toknogud long olketa.

Jeremaea 2:6

Olketa bin save dat mi nao tekem olketa aot from Ijip, an mi lidim olketa gotru long drae eria, wea sanbis nomoa hemi stap long hem an plande ston nomoa hemi fulap long hem. Ples ya hemi no garem eni wata long hem an hemi ples fo dae tu, wea no eniwan hemi wakabaot gotru long hem an no eniwan hemi stap long hem tu. An nomata mi sevem olketa olsem, olketa no save tingim mi nomoa. Olketa no lukaotem mi nomoa.

Jeremaea 50:12

Bat disfala lan, wea hemi olsem mami hu hemi bonem yufala, bae hemi barava sem fogud from yufala. Kantri blong yufala bae hemi lusim hae nem blong hem, an hemi wikdaon moa winim olketa narafala kantri. Bae hemi kamap drae eria wea no eniwan save stap long hem.

Jeremaea 51:29

Nomata olketa graon tu i seksek fogud, bikos plan blong Yawe agensim Babilon bae hemi mas kamap. Bae hemi kamap olsem drae eria, no eniwan save stap long hem moa.

Jeremaea 51:37

Bae mi spoelem taon long Babilon finis, mekem hemi kamap hip blong olketa ston nomoa, wea hemi ples blong olketa wael dog, an no eniwan save stap moa long hem. An olketa hu i gopas long hem, bae i seke fogud an toknogud long hem.

Jeremaea 51:62

Den bae yu prea, wea yu tok olsem, ‘O Yawe. Yu bin talem dat bae yu spoelem disfala ples, mekem hemi kamap nogud wea no eni man an no eni animol save stap long hem. An ples ya nao bae hemi no save gudbaek moa enitaem.’