Jeremaea 5:8 - Pijin Bible

⁸ Yufala gohed fo aftarem waef blong wantok. Yufala i olsem nomoa olketa strongfala man hos taem olketa lukim mere hos.

Pijin Deuterocanon

⁸ Yufala gohed fo aftarem waef blong wantok. Yufala i olsem nomoa olketa strongfala man hos taem olketa lukim mere hos.

Jeremaea 5:8 Iomraidhean Croise

Stori abaotem Job 31:9

Sapos mi aftarem waef blong wanfala man, nao mi krip go long hem,

Eksodas 20:14

“Yufala mas no brekem lo blong marit.

Eksodas 20:17

“Yufala mas no kavetem olketa samting blong wantok blong yufala, fo tekem fo yufala seleva. Yufala mas no kavetem waef blong hem, o slev blong hem, o buluka blong hem, o dongki blong hem, o olketa narafala samting wea hemi garem.”

Provebs 6:29

Yu save, man hemi durong wetem waef blong nara man, bikfala panis nao bae kasem hem.

Jeremaea 23:10

Disfala lan hemi fulap long olketa hu i no save tinghevi long Yawe, olsem man hu hemi brekem lo blong marit. Yawe hemi mekem trabol fo kam long lan, mekem no enisamting save grou nao. Olketa ples wea hemi bin garem gras long hem, hemi barava drae. Olketa profet ya i falom ravis wei nomoa, an olketa gohed fo yusim paoa blong olketa long wei wea hemi no stret.

Jeremaea 29:23

Panis blong tufala ya hemi fitim, bikos tufala gohed fo duim olketa ravis samting wea hemi barava nogud tumas. Tufala gohed fo brekem lo blong marit wetem waef blong olketa wantok, an tufala gohed fo talemaot laea toktok long nem blong mi, wea mi no talem long tufala nomoa. Mi save finis long olketa ravis samting wea tufala gohed fo duim, an mi seleva nao mi witnes agensim tufala ya.” Hem nao mesij blong Yawe.

Jeremaea 50:11

Yawe hemi gohed fo tok olsem, “Olketa blong Babilonia. Bifoa, taem yufala winim pipol blong mi, an tekemaot evri gudfala samting blong olketa, yufala hapi tumas olsem yangfala mere buluka wea hemi jam olobaot fo hapi taem hemi step long hed blong wit fo klinimaot olketa sid blong wit ya. Ya, yufala bin gohed fo laf olsem strongfala man hos wea hemi singaot fo hapi.

Jeremaea 9:2

Hemi moabeta sapos mi garem ples long drae eria wea mi save stap. Den mi save ranawe from olketa pipol blong mi, bikos no eniwan long olketa save stap tru long Yawe. Olketa ya i olsem pipol hu gohed olowe fo brekem lo blong marit.

Esikiel 22:11

An samfala i gohed fo durong wetem waef blong wantok, an samfala i gohed fo durong wetem dota inlo blong olketa, o sista blong olketa, nomata sista ya hemi barava dota blong dadi blong olketa.

Diutronomi 5:18

‘Yufala mas no brekem lo blong marit.

Diutronomi 5:21

‘Yufala mas no kavetem olketa samting blong wantok blong yufala fo tekem fo yufala seleva. Yufala mas no kavetem waef blong hem, o haos blong hem, o lan blong hem, o slev blong hem, o buluka blong hem, o dongki blong hem, o eni narafala samting wea hemi garem.’”