Jeremaea 5:3 - Pijin Bible

³ (Profet) O Yawe. Hemi tru nao wea yu laekem tumas olketa pipol hu i save tok tru olowe. Nomata yu panisim olketa, bat olketa no save filim nao. Nomata yu spoelem olketa fo stretem wei blong olketa, bat olketa les fo lane from diswan. Olketa kamap bikhed moa, an olketa no laek fo tane from sin blong olketa.

Pijin Deuterocanon

³ (Profet) O Yawe. Hemi tru nao wea yu laekem tumas olketa pipol hu i save tok tru olowe. Nomata yu panisim olketa, bat olketa no save filim nao. Nomata yu spoelem olketa fo stretem wei blong olketa, bat olketa les fo lane from diswan. Olketa kamap bikhed moa, an olketa no laek fo tane from sin blong olketa.

Jeremaea 5:3 Iomraidhean Croise

Jenesis 19:34

Nao long neks de, fasbon gele ya hemi tok olsem long sista blong hem, “Lastnaet, mi slip wetem dadi blong yumitufala ya. Bae yumitufala mas mekem hemi drang moa tunaet, nao bae yu tu save slip wetem hem. Long wei ya nao, bae yumitufala save garem pikinini fo joenem laen blong hem.”

1 Kings 13:33

Nomata olketa samting ya hemi hapen, King Jeroboam hemi no sensim olketa ravis wei blong hem. Hemi gohed fo siusim enikaen man nomoa fo kamap prist long olketa tambuples. Hemi mektambu long eniwan wea i laek fo kamap prist blong olketa tambuples.

2 Kings 1:13

Den king hemi sendem mektri komanda wetem fifti soldia blong hem. Disfala komanda hemi go antap long maonten, an hemi nildaon kolsap long Elaeja, an hemi krae long hem olsem, “Man blong God. Plis yu tinghae long laef blong long mi an olketa soldia blong mi.

2 Kronikols 16:9

Yawe hemi gohed fo lukluk long evri ples long disfala wol, an hemi save strongim olketa pipol hu i tinghevi fo obeim hem. Yu krangge tumas fo duim samting ya, so bae olketa enemi i kam faet long kantri blong yu.”

2 Kronikols 28:22

Long taem King Ehas hemi garem bikfala trabol, hemi gohed nomoa fo mekem olketa sin agensim Yawe.

Sams 51:6

Bat yu laekem tumas fo man hemi barava toktru olowe. Plis yu fulumapem maen blong mi long waes blong yu.

Sams 51:8

Plis yu letem mi herem saon blong olketa wea i hapi an gohed fo singsing. Nomata yu bin daonem mi finis, plis yu mekem mi hapi moa.

Sams 55:20

Fren blong mi bifoa hemi brekem nomoa olketa promis blong hem, an hemi kam fo faet nomoa agensim mifala olketa fren blong hem.

Provebs 21:29

Ravis man hemi tok nating. Stretfala man hemi tingabaotem wanem hem duim.

Provebs 22:12

Yawe gadem tru toktok, bat hemi daonem laea toktok.

Provebs 23:35

An bae yu sei, “!Ating olketa kilim mi! Bat mi no garekil. Ating olketa faetem mi, bat mi no filim. Mi laek fo wekap, mekem mi spaka moa.”

Provebs 27:22

Nomata yu barava panisim krangge man tumas, yu no save aotem krangge wei blong hem.

Aesaea 26:11

!O Yawe! Yu liftimap finis han blong yu fo panisim olketa, bat olketa nating luksave nomoa. Plis yu som olketa disfala wei wea yu garem strongfala tingting fo pipol blong yu, mekem olketa wea i falom olketa nogud wei olsem i save sem. An yu mas bonem olketa long faea wea yu redim finis fo olketa enemi blong yu.

Aesaea 42:25

Hemi barava kros tumas long yumi. Dastawe nao hemi panisim yumi, an hemi mekem yumi fo safa tumas long taem blong faet. Kros blong hem fo yumi hemi bikfala tumas olsem wanfala bikfala faea wea hemi save bonem evri ples long Israel. Bat nomata olsem, yufala nating save nomoa long wanem hemi kasem yumi, an yumi nating minim nomoa enisamting long hem.

