Jeremaea 49:25 - Pijin Bible

²⁵ Bifoa, mi laekem tumas disfala taon wea nem blong hem hemi gud tumas. Bat distaem datfala taon hemi kamap nogud. ?Waswe nao olketa pipol no lusim hem yet?

Pijin Deuterocanon

²⁵ Bifoa, mi laekem tumas disfala taon wea nem blong hem hemi gud tumas. Bat distaem datfala taon hemi kamap nogud. ?Waswe nao olketa pipol no lusim hem yet?

Jeremaea 49:25 Iomraidhean Croise

Aesaea 1:26

An bae mi putumap olketa niufala lida wetem olketa niufala bikman olsem wea yufala bin garem bifoa. Long datfala taem, bae olketa pipol i save dat yufala pipol long Jerusalem i duim olketa samting wea hemi barava stret. Olketa save tu dat oltaem nomoa yufala tinghevi long Yawe.”

Jeremaea 33:9

Long datfala taem, olketa pipol blong wol bae i hapi tumas from olketa gudfala samting mi duim fo disfala taon, an bae i preisim mi an mekhae long nem blong mi. Bae olketa seke tumas taem i herem nius abaotem wei wea mi mekem olketa pipol long disfala taon fo stap gudfala long piis.

Jeremaea 48:2

Bae no eniwan hemi mekhae moa long kantri long Moab. Long biktaon long Hesbon bae olketa mekem ravis plan fo spoelem hem. Bae olketa tok olsem, ‘Olketa. !Yumi mas barava finisim datfala kantri nao!’ An yufala pipol blong Madmen bae yufala i stap kuaet nomoa olsem man dae, bikos disfala naef fo faet bae hemi aftarem yufala.

Jeremaea 48:39

!Moab hemi kamap nogud tumas! !Lisin kam long bikfala krae blong olketa! !Hemi sem tumas! Evriwan hemi mekfan long hem, an taem pipol i tingim wanem nao bin kasem olketa, olketa seke fogud.” Hem nao mesij blong Yawe.

Jeremaea 51:41

Yawe hemi gohed fo tok olsem, “Evriwan long wol ya bin gohed fo mekhae fogud long Babilon. Bat bae olketa enemi i winim hem nogud, mekem evriwan long wol ya i seke fogud taem olketa lukim.

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”

Revelesin 18:10

Bae olketa stanap farawe, bikos olketa fraetem tumas panis wea hemi kasem biktaon ya. An bae olketa sei olsem, “!Maewat, sore tumas long yu Babilon! Yu biktaon wea yu strong tumas, bat long wanfala aoa nomoa yu kasem panis blong yu nao.”