Jeremaea 49:10 - Pijin Bible

¹⁰ Bat mi bae mi tekem evrisamting blong yufala long laen blong Iso. An bae mi faendem olketa ples blong yufala fo haed, mekem yufala no garem eni sefples fo ranawe long hem. Bae mi kilim dae evri man wetem olketa pikinini, an olketa wantok, an olketa fren.

Pijin Deuterocanon

¹⁰ Bat mi bae mi tekem evrisamting blong yufala long laen blong Iso. An bae mi faendem olketa ples blong yufala fo haed, mekem yufala no garem eni sefples fo ranawe long hem. Bae mi kilim dae evri man wetem olketa pikinini, an olketa wantok, an olketa fren.

Jeremaea 49:10 Iomraidhean Croise

Sams 37:28

Hemi olsem, bikos Yawe hemi laekem olketa wei wea i stret, an hemi no save lusim olketa hu i tinghevi long hem. Oltaem bae hemi gohed fo gadem olketa, bat bae hemi ronemaot olketa wea i bon kam long laen blong olketa nogud pipol.

Aesaea 17:14

Long naet, olketa mekem yumi fraet an seksek. Bat long moning, olketa lus finis nao. Hem nao wanem bae hemi hapen long olketa pipol hu i kam an spoelem ples blong yumi, an stilim tu evrisamting blong yumi.

Aesaea 45:3

Bae mi givim yu olketa gudfala samting wea olketa man i haedem insaet long olketa ples wea hemi tudak, mekem yu save dat mi nao Yawe, God blong Israel, an mi nao mi kolem yu long nem blong yu fo kam.

Jeremaea 13:26

Mi lukim finis evri ravis samting yufala bin gohed fo duim long olketa hil ya an long olketa open ples. Mi lukim yufala i aftarem olketa laea god, barava olsem juri woman hu oltaem hemi lukaotem olketa man, o olsem man hos wea hemi gohed fo aftarem woman hos. Mi nomoa bae mi brekemaot olketa kaleko blong yufala, mekem yufala stap neket an mekem yufala sem long ae blong olketa pipol blong wol. “!Sore tumas long yufala blong Jerusalem! Bikfala trabol bae hemi kam kasem yufala, bikos wei blong yufala hemi no stret. ?Hao long nao bae yufala no stret long ae blong mi?” Hem nao mesij blong Yawe.

Jeremaea 23:24

?Waswe, eni man save haed long ples wea mi no save lukim hem? Nomoa nao. !Mi fulumapem evri ples long heven an long disfala wol!

Lamentesin 4:22

Olketa pipol blong Jerusalem, panis blong yumi bae hemi save finis nao. Bae Yawe hemi no letem yumi fo stap fo longtaem long farawe kantri. Bat yufala pipol blong Idom, bae Yawe hemi panisim yufala from olketa sin blong yufala, an somaot olketa rong blong yufala.

Emos 9:3

Nomata olketa goap an haed olobaot long maonten long Kaamel, bae mi aftarem olketa, an tekem olketa kambaek nomoa. An nomata olketa daeva godaon fo haed long botom long dipsi, bae mi tokstrong long disfala bikfala si snek fo kaikaim olketa.

Obadaea 1:6

Yufala hu i bon kam long laen blong Iso, bae olketa enemi i tekemaot evri risis blong yufala. Ya, bae olketa no lusim enisamting bihaen.

Obadaea 1:9

Nao olketa strongman blong yufala, bae i barava fraet an seksek fogud. An bae mi kilim dae evri soldia blong yufala.”

Leta wea Pol hemi raetem go long sios long Rom 9:13

Hemi olsem toktok blong God long Buktambu wea hemi sei, “Mi lavem Jekob, bat mi les long Iso.”