Jeremaea 51:17 - Pijin Bible

¹⁷ Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea i wakem, i laea god nomoa. Olketa no garem laef long olketa.

Pijin Deuterocanon

¹⁷ Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea i wakem, i laea god nomoa. Olketa no garem laef long olketa.

Jeremaea 51:17 Iomraidhean Croise

Sams 115:5

Olketa god ya i garem maos, bat olketa nating save toktok. Olketa garem ae, bat olketa nating save lukluk.

Sams 115:8

Evriwan hu i mekem olketa kaving ya, an evriwan hu i trastem, letem olketa kamap olsem olketa kaving ya.

Sams 14:2

Yawe hemi stap long heven, an hemi gohed fo luk kamdaon long evri pipol, fo lukim kam sapos eniwan wea hemi waes, an eniwan wea hemi trastem hem.

Jeremaea 10:14

Evri pipol i krangge. Evri pipol no garem save. Olketa man fo wakem samting long gol, mas sem fogud, bikos olketa god wea olketa wakem, i laea god nomoa. Olketa no garem laef no.

Jeremaea 50:2

“!Olketa! !Go talemaot disfala nius long olketa kantri! !Yufala no tokhaed! !Yufala mas talemaot gud! Yufala putumap flag mekem pipol save dat olketa mas lisingud long nius ya wea bae hemi kam olsem, ‘!Babilon hemi foldaon finis! Paoa blong bikfala god blong olketa Merodak hemi brek finis, an hemi sem tumas. Ya, paoa blong olketa ravis kaving blong hem hemi finis, an sem nomoa hemi kam long hem.’