Jeremaea 5:26 - Pijin Bible

²⁶ “Samfala ravis man i stap wetem yufala. Olsem man hu hemi we-weit long bus fo kasholem samfala bed, olketa ravis man ya i trae fo trapem olketa pipol.

Pijin Deuterocanon

²⁶ “Samfala ravis man i stap wetem yufala. Olsem man hu hemi we-weit long bus fo kasholem samfala bed, olketa ravis man ya i trae fo trapem olketa pipol.

Jeremaea 5:26 Iomraidhean Croise

Sams 64:5

Olketa ya i strongim tingting blong olketa seleva long olketa ravis plan blong olketa. Olketa planem olketa ples wea bae olketa mekem olketa trap blong olketa ya, an olketa tingse no eniwan hemi luksave long olketa, taem olketa mekem olketa trap ya.

Provebs 1:11

Maet olketa sei, “Kam. Yumi haed long saet rod, an kilim dae olketa gud pipol fo plei nomoa.

Aesaea 32:7

Wei blong olketa man fo laea hemi barava ravis tu, an oltaem nomoa olketa planem fo spoelem olketa pua pipol, nomata olketa garem raet long olketa samting wea hemi barava blong olketa.

Aesaea 58:1

(Profet) Yawe hemi tok olsem long mi, “!Yu singaot bikfala olsem noes blong trampet! Talemaot long olketa pipol blong mi long Israel abaotem wei ya wea olketa agensim mi long hem an abaotem olketa sin blong olketa.

Jeremaea 18:20

?Waswe, hemi stret fo sensimbaek ravis samting fo gudfala samting? Plis yu tingim dat mi bin gohed fo kam long yu fo askem yu fo no kros long olketa, mekem yu no panisim olketa. Bat olketa ya laek fo finisim mi nao, olsem wea man hemi digim hol olsem trap fo kasholem animol an kilim hem dae.

Jeremaea 18:22

!Letem olketa sore an krae bikfala taem yu sendem olketa ravis man fo kam kuiktaem an spoelem olketa! Plis yu duim olsem bikos olketa bin digim hol mekem mi foldaon long hem, an olketa bin mekem trap fo kasholem mi.

Jeremaea 4:22

Nao Yawe hemi tok olsem, “Olketa pipol blong mi i krangge an no save long mi nao. Olketa barava olsem olketa pikinini hu i no minimsave enisamting. Olketa savegud hao fo duim enikaen ravis samting, bat olketa no save hao fo duim enikaen gud samting.”

Jeremaea 9:8

Olketa tang blong olketa i olsem poesen aro. Oltaem olketa yusim nomoa fo laea. Olketa gohed fo toktokgud long olketa wantok, bat olketa laek fo trikim olketa nomoa.

Maeka 6:10

Long evri haos blong olketa nogud pipol, olketa garem plande gudfala samting wea olketa winim long wei wea hemi no stret. An long evri stoa blong olketa evriwan, olketa garem raverave skel an kap fo mesarem olketa samting. Wei ya hemi nogud tumas, an mi barava les long hem.

Maeka 7:2

Long disfala kantri, no eniwan hemi falom stretfala wei blong God. No eniwan hemi tinghevi long God. Evriwan i weit nomoa fo kilim dae narafala man. Olketa gohed fo trikim pipol, nomata olketa i wantok blong olketa nomoa.

Gudnius abaotem Jisas Kraes wea Luk hemi raetem 5:10

An tufala san blong Sebedi, Jemes an Jon, wea tufala waka wetem Saemon, tufala tu i sapraes tumas long hem. Nao Jisas hemi tok olsem long Saemon, “Yu no fraet. Stat long distaem nao, bae yu go fo fising fo kasem pipol nomoa.”