Jeremaea 49:31 - Pijin Bible

³¹ “Olketa blong Babilonia. Yufala mekredi an go faetem olketa pipol ya hu i stap gudfala an no garem eni nogud samting fo wari long hem. Olketa tingse olketa sef, an wolston blong taon hemi no garem geit o lok, an olketa no garem eniwan moa fo helpem olketa long taem blong faet.

Pijin Deuterocanon

³¹ “Olketa blong Babilonia. Yufala mekredi an go faetem olketa pipol ya hu i stap gudfala an no garem eni nogud samting fo wari long hem. Olketa tingse olketa sef, an wolston blong taon hemi no garem geit o lok, an olketa no garem eniwan moa fo helpem olketa long taem blong faet.

Jeremaea 49:31 Iomraidhean Croise

Sams 123:4

Fo longtaem tumas nao, olketa risman i bin tokspoelem mifala. Ya, olketa hu i praod tumas i bin mekem mifala safa tumas. (Olketa singim disfala singsing taem olketa goap fo fist long Jerusalem.)

Sams 73:12

Hem nao wei blong olketa. Olketa garem plande samting finis, an oltaem olketa tekem plande samting moa.

Aesaea 32:11

Yufala woman hu i stap gudfala distaem, bae yufala fraet an seksek fogud. An bae yufala tekemaot olketa gudfala kaleko blong yufala an werem nomoa olketa ravis kaleko fo sore an krae.

Aesaea 32:9

(Profet) !Lisin kam gudfala long toktok blong Yawe, yufala woman blong Jerusalem! Oltaem, yufala tingse yufala garem isi laef wea yufala nating save wari long enisamting.

Aesaea 42:11

Bikfala drae eria, wetem olketa taon wea i stap long yu, yufala mas preisim Yawe. Olketa pipol blong Kedaa long ist, yufala mas preisim hem. Olketa pipol blong taon long Sela, yufala mas go antap long hil, an singaot bikfala. Ya, talemaot bikfala wea yufala hapi tumas.

Aesaea 47:8

“!Lisin kam long disfala toktok, yu hu yu laekem tumas olketa samting wea yu hapi long hem! Oltaem, yu tingse bae yu stap gudfala nomoa. Yu talem olsem, ‘!Mi nao olsem God, an no eni narawan moa hemi olsem mi!’ Tingting blong yu hemi olsem woman wea hemi tingse bae hemi no save kamap wido, o hemi no save lusim eni pikinini.

Jeremaea 48:11

Yawe hemi gohed fo tok olsem, “Oltaem olketa pipol blong Moab bin gohed fo stap gud nomoa, an no eni enemi bin fosim olketa fo lusim lan blong olketa fo go long narafala kantri. Kantri ya hemi barava olsem waen wea olketa no bin kapsaetem long narafala botol fo klinim waen ya, mekem olketa ravis gohed fo stap insaet long hem. Test an smel blong hem no save kamap gud.

Esikiel 30:9

“Long datfala de wea olketa enemi i spoelem Ijip, bae mi sendem olketa mesenja long olketa bout fo go long kantri blong Kus. Olketa blong kantri ya i nating tingim dat bae trabol hemi kam. Bat taem olketa herem nius ya, bae olketa seksek an fraet fogud. !Datfala de bae hemi kam tru nao!

Esikiel 38:11

An bae yu tok olsem, ‘Olketa pipol i stap long piis, an nating wari long olketa enemi. Olketa taon blong olketa no garem eni wolston raonem wetem strongfala geit an lok. Bae mi go tekova long disfala kantri.’

Esikiel 39:6

Bae mi sendem kam faea long disfala kantri blong yu Megog, an long olketa ples kolsap long solwata wea olketa pipol i stap gud nomoa long hem, mekem evriwan ya savegud dat mi nao Yawe.

Maeka 7:14

(Profet) Yawe. Mifala i pipol blong yu wea yu siusim. Plis yu lukaftarem mifala gudfala olsem wea mifala olketa sipsip blong yu. Nomata mifala olketa sipsip blong yu i stap long bus, bat olketa graon wea hemi garem gudfala gras hemi stap raonem mifala. Plis yu letem mifala evri sipsip fo kaikai long gudfala gras ya long Basan an long Gilead, olsem wea olketa sipsip blong yu bin kaikai long hem bifoa.

Neiham 1:12

Yawe nao hemi tok olsem, “Olketa pipol blong Jiuda. Nomata olketa pipol blong Nineve i plande tumas an strong winim yufala, bat bae mi spoelem olketa finis, an no eniwan long olketa bae hemi laef. Mi bin mekem yufala safa tumas, bat bae mi no duim moa enitaem.

Sefenaea 2:15

Olketa samting ya nao bae kasem taon wea olketa pipol i praod tumas long paoa blong olketa seleva, an tingse olketa stap sef nomoa. Olketa pipol i tingse taon blong olketa hemi nambawan winim eni narafala taon long disfala wol. Bat wea, taon ya bae hemi bagarap finis, an bae hemi kamap ples fo olketa wael animol i slip long hem. Olketa pipol wea i go pas long taon ya, bae olketa sek fogud an toknogud long hem.?

Nambas 23:9

Taem mi stanap long maonten, mi save lukim olketa. Ya, long antap mi save lukim olketa gudfala. Olketa stanap seleva. Olketa save dat olketa i deferen from eni narafala pipol.

Diutronomi 33:28

So bae yufala Israel garem piis. An ples blong yufala long laen blong Jekob hemi sef. Lan blong yufala bae hemi garem plande kaikai an waen, an oltaem hemi garem plande ren.