Aesaea 48:4

Mi save finis wea bae yufala bikhed fogud, an bae hemi had tumas fo sensim tingting blong yufala.

Aesaea 9:13

Bat nomata olsem, olketa les nomoa fo kambaek moa long hem. Ya, olketa nating falom nomoa wei blong Yawe hu hemi garem evri paoa.

Jeremaea 15:7

Long olketa taon blong yufala, bae mi aotem yufala, barava olsem man hemi torowem wit goap long win fo aotem skin from sid blong hem. Yufala pipol blong mi i olsem disfala yusles skin blong wit, an bae mi tekemaot evri gudfala samting blong yufala an spoelem yufala finis, bikos yufala no lusim olketa ravis wei blong yufala yet.

Jeremaea 17:23

Bat olketa grani ya i les fo lisin long olketa toktok blong mi. Olketa bikhed tumas an no laek fo obeim mi. An sapos mi panisim olketa fo tisim olketa fo obeim, olketa ya i les fo herem an gohed fo no obeim mi.

Jeremaea 19:15

“Yawe hu hemi garem evri paoa an hu hemi God blong Israel, hemi tok olsem, ‘!Olketa! Mi seleva nao bae mi mekem bikfala trabol fo kasem disfala taon an olketa vilij blong hem barava olsem wea mi talem, bikos yufala i bikhed tumas, an yufala les fo lisin long olketa toktok blong mi.’”

Jeremaea 2:30

Mi bin panisim yufala fo stretem wei blong yufala, bat yufala les fo sensim wei blong yufala. An yufala gohed nomoa fo kilim dae olketa profet blong mi, olsem laeon wea hemi hanggre tumas fo kaikai.

Jeremaea 3:3

Dastawe nao mi stopem ren fo hemi no foldaon kam long gaden blong yufala. Bat nomata olsem, yufala no save sem nao from juri wei blong yufala ya.

Jeremaea 32:19

Olketa plan blong yu i waes tumas, an yu gohed fo mekem plande bikfala samting long paoa blong yu. Oltaem, yu gohed fo lukim olketa wei blong pipol, an yu gohed fo sensimbaek long olketa fitim wanem olketa bin duim.

Jeremaea 35:13

an profet ya hemi tok olsem, “Olketa long laen blong Israel. Yawe hu hemi garem evri paoa an hu hemi God blong Israel, hemi tok long mi olsem: Jeremaea. Yu go long olketa pipol blong Jerusalem an olketa narafala pipol blong Jiuda an talemaot long olketa dat mi tok olsem: Olketa. Mi Yawe mi talem stret long yufala. Mifala laekem yufala fo lane hao fo obeim olketa toktok blong mi.

Jeremaea 44:10

Kam kasem tude, yufala blong Jiuda i bikhed tumas, an yufala no tinghae long mi, an yufala les fo obeim olketa lo wea mi givim long yufala, an long olketa grani blong yufala bifoa.’

Jeremaea 7:26

Bat yufala no lisin long olketa toktok blong mi. Yufala i bikhed tumas an gohed nomoa fo duim olketa ravis samting winim olketa grani blong yufala.

Jeremaea 7:28

Dastawe nao mi laekem yu fo tok olsem long olketa, ‘Hem ya nao disfala pipol hu i les fo obeim Yawe God blong olketa, o sensim ravis wei blong olketa taem hemi panisim olketa. No eniwan hemi kipim agrimen wea olketa bin mekem wetem mi. No eniwan hemi stap tru long mi. Ya, no eniwan trae nomoa fo duim.

Jeremaea 8:5

?Bat waswe nao yufala blong Jerusalem i lusim mi, nao yufala no laek fo taneraon an kambaek long mi moa? Yufala gohed fo bilivim evri laea blong yufala seleva, an yufala les fo kambaek long mi.

