Jeremaea 48:6 - Pijin Bible

⁶ Olketa tok olsem, ‘!Ranawei! Yumi mas ran kuiktaem, nogud yumi dae. Yumi mas stap laef nomoa olsem smolfala tri long drae eria.’

Pijin Deuterocanon

⁶ Olketa tok olsem, ‘!Ranawei! Yumi mas ran kuiktaem, nogud yumi dae. Yumi mas stap laef nomoa olsem smolfala tri long drae eria.’

Jeremaea 48:6 Iomraidhean Croise

Jenesis 19:17

Nao wanfala long tufala ya hemi tok olsem long olketa, “!Yufala ran kuiktaem! !Yufala no lukbaek long ples ya! Yufala ran go antap long hil ya, an yufala no res go-go yufala lusim flat ples ya long daon, an go antap long hil ya. Long wei ya nao bae yufala save laef. !Sapos nomoa, bae yufala dae ya!”

Sams 11:1

Mi gohed fo trastem Yawe, an mi stap sef long hem. So olketa fren blong mi i krangge tumas fo tok olsem long mi, “Yu ranawe go long olketa maonten ya olsem wanfala bed wea hemi fraet fogud. Bikos olketa nogud pipol ya i pulumrere olketa bou blong olketa. An olketa nogud pipol ya i stap long tudak an i mekredi finis long olketa aro fo sutim olketa stretfala pipol. Taem evrisamting hemi nogud olsem ya, olketa gudfala pipol i no save duim enisamting nao.”

Jeremaea 17:6

Diskaen man hemi olsem wanfala smol tri long drae eria wea no eniwan save stap long hem, long lan wea hemi no garem eni wata long hem an graon blong lan ya hemi fulap nomoa long solt. Man olsem, hemi no save garem eni gudfala samting long laef blong hem.

Jeremaea 51:6

“Olketa pipol blong mi. !Yufala mas lusim Babilonia! !Yufala ranawe! !Yufala mas sevem laef blong yufala! Nogud yufala dae wetem olketa from sin blong olketa. Taem hemi kam finis wea bae mi Yawe mi panisim olketa. Bae mi sensimbaek long olketa fitim wanem olketa bin duim.

Gudnius abaotem Jisas Kraes wea Luk hemi raetem 3:7

Plande pipol tumas nao olketa kam long Jon fo hemi baptaesim olketa. Nao hemi tok olsem long olketa, “!Yufala olsem olketa snek ya! ?Waswe, yufala tingse sapos yufala baptaes, bae yufala save ranawe from disfala kros blong God wea bae hemi kam?

Hibrus 6:18

So God hemi talemaot dat bae hemi blesim laen blong Ebraham an hemi mekem strongfala promis fo duim olsem. Tufala samting ya no save sens bikos God no save laea. An yumi hu i trastem God fo hemi kipim yumi sef, tufala samting ya save strongim tingting blong yumi fo holestrong long biliv wea bae hemi duim wanem hemi promisim.