Jeremaea 49:5 - Pijin Bible

⁵ Bat mi tok stret long yufala nao. Bae mi sendem evri pipol wea i stap raonem yufala, fo mekem yufala fraet. Bae olketa raosim yufala evriwan, an no eniwan hemi stap moa fo helpem yufala hipap kam tugeta moa.

Pijin Deuterocanon

⁵ Bat mi tok stret long yufala nao. Bae mi sendem evri pipol wea i stap raonem yufala, fo mekem yufala fraet. Bae olketa raosim yufala evriwan, an no eniwan hemi stap moa fo helpem yufala hipap kam tugeta moa.

Jeremaea 49:5 Iomraidhean Croise

2 Kings 19:7

!Yu no fraet! Bae mi tanem tingting blong hem, mekem hemi gobaek long kantri blong hem taem hemi herem wanfala ripot. An long dea nao, bae mi jes mekem olketa pipol fo kilim hem dae long naef fo faet.”

Stori abaotem Job 15:21

Insaet long tingting blong hem, hemi herem olketa samting wea hemi fraetem tumas. An taem hemi tingse hemi stap gudfala nomoa, bae olketa man fo stil i kam spoelem hem.

Provebs 28:1

Ravis pipol save ranawe nomata no eniwan aftarem olketa. Bat stretfala pipol i gohed strong olsem laeon.

Aesaea 16:3

Olketa pipol ya i askem king olsem, “Plis yu advaesim mifala. Talemaot tingting blong yu nao. Plis yu gadem mifala, mekem mifala save stap gud andanit long paoa blong yu olsem bikfala tri wea pipol save go haed long sado blong hem from bikfala san. Mifala bin ranawe finis from ples blong mifala. Plis yu no givim mifala go baek long han blong olketa enemi blong mifala.

Jeremaea 15:8

Bae mi mekem plande woman moa fo kamap wido, mekem namba blong olketa ya i winim nao sanbis long solwata. Long midol long de, bae mi sendem olketa enemi fo spoelem olketa yangman blong yufala, an seknomoa olketa mami blong olketa i sore tumas an fraet fogud.

Jeremaea 16:16

Yawe hemi gohed fo tok olsem, “Mi seleva nao bae mi sendem toktok go long olketa enemi, mekem olketa kam pulum yufala, olsem man hemi pulum fis. An bihaen bae mi sendem samfala enemi moa, mekem olketa lukaotem yufala evriwea long lan, olsem man fo handing hemi lukaotem mit olobaot long olketa maonten an hil, an long olketa hol long ston.

Jeremaea 20:4

Hem nao Yawe hemi tok olsem, ‘Bae mi mekem yu fraetem yu seleva, an bae mi mekem olketa wantok blong yu tu i fraetem yu fogud. Bae yu lukim dat olketa enemi i kam kilim olketa ya dae long faet. Bae mi putum yufala pipol blong Jiuda evriwan andanit long paoa blong king blong Babilonia. Samfala bae hemi fosim olketa fo go long Babilonia, an samfala bae hemi kilim dae.

Jeremaea 46:5

“?Bat wanem samting ya? Mi lukim olketa soldia ya blong Ijip i fraet tumas. Olketa ranawe gobaek. Olketa enemi i winim olketa. Olketa resis gobaek kuiktaem, an olketa no luk kambaek nao, bikos olketa plande samting fo mekem olketa fraet fogud, hemi stap evriwea raonem olketa.

Jeremaea 49:29

Yufala karim go olketa haostent blong olketa, an evri kaleko blong olketa haostent ya, wetem olketa narafala samting blong olketa. Tekemaot olketa sipsip, an nanigot, an kamel blong olketa. Bae yufala herem olketa singaot bikfala olsem, ‘Plande samting fo mekem yumi fraet fogud, hemi stap evriwea raonem yumi.’

Jeremaea 6:25

Yumi no save go aotsaet long olketa open ples, o wakabaot long rod, bikos olketa enemi ya i redi finis fo kilim yumi dae. Ya, plande samting fo mekem yumi fraet fogud, hemi stap evriwea raonem yumi.’”

Lamentesin 4:15

Olketa pipol i singaotem olketa olsem, “!Ei! !Yufala goaot! !Yufala no tasim mifala! !Yufala no klin long ae blong God!” An taem olketa ranawe go olobaot, olketa long narafala kantri i tok olsem, “!Olketa no save stap moa long ples blong mifala!”

Emos 4:3

An bae olketa pulum yufala go long olketa hol long bikfala wolston blong taon ya an torowem yufala go aotsaet, long saet go fo maonten long Hemon.? Hem nao mesij blong Yawe.

Josua 2:9

an hemi tok olsem long tufala, “Mi save dat Yawe hemi givim finis disfala lan ya long yufala. An evriwan long lan ya i fraet tumas long yufala.