Esikiel 2:4

Olketa i bikhed tumas, an nating tinghae nomoa long mi. Taem yu talemaot toktok blong mi, yu mas talem olketa olsem, ‘Lod Yawe nao hemi tok olsem’ mekem yu save somaot toktok ya hemi barava blong mi.

Esikiel 24:13

“Olketa blong Jerusalem. Disfala doti insaet long sospen, hemi piksa long ravis wei blong yufala wea yufala gohed fo durong wetem narafala pipol. Hemi mekem yufala kamap no klin long ae blong mi. Mi trae fo mekem yufala klin, bat yufala nating laekem nomoa. Hem nao ravis wei blong yufala hemi semsem nomoa. Bae yufala no save kamap klin moa go-go kros blong mi long yufala hemi finis.

Daniel 9:13

Lod Yawe, yu nao yu God blong mifala. Yu bin panisim mifala barava olsem olketa Lo ya i talem, bat ka-kam kasem distaem, mifala nating trae fo mekem yu hapi nomoa. Mifala nating tanem nomoa tingting blong mifala from olketa sin blong mifala, an mifala no falom nomoa olketa trutoktok blong yu.

Levitikas 26:23

“Sapos olketa panis i no save mekem yufala fo sensim wei blong yufala fo tane kambaek long mi, bat gohed nomoa fo agensim mi,

Emos 4:10

?Mi nao bin sendem disfala ravis sik fo kasem yufala, olsem wea mi bin sendem bifoa fo kasem olketa pipol blong Ijip. An mi bin letem olketa enemi fo kilim dae evri yang man blong yufala long faet, an fo tekem olketa hos blong yufala tu. Mi nao bin mekem ples blong yufala fo smel nogud long bodi blong olketa man ya hu i dae finis. !Nomata olsem, yufala nating tanem nomoa tingting blong yufala fo kambaek long mi!

Emos 4:11

?Mi nao bin kilim dae samfala long yufala olsem wea mi bin kilim dae olketa pipol blong Sodom an Gomora. Yufala hu i laef yet, yufala lake ya bikos yufala olsem wanfala stik wea man hemi pulumaot from wanfala bikfala faea. !Bat nomata olsem, yufala nating tanem nomoa tingting blong yufala fo kambaek long mi!

Emos 4:6

Yawe hemi gohed fo tok olsem, ?Mi nao bin mekem bikfala taem blong hanggre fo kasem evri ples blong yufala, bat nomata olsem, yufala nating tane nomoa from olketa ravis wei blong yufala an kambaek moa long mi.

Emos 4:8

Olketa pipol blong samfala taon i barava dae nao fo dring. So olketa go long olketa narafala taon fo faendem wata bat wata hemi nating naf nomoa fo olketa evriwan. !Bat nomata olsem, yufala nating tane kambaek nomoa long mi!

Emos 4:9

?Mi nao bin sendem kam hot win fo kilim dae olketa gaden blong yufala, an mi bin sendem kam staka ren fo spoelem olketa grep tri long olketa plantesin blong yufala. An mi nao bin letem olketa grashopa fo kaikaim olketa fig tri an olketa oliv tri. !Bat yufala nating tingting kambaek nomoa long mi!

Sefenaea 3:7

Mi tingse, ?Maewat, distaem bae olketa mas tinghae long mi, an herem olketa toktok mi talem fo stretem olketa.? Sapos olketa herem mi olsem, mi no save spoelem ples blong olketa, an bae mi no panisim hem moa. Bat wea, olketa laekem tumas fo duim olketa nogud samting.

Leta wea Pol hemi raetem go long sios long Rom 2:2

Yumi save, God hemi duim stret samting taem hemi jajem olketa pipol hu i duim olketa samting olsem.

Hibrus 12:9

Long saet long olketa dadi blong yumi long wol ya, yumi tinghae long olketa bikos olketa save stretem yumi. Dastawe nao hemi moabeta fo yumi barava stap andanit long han blong Dadi blong yumi long heven, mekem yumi save stap laef wetem hem.