Jeremaea 50:9 - Pijin Bible

⁹ Bae mi mekem plande strongfala kantri long not fo joen tugeta fo kam faet agensim Babilonia. Bae olketa redim olketa fo faet, an taem olketa kamaot from not, bae i winim hem. Evri aro wea olketa sutim long bou, bae hemi olsem strongfala man fo faet hu hemi no save mistim nao.

Pijin Deuterocanon

⁹ Bae mi mekem plande strongfala kantri long not fo joen tugeta fo kam faet agensim Babilonia. Bae olketa redim olketa fo faet, an taem olketa kamaot from not, bae i winim hem. Evri aro wea olketa sutim long bou, bae hemi olsem strongfala man fo faet hu hemi no save mistim nao.

Jeremaea 50:9 Iomraidhean Croise

2 Samuel 1:22

Bifoa, bou blong Jonatan, hemi sutim go olketa aro fo kilim dae plande man. An bifoa, naef blong King Sol fo faet, hemi gohed fo daonem olketa nambawan soldia.

Nambawan Singsing 3:8

Olketa evriwan i save gud tumas long wei blong faet. Evriwan long olketa i hangem naef long saet, an olketa redi nao fo faet wetem eniwan hu i kam fo faetem olketa long naet.

Aesaea 21:2

Yawe hemi som wanfala spesol drim long mi. Long drim ya mi lukim dat olketa pipol i duim olketa barava nogud samting, olsem long wei wea olketa save laea long olketa seleva, an save trikim olketa seleva, an save spoelem olketa seleva. Nao mi herem Yawe hemi tok olsem, “!Olketa soldia blong Elam! !Yufala go fo faetem olketa blong Babilonia! !Olketa soldia blong Media! !Yufala go raonem olketa taon blong olketa mekem olketa no save kam aotsaet! Mi bae mi finisim wei wea olketa long Babilonia i duim long olketa narafala pipol fo mekem olketa sore an krae.”

Aesaea 41:25

“Mi bin siusim finis wanfala man long not, an hemi kam nao. Hemi stap kam long ist, an hemi kol kam long Holi Nem blong mi. Hemi save spoelem nomoa olketa king, olsem man hemi step long mad. An hemi olsem man fo wakem pot hemi gohed fo step long graon mekem hemi sof, bifoa hemi wakem pot long hem.

Jeremaea 15:14

Kros blong mi hemi olsem bikfala faea, an bae hemi gohed fo bonem yufala nogud. Bae mi letem olketa enemi ya fo tekem yufala go long lan wea yufala no save long hem, fo waka olsem slev.”

Jeremaea 25:14

Olketa pipol long disfala lan, bae pipol blong olketa narafala kantri wetem olketa bikfala king blong olketa i kam winim olketa an tekem olketa go fo waka olsem slev fo olketa. Bae mi duim olsem long olketa fo sensimbaek olketa ravis samting wea olketa bin gohed fo duim long olketa narafala pipol.” Hem nao mesij blong Yawe.

Jeremaea 25:26

an olketa king blong not, samfala wea i stap farawe, an samfala wea i stap kolsap. Olketa pipol blong evri kantri wea i stap long wol ya mas dring long disfala kap. An laswan nao fo dringim, hem nao disfala king blong Sesak.

Jeremaea 50:14

“!Yufala pipol fo sut long bou! Yufala mas go hipap raonem taon long Babilon. !Sut long evri aro blong yufala! Bikos olketa blong ples ya i gohed fo mekem sin agensim mi Yawe.

Jeremaea 50:21

Yawe hemi gohed fo tok olsem, “!Olketa enemi blong Babilonia! !Yufala go faet agensim olketa pipol long distrik long Merataem, an long ples long Pekod! !Ronem olketa an kilim olketa evriwan dae! Bae yufala mas duim evrisamting wea mi talem long yufala.

Jeremaea 50:26

“Olketa enemi blong Babilonia. Yufala mas kam fo faet from evri saet. Brekemdaon evri haos an wolston, an hipimap olketa ston ya, olsem man hemi hipimap olketa sid blong wit taem hemi openem stoarum blong wit. Spoelem olketa finis mekem no eniwan hemi stap laef.

Jeremaea 50:29

Yawe hemi tok moa olsem, “Olketa enemi blong Babilonia. Kolem kam olketa man fo sut long bou, fo go faet agensim Babilon. Yufala mas hipap raonem taon ya, mekem olketa blong hem fo no save ranawe. Yufala mas sensimbaek olketa samting wea olketa bin mekem. Ya, yufala mas mekem olketa safa, barava olsem olketa bin mekem olketa narafala pipol fo safa, bikos olketa bin bikhed agensim mi Yawe, hu mi Holi God blong Israel.

Jeremaea 50:3

“Olketa ami bae i kamaot long not fo faet agensim Babilonia. Bae olketa spoelem lan blong olketa finis, mekem hemi kamap olsem drae eria nomoa wea no eniwan save stap long hem. Bae olketa pipol an olketa animol evriwan i ranawe.”

Jeremaea 51:11

(Profet) Yawe hemi mekem olketa king blong Media fo go mekem faet agensim Babilon, bikos Yawe hemi mekem plan finis fo spoelem hem. Bae Yawe hemi sensimbaek olketa nogud samting wea olketa blong Babilonia bin duim long Tambuhaos blong hem. Olketa komanda blong ami ya i tok olsem, “!Redim aro! !Redim sil!