Jeremaea 5:19 - Pijin Bible

¹⁹ Nao taem olketa askem yu olsem, ‘?Waswe nao Yawe duim olketa samting ya long yumi?’, bae yu tok olsem long olketa, ‘Bikos yufala bin gohed fo lusim hem, an yufala bin mekhae long olketa narafala god long lan blong yufala, nao bae yufala mas mekhae long olketa narafala pipol long lan wea hemi no blong yumi.’”

Pijin Deuterocanon

¹⁹ Nao taem olketa askem yu olsem, ‘?Waswe nao Yawe duim olketa samting ya long yumi?’, bae yu tok olsem long olketa, ‘Bikos yufala bin gohed fo lusim hem, an yufala bin mekhae long olketa narafala god long lan blong yufala, nao bae yufala mas mekhae long olketa narafala pipol long lan wea hemi no blong yumi.’”

Jeremaea 5:19 Iomraidhean Croise

Jeremaea 13:22

An taem yufala ask olsem, “?Waswe nao olketa samting ya i kasem yumi olsem?” yufala mas save dat hemi kasem yufala bikos oltaem yufala gohed fo sin. An panis ya hemi olsem olketa enemi wea i brekemaot olketa kaleko blong yufala, an reipem yufala.

Jeremaea 16:13

From samting ya nao, bae mi torowem yufala goaot from disfala lan, mekem yufala go stap long narafala kantri wea yufala wetem olketa grani blong yufala bifoa, i no save long hem. An long ples ya, long de an long naet, bae olketa fosim yufala fo mekem wosip long olketa narafala god, an bae mi no sore long yufala.’”

Jeremaea 17:4

Kros blong mi hemi olsem bikfala faea, an bae hemi gohed fo bonem yufala nogud. From olketa samting yufala gohed fo duim, disfala lan wea mi bin givim long olketa grani blong yufala bifoa, bae hemi lus. An bae mi letem olketa enemi ya fo tekem yufala go long lan wea yufala no save long hem, fo waka olsem slev.”

Jeremaea 2:13

“Olketa pipol blong mi i mekem tufala sin wea hemi nogud tumas. Mi nao olsem wanfala springwata wea hemi save givim laef, bat yufala i les long mi finis. An yufala i falom nomoa olketa narafala god wea yufala seleva bin wakem. Olketa god ya i olsem wata tangk wea man hemi wakem wea hemi brek an no save holem wata.”

Jeremaea 2:14

Yawe hemi gohed fo tok olsem, “Olketa pipol blong mi, yufala no slev ya. An yufala i no pikinini blong olketa pipol hu i waka olsem slev. ?Bat waswe nao olketa enemi blong yufala i save gohed nomoa fo ronem yufala fo kasholem yufala?

Jeremaea 2:35

yufala gohed fo talem dat wei blong yufala hemi stret nomoa, an wea mi no save kros long yufala. Bat bae mi panisim yufala, bikos yufala gohed fo toklaea olsem, ‘Mi no mekem eni sin.’

Jeremaea 5:18

“Bat long datfala taem, bae mi no spoelem yufala evriwan.

Jeremaea 5:20

Yawe hemi gohed fo tok olsem, “Jeremaea. Yu go talemaot disfala mesij long olketa long laen blong Jekob hu i stap long Jiuda:

Jeremaea 9:12

(Profet) ?Waswe nao disfala lan hemi kamap nogud tumas olsem? ?Waswe nao hemi kamap olsem drae eria, wea man no save gotru long hem? ?Waswe, eni man hemi stap hu hemi waes, mekem hemi minimgud disfala samting? ?Eni man hemi stap wea Yawe bin tisim abaotem samting ya, mekem hemi save talemaot mining blong hem long mifala?

Jeremaea 9:13

Nao Yawe hemi tok olsem, “Mi duim olsem bikos olketa les finis long lo blong mi, wea mi givim long olketa. Olketa no obeim mi. Olketa no falom nomoa gudfala wei long lo blong mi.

Lamentesin 5:8

Olketa wakaman nomoa i rul ovarem mifala, an no eniwan save tekem mifala aot from paoa blong olketa.