Jeremaea 49:2 - Pijin Bible

² Bat taem bae hemi kam wea olketa pipol blong biktaon long Raba i herem bikfala noes long trampet blong olketa enemi. Bae enemi ya i brekemdaon olketa taon, an bonem olketa vilij raonem olketa. Bae Israel i kam fo raosim olketa pipol blong Amon hu bin raosim olketa.” Hem nao toktok blong Yawe.

Pijin Deuterocanon

² Bat taem bae hemi kam wea olketa pipol blong biktaon long Raba i herem bikfala noes long trampet blong olketa enemi. Bae enemi ya i brekemdaon olketa taon, an bonem olketa vilij raonem olketa. Bae Israel i kam fo raosim olketa pipol blong Amon hu bin raosim olketa.” Hem nao toktok blong Yawe.

Jeremaea 49:2 Iomraidhean Croise

2 Samuel 11:1

Long taem tukol an ren hemi finis, an hemi fitim fo olketa king i go faet, King Deved hemi sendem Joab wetem olketa komanda, an ami blong Israel, fo go faetem pipol blong Amon. Olketa ya i barava spoelem ami blong Amon, an olketa go hipap fo faet long taon long Raba wea hemi kapitol blong Amon. Bat King Deved hemi stap nomoa long Jerusalem.

Sams 48:11

So hemi gud fo mifala evriwan long Saeon i hapi. Yu jajem evri pipol long stretfala wei. Dastawe, hemi gud fo mifala evriwan long olketa taon long Jiuda i hapi.

Sams 97:8

Lod Yawe, olketa pipol long Saeon an olketa pipol long olketa taon long Jiuda i hapi tumas, bikos yu bin stretem olketa trabol blong olketa.

Aesaea 11:14

Bat bae tufala faet agensim olketa pipol blong Filistia long west. An bae tufala tekem olketa gudfala samting blong olketa pipol long ist. Bae tufala winim olketa pipol blong Idom wetem olketa pipol blong Moab long faet. An olketa pipol blong Amon bae i stap andanit long paoa blong tufala.

Aesaea 17:1

Hem ya profesi abaotem Siria. Yawe nao hemi tok olsem, “Nomata Damaskas hemi wanfala bikfala taon, bat bae hemi kamap wanfala bikfala hip ravis nomoa.

Jeremaea 4:19

(Profet) !Ei! !Mi barava sore tumas! Haat blong mi hemi pampam fogud an bele blong mi hemi filnogud tumas. Mi kanduit stap kuaet nao, bikos mi herem bikfala noes blong olketa trampet, an mi herem olketa enemi singaot taem olketa kam fo mekem faet.

Jeremaea 49:1

Hem ya nao mesij wea Yawe hemi talemaot abaotem olketa blong Amon. Hemi tok olsem, “?Waswe nao god Milkom hemi save tekova long lan blong traeb long Gad? ?Waswe nao olketa pipol blong hem long Amon save stap long olketa taon blong lan ya? !Hemi olsem Israel hemi no garem man fo kipim graon blong olketa dadi blong olketa, mekem olketa save stap long hem!

Esikiel 21:20

Makem wanfala rod wea disfala naef save falom go long taon long Raba, long kantri long Amon. An makem narawan fo go long Jerusalem wea hemi garem bikfala wolston raonem an olketa narafala ples long Jiuda.

Esikiel 21:25

“!O king blong Israel! !Yu ravis man! !Yu barava nogud tumas! Las de blong yu hemi kam nao, wea bae mi givim bikfala panis long yu.

Emos 1:14

hem nao bae mi letem olketa enemi fo panisim olketa. Bae hemi olsem wea faea hemi save bonem evrisamting long kapitol ya Raba an olketa strongfala sefples blong olketa. Long taem blong faet, bae olketa enemi i singaot bikfala, an bae olketa spoelem yufala finis olsem wea saekloun hemi spoelem finis evrisamting.

Obadaea 1:19

“Olketa pipol blong mi hu i stap long Negev long saot blong Jiuda, bae i tekova long olketa maonten blong Idom. An olketa blong mi hu i stap long olketa lou hil long west, bae i tekova long lan blong Filistia. Olketa pipol blong Israel bae i tekova long olketa lan blong Efrem an Samaria. An olketa long traeb blong Benjamin, bae i tekova long graon long Gilead.

Nambas 10:9

Taem yufala go fo faet wetem olketa enemi hu trae fo spoelem lan blong yufala, yufala mas bloum tufala trampet ya kuiktaem fo trifala taem. An taem mi Yawe, God blong yufala, mi herem, bae mi tingim yufala, an sevem yufala from olketa enemi blong yufala.

Nambas 21:25

Pipol blong Israel i tekova long evri taon blong laen blong Amoa, wetem bikfala taon long Hesbon, an olketa vilij wea i stap raonem hem.

Diutronomi 13:16

Evrisamting blong olketa blong datfala taon, yufala mas tekem kam an hipimap long midol long hem. Den yufala mas bonem datfala taon wetem evrisamting long hem, fo ofarem go long Yawe olsem sakrifaes wea hemi barava bone. An datfala taon bae hemi mas stap nogud olowe nomoa, an hemi tambu fo eniwan i go wakem moa.

Diutronomi 3:11

Yu save, Paramaon Sif ya, hemi las man long laen blong olketa jaean wea olketa kolem Refaem. An taem hemi dae, olketa wakem kofin blong hem long blakfala ston wea hemi foa mita long, an kolsap tu mita waed. Disfala ston kofin hemi stap yet kam kasem tude long taon long Raba wea hemi taon blong pipol blong Amon.

Josua 17:11

Olketa long traeb blong Manase i garem samfala taon insaet long eria blong Asa an eria blong Isaka, wea nem blong olketa nao Bet-San, an Ibleam, wetem olketa vilij raon long tufala, wetem Endoa, an Taanak, an Megido an Doa wea hemi stap long saet si.

Josua 17:16

Bat olketa tok olsem, “Olketa ples long olketa hil ya hemi no fitim mifala an mifala no save stap long flat ples tu. Olketa pipol blong Kenan long Bet-San wetem olketa vilij wea i stap raon long olketa, an olketa wea i stap long vali long Jesreel i strong tumas bikos olketa garem olketa kaat fo faet wea olketa mekem long aean.”