Jeremaea 51:29 - Pijin Bible

²⁹ Nomata olketa graon tu i seksek fogud, bikos plan blong Yawe agensim Babilon bae hemi mas kamap. Bae hemi kamap olsem drae eria, no eniwan save stap long hem moa.

Pijin Deuterocanon

²⁹ Nomata olketa graon tu i seksek fogud, bikos plan blong Yawe agensim Babilon bae hemi mas kamap. Bae hemi kamap olsem drae eria, no eniwan save stap long hem moa.

Jeremaea 51:29 Iomraidhean Croise

Aesaea 14:16

“!King! Olketa hu i lukim wei wea God hemi daonem yu, bae i sek tumas bikos olketa ting olsem, ‘?Waswe, hem nao man hu hemi mekem wol ya fo seksek, an hemi mekem tu olketa narafala king fo fraet?

Aesaea 24:20

Wol ya bae hemi rol olobaot, olsem wanfala drang man wea hemi no save wakabaot stret. Wol ya bae hemi seksek olsem lif haos wea hemi seksek taem saekloun hemi kasem. Olketa sin blong olketa pipol long disfala wol hemi olsem wanfala hevi samting long baeksaet blong olketa. An bae hemi mekem olketa foldaon an no save getap moa.

Jeremaea 10:10

Bat yu Yawe, yu nomoa yu tru God. Yu God wea yu laef, an yu King wea yu stap fo evritaem olowe. Taem yu kros, evri ples long wol hemi seksek, an no eniwan long olketa narafala kantri hemi fitim fo stanap strong.

Jeremaea 50:13

Bikos mi barava kros tumas long yufala, bae biktaon blong yufala hemi kamap nogud fogud, wea no eniwan hemi save stap long hem. Olketa hu i gopas long Babilon, bae i seke fogud an toknogud long hem.

Jeremaea 50:36

“!Bae mi sendem naef fo faet agensim olketa laea profet blong olketa! Olketa kamap krangge nao. “!Bae mi sendem naef fo faet agensim olketa soldia blong olketa! Bae olketa fraet tumas.

Jeremaea 50:43

King blong yufala hemi herem nius abaotem olketa, an hemi kamap wik long fraet. Bikfala trabol hemi kasem hem finis. Distaem hemi filnogud tumas, olsem woman taem hemi bonem pikinini blong hem.

Jeremaea 50:45

(Profet) Olketa. !Lisin kam gudfala long plan wea Yawe hemi mekem agensim olketa long taon long Babilon, an olketa blong kantri long Babilonia! Olsem laeon hemi holem smolfala sipsip an karim go fo kaikaim, bae olketa enemi i kam pulumaot olketa pikinini blong Babilonia, an spoelem finis olketa ples blong olketa.

Jeremaea 50:46

Taem olketa enemi winim biktaon long Babilon, bae graon hemi seksek, an olketa kantri long wol ya save herem bikfala krae blong olketa.

Jeremaea 51:26

Olketa ston blong yu, no eniwan bae hemi save yusim moa fo wakem haos long hem. Bae yu kamap drae eria, an bae yu stap olsem olowe go-go hemi no save finis.” Hem nao mesij blong Yawe.

Jeremaea 51:28

Redim olketa kantri ya fo kam faet agensim hem. An sendem toktok tu go long olketa king blong Media, wetem olketa gavna an bikman blong olketa, an long olketa kantri wea olketa king ya olketa rul ovarem, mekem olketa evriwan i kam.

Jeremaea 51:37

Bae mi spoelem taon long Babilon finis, mekem hemi kamap hip blong olketa ston nomoa, wea hemi ples blong olketa wael dog, an no eniwan save stap moa long hem. An olketa hu i gopas long hem, bae i seke fogud an toknogud long hem.

Jeremaea 51:43

Olketa taon blong hem bae i kamap nogud tumas, olsem drae eria wea hemi no garem wata long hem, an wea no eniwan save stap long hem, an no eniwan laek fo gotru long hem.

Jeremaea 8:16

Olketa enemi blong yumi i kasem finis taon long Dan, an hemi olsem yumi save herem bikfala noes blong olketa hos fo faet blong olketa. Hemi olsem graon blong yumi hemi seksek from bikfala ami wea i raed kam long hos. Olketa enemi blong yumi i gohed fo kam nao long ples blong yumi, fo spoelem olketa graon blong yumi wetem evrisamting long hem, an fo spoelem bikfala taon blong yumi, wetem olketa pipol wea i stap long hem.”

Joel 2:10

Taem olketa grashopa ya i gohed fo muv kam, graon hemi seksek fogud, an skae tu hemi seksek. Ya, san an mun i kamap tudak an olketa sta i nating saen moa nao.

Emos 8:8

From diswan nao, bae mi sendem olketa enemi fo barava spoelem lan blong yufala, an yufala evriwan bae i sore an krae. Bae hemi olsem wanfala etkuek wea hemi sekem disfala kantri an graon bae hemi goap an daon, olsem Nael Riva taem hemi flad.?

Revelesin 18:2

Hemi singaot bikfala olsem, “Biktaon long Babilon wea hemi garem paoa tumas, hemi foldaon finis. Hemi barava nogud nao, an distaem hemi kamap ples blong olketa devol. Hemi ples blong olketa ravis devol an olketa ravis bed wea i nogud tumas.